الموضوع: يا ترى لسة فى رجال فى زمن ماتت فيه الرجولة؟ممكن حد يفهم مشكلتى؟

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!! ده كل اللى انا حاسس به(التعجب)

المشاركة الأصلية كتبت بواسطة إنسانة

لسه شايفة الكلام دا

طيب أنا زوجة سعودي أهوه

طفشانة من عيشتي

نفسي أعيش إنسانة زي الناس

صح بيعمل كل حاجة وأنا عليا أكل وأشرب وألبس وبس <<< مليش رأي حتى في اكلي الا ماندر

انسان كويس ومحترم أنا مقولتش حاجة ... بس لما تعيشي زي القطة اللي ملهاش رأي دي عيشة كويسة ؟

على فكرة العيشة دي مميتة

انتي عرفتي تطلقي أنا مش عارفة ولو عيطت وسرخت وزعت بيعد يضحك وخلاص كدا الموضوع انتهى

وفاكرة ممكن تطلعي برا البيت خطوة ؟ انا ساكنة في شقة مفروشة عليها حراسة لو حاولت اخرج وجوزي مش موجود هلاقي 10 فوشي

ولو وديتيني الشارع اللي ورى معرفش ارجع ... بجد مش هعرف ارجع

ولما كنت بدرس بنزل ادخل اللجنة وهو واقف بالعربيه ادام الباب وبمجرد ما يعدي نص الوقت يتصل مليون اتصال مش بلحق اكلم حد ولا بص يمين ولا شمال <<< والجامعة بنات بس

طيب دي عيشة ؟ عايزة تعيشي كدا ؟


نسيت اقولك لا زيارات ولا ازور حد ولا حد يزورني لوحدي لحد مامموت مش هيخليني اتعرف على حد

والله مش عارفة اقولك ايه..........أكيد وضع صعب بردو
مفيش حد عاجبه حاله
ربنا يهديلك زوجك ويفهم ان دور المرأة فى البيت وتربية الاولاد
مش معناه انها تبقى مسجونة
ومحطوطة فى قمقم
احنا بنقول المرأة تبقى معززة مكرمة فى بيتها مصانة من المهانة
ودا الى زوجك بيحاول يخققه
بس خير الامور الوسط..................ازاى هى تعرف تربى الاولاد
وهى محبوسة ومش عارفة حاجة عن المجتمع؟
حاولى تفهمى زوجك .............بطريقة غير مباشرة............ا
نك سعيدة جدا انه بيخاف عليكى وبيحميك
من الناس الشريرة
فى نفس الوقت لازم تفهميه ان الدين ميرضاش بكدا وربنا ميرضاش بكدا
وان الفرق بين الانسان والحيوان -اعذكم الله- انه اجتماعى
حاولى تجيبيلو الاحاديث التى تحث على المحبة والمودة فى الله والزيارات والعلاقات الاجتماعية
السوية مثل هذا الحديث
سمعت رسول الله صلى الله عليه وسلم يقول:
(قال الله تعالى: وجبت محبتي للمتحابين فيّ، وجبت محبتي للمتحابين فيّ،
والمتجالسين فيّ، والمتزاورين فيّ، والمتباذلين فيّ) ،
حديث صحيح رواه الامام مالك في الموطأ.
====================

ممكن يكون زوجك بيخاف عليكى من صحبة السوؤ والنساء اللتاتة والتى تخبب المرأة على زوجها
فعشان كدا بيحبسك فى البيت
حاولى تدورى على صحبة كويسة .........واتكلمى معاه واقنعيه
لازم زوجك يفهم ان دور المرأة فى المجتمع .......لا يعنى حبسها وعزلها عن المجتمع
ازاى وهى نص المجتمع..........................دور المرأة
فى تربية الاولاد
رعاية الام والاب المسنين
العمل الخيرى واعمال البر المختلفة
العمل الاصلاحى فى المجتمع
السكن والمودة والحنان للزوج
والسكن والمودة مش هتتحقق ............
الا اذا كانت المرأة بتحضر دروس توعوية وايمانية باستمرار
من باب وذكر فأن الذكرى تنففع المؤمنين
لازم كل زوج يفهم ان حبس المرأة فى البيت
دا معناه لا محالة ...............إعانة الشيطان عليها
لأن الفراغ بينتج عنه تدخل الشيطان فى حياه الزوجة
الا اذا كان الزوج يعين زوجته ايمانيا وعملها حضانة ايمانية وبيتابعها دينيا وايمانيا كل يوم
وربنا يصلحلك الحال اختى ويهدى زوجك لما فيه الصالح ورضا رب العالمين

المشاركة الأصلية كتبت بواسطة إنسانة

ايوه متابعة الوضع السياسي وفاهمة انه فيه قلق بس كنت فاكرة في مناطق معينة مش في كل البلد
طيب طالما عندك فرصة تهاجري ليه ماهجرتيش أمريكا مثلا ومفتكرش فيها تحرش لإن اصلا النساء هناك كل وحدة معتمدة على نفسها
فافتكر وضعها افضل من وضع البلد
وحتى تتجوزي امريكي شبه توم كروز وتعيشي في بيت خشب وجنينة برا هههههههههههه
بكلمك بجد الهجرة طالما متاحة خيار ممتاز
أنا لو أقدر هطير النهردة قبل بكرة هههههههه
حاولي تلاقي حل غير تقليدي بس قوي قلبك : )

الهجرة برة مصر فى حالة ....لو حد راجل يبقى معايا....زوج او اخ
لكن لوحدى .............يبقى انا محلتش مشكلتى بالعكس انا بدخل نفسى فى
متاهة تانية ملهاش نهاية
دا غير اختى مهاجرة ...........ومعندهاش النية للرجوع لمصر .....عجبها العيشة هناك
يبقى مين الى هيراعى امى المريضة؟؟
مرتات اخواتى ملهومش فى الكلام دا ..........واخواتى مكبرين دماغهم
ممكن ارجع من امريكا الاقى بابا وماما فى دار مسنين

أما بالنسبة لتوم كروز بتاع امريكا
هضمن منين ان اخلاقه تكون كريمة وعنده مروءة وعفة وأمانة وبيخاف ربنا؟
غير كدا بأمانة شديدة وعشان اكون واضحة مع نفسى
صحيح الرجل المصرى فى عيوب صعبة.........والبنت المصرية بردو فيها عيوب صعبة
بس الدم بيحن للمصرى والمصرية
وصحيح انا بحب جدا اصحابى الاجانب والعرب
بس بردو باحن اكتر لأصحابى المصريات
كتير من صديقاتى كانوا بيحاولو يقنعونى بالزواج من عريس غير مصرى
سورى -تركى- روسى حتى
لكن قلبى ماطوعنيش حتى ادخله جوا البيت ولا ابص فى وشه
برغم محاولات اقناعهم ان السورى والتركى .....كزوج بيعرف يتعامل مع مراته بحكمة شديدة
وبيفهم القوامىة حق فهمها.....وعنده رقة ورومانسية وأدب وزوق شديد مع زوجته
لكن لما دورتها فى دماغى لقيت
المصرى او المصرية ليهم .........خاصية مش موجودة فى اى شعب تانى
اولها طبعا خفة الدم .........والجدعنة ............جازبية مختلفة عن اى جنسية تانية
روح التعاون ولهفة المستغيث................
حاجات كتير عشان الواحد يكون منصف
==================

توضيح الامور مش شتيمة للناس اللي بتدعي اننا بنهين حد...احيانا الوضوح احسن من الطبطبة والله وحده يعلم بالنيات..اسهل حاجة الطبطبة عالناس، بس لما تواجهم بالحقيقة اللي انت شايفها هتكون فعلا افدتهم اكتر..

صاحبة المشكلة عندها مشاكل نفسية بسبب المآسي والقسوة اللي شافتها في حياتها، لما ننصحها ونقولها الاول اتصالحي مع الدنيا وخدي كورسات علاج نفسي مش عيب ولااهانة...دا رأي الشخصي اللي ازعم انه صح.

ثانياً.

الحقيقة غائبة دوما لما بتتسمع من طرف واحد، فرفقا بأصحاب الشأن الغائبين اللي منعرفش عنهم حاجة ولانعرف مبرراتهم...سلبية والدها ممكن تكون طيبة زيادة من راجل رقيق القلب وكان في بيئة طيبة ومتعلمش ازاي يتعامل مع العصر الحالي اللي مليان بلاوي..

وزوج السيدة احنا منعرفش عنه اي حاجة اطلاقاً، ومحدش بيتجوز وعايز يفتح بيت ويكون داخل يأذي بنات الناس من الباب للطاق..

والسيدة صاحبة الازمة ملهاش خبرة في التعامل ولا في الناس ودا واضح جدا من كلامها...لو كان ليها خبرة كانت قدرت تعدي كل دا وكانت كمان ادت نصايح بحكم تجربتها المريرة اللي عاشتها..من واجبنا ياسادة اننا ننصحها مش نطبطب عليها وبكدا نكون افدناها.

يشهد الله ان كل كلمة كتبتها كانت عشان تفوق وتبقى tough اكتر في حياتها وتاخد القوة من اللي حصلها، واقسم بالله ان ناس كتيرة مرت بأسوأ مما مرت هي به وقاموا تاني ووقفوا على رجليهم بما فيهم العبد لله الفقير الضعيف...انا مريت بتجربة انيل ملايين المرات من بتاعتها ولكن مرحتش اقول الستات معندهاش اصل ولاكرامة ولا وفاء...ولكن قلت الدنيا مليانة وياما الواحد هيقابل...وسلمت امري لله وربنا نجاني وعوض صبري خير وكافئني كمان.

وكما قال حبيبي واخي وريحانة المنتدى الشيخ خالد كلام الله عز وجل عن ان الانسان خلق في كبد...فالحياة كدا وكدا.

وشكرا للي غمز ولمز ويجعله الله في ميزانه :)

تصدقوني اني اقولك اني بجد اتأثرت جدا و حزنت حزن شديد
بصراحه مكنتش عاوز ارد لاني معنديش كلام مناسب
بس في كلمتين نفسي اقولهوملك يا wounded woman
اول شيء اعلمي ان كل شيء بمقدار و ان كل واحد في الدنيا ربنا بيبتليه في شيء و بيعوضه في شيء تاني
يعني انتي شايفه ان الموضوع ده بيضايقك
متفتكريش انك انتي الوحيده اللي بتعاني من المشكله دي ( ضعف شخصية الاب ) بالعكس دي متفشية اوي اوي في بيوتنا
و ده زي منتي قولتي بالظبط نابع من الوالد و الوالدة ( ربنا يحفظهم و يعزهم )
بس احييكي انك اشتكيتي و حبيتي تتكلمي مع حد و جتلك الشجاعة تتكلمي بصراحه
صدقيني بمنتهي الامانه مجتمعنا بيعاني من ازمات في الاختلاط معاناه رهيبه و بيعاني من مشاكل اسرية و بيعاني من لبس البنات و بيعاني من نصرف الشباب بقي عندنا ازمة اخلاق بجد
ثانيا اسمحيلي اناقش معاكي شيء موضوع الوالد صدقيني الحال ده مش السبب فيه الوالد بس لا خالص ده نصه علي الوالد و نصه علي الوالده ( و لو ان ده واقع و مينفعش نتكلم فيه دلوقتي )
ثالثا بقي و الله انا فرحت اوي بشيء جميل انتي ربنا انعم عليكي بشيء جميل جدا مختيش بالك منه
1- انك في ظل ان زميلاتك انخرطوا في علاقات عادية عند الشباب ( حب و صداقه و الذي منه ) انتي اعترضتي علي ده و رفضيه و بجد تحمدي ربنا انه وهبك ايمان من عنده من غير ما حد يعلمهولك
2- انك من نفسك ايقنتي ان انك لازم تلبسي اللبس المناسب و ان الستر و العفه هي السكة القويمه اللي فيها السعاده الصدقة مش مجرد لبس علي الموضه او ان الناس يفرحوا بجمالك اللي هما لا يمتلكوه اساسا
3-انك حاربتي اهلك اللي ربوكي و علموكي ازاي تلبسي ..قاومتيهم و لبستي اللبس اللي انتي شايفاه يوصلك للحياه اللي بتتمنيها
4-احمدي ربنا انك وقفتي علاقتك الزوجيه في وقت مناسب و قولي الف حمد و شكر لله يا عالم مش ممكن كنتي تبقي ضعيفه و يسيبك معلقه و متطلقيش الحمد لله ان ربنا رد ليكي حريتك و كمان ان مفيش اولاد ........ تخيلي كنتي تعيشي معاه مخدوعه 10 سنين مثلا و تتعلقي بيه اوي و بعدين يتغير و يبقي انسان وحش او تكتشفيه علي حقيقته ؟ هيبقي مر عمر طول و هتنجرحي جرح كبير و كمان هيبقي فيه اولاد و الدنيا هتبقي صعبه
5- احمد ربنا انك من نفسك و بهداية الله ليكي اتوجهتي لحفظ القرءان بسم الله ما شاء الله بجد قولي الحمد لله انتي كل ما تحصلك ازمة ربنا بينورلك شيء في حياتك اكتر في بنات لما بتطلق او في العموم لما اي انسان بيحصله بلاء بتلاقيه صدره ضيق و متضايق و بيعترض و ممكن بيتجه اتجاهات سيئة بحجة انه حزين و ضايع و تايه ............ دنتي بجد في نعمه ما شاء الله بجد لازم تبقي سعيده

انا اسف اني اطلت عليكي بس انتي بسم الله ما شاء الله ردود افعالك علي المواقف ربنا يحميكي و يزيدك ايمان و يسعد قلبك يا رب العالمين و ينور حياتك
و احمدي ربنا و افرحي لسببين
الاول ان كل ما تحصل ازمة بتقربي لربنا اكتر
الثاني بجد و اللي لازم تفرحي بيه ان ربنا مديكي بصيرة شايفه الصح و الغلط . طب ياما في ناس في مواقف اقل منك بكتير و يقولك يا عم عادي و كبر مخك و مفيش مشاكل و عديها و ميفكرش فين الصح و الغلط و ناس تانيه بتبقي شايفه الغلط صح و الصح غلط فانتي ما شاء الله في نعمة كبيرة

نصيحة ليكي بصي لقدام و قويي علاقتك بربنا اكتر و قربي اكتر انتي ان شاء الله ربنا هيديكي كتير باذن الله اللي بيجتهد و بيخلص نيته ربنا بيديله اكيد
و اسف للاطالة بجد بس حسيت اني بجد اتأثرت بالموقف كتير و فرحت بتصرفاتك
ما شاء الله