اقتباس المشاركة الأصلية كتبت بواسطة ahmed amin مشاهدة المشاركة
سعر اللشراء علي حسب الحالة,, يعني متربطش نفسك بسعر,
ممكن عربية نضيفة أوي وعاملة كيلومتر قليل تتباع بسعر عالي, وعربية تانية عايزة شغل تشتريها ب 50 الف جنيه, أنا أعرف عربية 307sw كانت بتتباع ب 40 الف جنيه بس كانت عايزة ضفيرة كاملة وقشرة طابلوة عشان الأيرباج كان فاتح وكان فيها مشكلة في الفتيس,
يعني التصيلح هيوصلها ل 70 ألف مثلاً بس أنك تعرف تظبط الحاجات دي موضوع مقرف..

فانت وانت بتشتري دور علي الحالة,, اللي مفروض تعمله أنك تشوف العربية من جوه متهانة ولا لأ,
لأن العربية اللي متهانة من جوا هيبقي صاحبها مهمل,
وبعدين أسئل الصيانات كانت بتتعمل فين, في التوكيل ولا لأ, وهل فيه فواتير ولا لأ,
ولو مفيش هتبقي في الغالب كان بيتركب لها قطع غيار مش أصلي لان مفيش مرجع ليك تتأكد منه.

الكشف المفروض تكشف في غمرة المركز الرئيسي عشان تضمن أن الكشف يكون كامل علي كل حاجة فيها عشان فيه مراكز مش بتكشف كويس علي الفتيس والكهرباء ودي حاجة مش كويسة,
وعشان كمان يعرفوك تاريخ العربية لو كانت بتعمل صيانة عندهم.
شاكر جدا لردك الوافى كأغلب ردودك وربنا يجعله فى ميزان حسناتك إن شاء الله
و هستأذن حضرتك ابعتلك على الخاص علشان موضوع الراجل مايبوظش و انا بعتذر له لو كنت تطفلت عليه