رجاء ..أي حد يرد بأي حاجه ...مشكلة في الألتو عوووويصة

**dr.hazem** · 22-01-2014 07:26 PM

المشاركة الأصلية كتبت بواسطة m_m_sh_a

مع إحترامي لرأي حضرتك وتقديري لتفاعل حضرتك مع مشكلتي

..بس أنا عاوز أقول لحضرتك إن الريداتير أنا مغيره فعلا ..ده أنا حتى مغيره بواحد تاني 2 ماسورة

..لإن الفابريكه بتاع العربية 1 ماسورة

..وبعد التغيير كانت درجة الحرارة مبتوصلش لمستواها الطبيعي غير في الزحمة ..إنما في الطرق المفتوحه والسريعة فالحرارة دائما أقل من الطبيعي..وده لإن ثرموستات الكوع متشال وأنا عارف كده ..يعني ريداتير كبير ..أو يعتبر 2 ريداتير في بعض لإن الريداتير الفبريكة بتاعها 1 ماسورة واللي أنا مركبه 2 ماسورة ..وحرارة نادرا ما بتعلى ..لإن أنا مبحبش الزحمة ونادرا لما بمشي فيها..كل مشيي في طرق مفتوحه ..والطريق الدولي عندنا في إسكندرية من الطرق المفضلة عندي ...يبقى بقى إحتمال تاني ..وده أنا هخليه محل بحث فعلا ..وهو مسحة الوش يكون فيها مشكلة ..أنا هركز فعلا على الحته دي ..مع إن الميكانيكي اللي أنا ناوي أروحله إن شاء الله بيقولي إن المفروض ما دام الوش إتمسح ..إما يركب جوان واحد دوبل أو زي ما بيقولوا عليه جنجريد ..أو جوانين إستاندرد ...لكن جوان واحد إستاندرد مع وش ممسوح دي تعمل مشكلة ..ده كلام الميكانيكي اللي لسه مشتغلش وقالي برضه مش هيقدر يحدد غير لما يفتح ويشوف ..باقي نقطة صغيره ..الميكانيكي اللي أنا ناوي أروحله لما إتكلمت معاه في مشكلتي فسر عدم سخونية العربية مع تهوية غطا الريداتير إن أنا بتهوية الغطا بنفس الهوا السخن اللي طالع من غرف الحرق داخل في دورة التبريد ..صحيح الموضوع ده خطير لإنه مع تنفيس الهوا ده بيتم تبخير المياه ..لكن هو قالي ده حل مؤقت جدا جدا جدا ..يعني يدوب يكون حل عشان تقدر تيجي بالعربية لما تبقى عاوز تبدأ فيها شغل ..إن شاء الله بكره أو بعده بالكتير ناوي أروحله وأشوف إيه اللي هيحصل

انت جبت العيب وقلته وكده بانت،،،

انت شايل الثيرموستات
الميه بتخش بارده عالوش بتبوظه
غالبا عندك الوش مشعور ومش هيتصلح ولازم تغيره وتركب الثيرموستات

موضوع جوان او اتنين ده قصه دايما بيقع فيها الصنايعي،،،
المفروض في حدود للمسح
لو هيتاخد اكتر منها بيتغير الوش افضل لان عمره مهيتظبط حسب قياس المصنع وبالتالي قرار المسح مش اي وش بيتمسح...

فهنرجع تاني نلف وندور وممكن تشتغل فيه وبرضه متستفادش حاجه...

الافضل تغير الوش وتركب الجوان الاصلي...
ومتنساش،،، الثيرموستات لازم يركب..
تحياتي

Sent from my Xperia Arc S using Forum Runner

**Abo_Mazen** · 23-01-2014 06:07 PM

المشاركة الأصلية كتبت بواسطة dr.hazem

انت جبت العيب وقلته وكده بانت،،،

انت شايل الثيرموستات
الميه بتخش بارده عالوش بتبوظه
غالبا عندك الوش مشعور ومش هيتصلح ولازم تغيره وتركب الثيرموستات

موضوع جوان او اتنين ده قصه دايما بيقع فيها الصنايعي،،،
المفروض في حدود للمسح
لو هيتاخد اكتر منها بيتغير الوش افضل لان عمره مهيتظبط حسب قياس المصنع وبالتالي قرار المسح مش اي وش بيتمسح...

فهنرجع تاني نلف وندور وممكن تشتغل فيه وبرضه متستفادش حاجه...

الافضل تغير الوش وتركب الجوان الاصلي...
ومتنساش،،، الثيرموستات لازم يركب..
تحياتي

Sent from my Xperia Arc S using Forum Runner

رأي حضرتك معتبر

..وأنا كنت زي حضرتك كده شاكك إن هي دي المشكلة ..وفعلا سألت ميكانيكي في توكيل سوزوكي عندنا في إسكندرية ..في مركز الصفوة اللي جنب الموقف الجديد ...والميكانيكي ده يعرف واحد قريبي معرفة شخصية ..قلتله هي عدم وجود ثرموستات الكوع ممكن تخلي العربية تجيب جوان وش ..قالي مش للدرجة دي ...عدم وجود ثرموستات الكوع يخلي العربية تشرب بنزين بشراهه في الساقعة ..يخلي العربية سحبها وحش في السرعات العالية...يبوظ الوش بس على المدى البعييييييييد ...يعني تلاقي الوش بعد سنين طويلة بقي منقر ..لكن مش لدرجة إنها تجيب جوان..قالي ده حتى في الماروتي لما بنلاقي الحرارة مزاولة صاحب العربية وعاملاله مشكلة بنشيل الثرموستات دي أصلا ..قالي موضوع الجوان ده حراره ..ملهاش أي تفسير تاني

**Abo_Mazen** · 23-01-2014 06:14 PM

المشاركة الأصلية كتبت بواسطة mfs3570

فيه حاجه انا حاسس ان انت ناسيها ...... المفروض لنك بعد ما تغير الجوان بتروح للميكانبكي تاني بعد اسبوع او اتنين حسب مشيك بالعربيه عشان يربط الوش ويظبط تكيهات لانك لو معملتش كده الجوان بيريح من السخونه ويعمل فرق فالطبيعي انط بتراجع الميكانيكي يربط الوش تاني لو انت معملتش كده يبقا هوه ده العيب الاكيد

والله الكلام ده أنا قلته للميكانيكي اللي عملي الجوان في المرتين ..قلتله يا عم هو أنا مش لازم أجيلك تاني بعد شهر أو أسبوعين عشان تأرط على الوش ..قالي لالالالالالالالالالالالال الالالالا...الكلام ده في العربيات القديمة والعربيات الكبيرة ..يقصد السعات اللترية الكبيرة زي 1500 سي سي وال 2000 سي سي ..لكن عندك مش مستاهله...بس تفتكر حضرتك يا أستاذ mfs3570 هي دي المشكلة فعلا
لإن أنا من خلال كلامي مع حضراتكم ناوي إن شاء الله أعمل كذا حاجه :
1- هبص على مسحة الوش وهشوفه المسحه دي فيها مشكلة ولا لأ
2- هشوف إما هركب جوانين إستاندرد أو جوان واحد دوبل
3- هسأل الميكانيكي التاني ده عن موضوع التأريط على الوش بعد مشي شهر أو أسبوعين

ولو في حاجه تاني ناقصة ممكن حد يقولي عليها

**moe gawad** · 23-01-2014 06:25 PM

المشاركة الأصلية كتبت بواسطة dr.hazem

ياغالي
من الاخر....
عندك حاجه من اتنين في رايي
اما دورة التبريد عندك فيها مشكله وممكن تكون مجرد ان غطا الراديتير بايظ عشان كده الميه بتفضى من القربه!!!!!

او عندك الوش اتمسح غلط او فيه مشكلة وبالتالي مهما عملت هيفضل يضرب....
انا رأيي تشوف وش استيراد وتجيب جوان من التوكيل وتركب ده على ده او حتى الجوان التجاري
غير كده هيبقى عالفاضي
ومتنساش تغير غطا الراديتير...
تحياتي

sent from my xperia arc s using forum runner

بص ياسيدى انا مهندس محمد عبد الجواد . كنت بشتغل فى احد التوكيلات اليبانيه بره مصر . ودلوقتى فاتح مركز فى القاهره . والمشكله ديه صادفتنى فى اكثر من عربيه التو.
رايي الشخصى فى الموضوع انوا حاجه من الأثنين :-

1- انى الوش ماتمسحش كويس فا لسه فيه عوجه شويه ( مسح من جنب اكثر من التانى ) وده الأمر الأكثر انتشاراً بسبب عدم الضمير الموجود عند الخراطين اليومين دول .
2- ثانى حاجه انى الوش ممكن يكون مسح اكثر من اللازم لدرجة انوا بقى بيهرب الكبس . فأى جوان هايركب عليه مش هاينفع .

فا بص ياسيدى الحل سهل إن شاء الله . ممكن تجيب وش سلندر استيراد من الحرفيين فى القاهره او لو عندك مكان فى اسكندريه . ويكون فيه مهندس يساعدك انوا يتأكد انوا سليم و مش ممسوح قبل كده . لاكن موضوع جوانيين ده هايعمل معاك مشكله مستقبليه ممكن توصل لعمره كامله لا قدر الله .
ولو احتجت مساعده اتصل بيا مباشرةً ......................... وانا فى الخدمه

**dr.hazem** · 23-01-2014 06:32 PM

المشاركة الأصلية كتبت بواسطة m_m_sh_a

رأي حضرتك معتبر

..وأنا كنت زي حضرتك كده شاكك إن هي دي المشكلة ..وفعلا سألت ميكانيكي في توكيل سوزوكي عندنا في إسكندرية ..في مركز الصفوة اللي جنب الموقف الجديد ...والميكانيكي ده يعرف واحد قريبي معرفة شخصية ..قلتله هي عدم وجود ثرموستات الكوع ممكن تخلي العربية تجيب جوان وش ..قالي مش للدرجة دي ...عدم وجود ثرموستات الكوع يخلي العربية تشرب بنزين بشراهه في الساقعة ..يخلي العربية سحبها وحش في السرعات العالية...يبوظ الوش بس على المدى البعييييييييد ...يعني تلاقي الوش بعد سنين طويلة بقي منقر ..لكن مش لدرجة إنها تجيب جوان..قالي ده حتى في الماروتي لما بنلاقي الحرارة مزاولة صاحب العربية وعاملاله مشكلة بنشيل الثرموستات دي أصلا ..قالي موضوع الجوان ده حراره ..ملهاش أي تفسير تاني

مع احترامي للسباكين....
اللي يقولك شيل الثيرموستات ياثر عالمدى البعيد ده محصلش رتبة السباك حتى!!!
الموضوع ده ملوش دعوة باي حاجه اللهم البرد في الشتا اللي اساسا الثيرموستات اتعمل عشانهم هتيجي الميه ساقعه تلج على وش نار بالسلامه
بنفس مبدا تزويد الرديتير الساخن بميه بارده ان شالله فعز الصيف
الموضوع ده مش بسيط وحصلت معانا في مواتير لن تتخيلها
مرسيدس
فورد
وغيرها كتير
ولعلمك
مجرد ان السباك يفتي ويقولك شيل الثيرموستات يبقى حط عليه اكس لان هو بيلغي العرض ومش بيعالج...
تحياتي

Sent from my Xperia Arc S using Forum Runner

**dr.hazem** · 24-01-2014 11:45 AM

المشاركة الأصلية كتبت بواسطة m_m_sh_a

حضرتك بتقول إن عدم وجود ثيرموستات الكوع يخلي العربية تجيب وش سلندر ؟؟

وحصلت مع حضرتك في مواتير كبيره زي المرسيدس والفورد؟؟ ...يعني ككككككككككككككككككل العربيات اللي ماشيه في الشارع دي ماشيه بثيرموستات الكوع ...أنا شايفها صعبه بصراحه النظرية دي يا دكتور حازم ...مع إحترامي لرأي حضرتك برضه وإستعدادي لتعاطي معاه

مهو مشكلتنا اننا بنحب تفتي كتير
هل اللي احترع العربية مبيفهمش مثلا؟؟
بلاش
العربية وهي جديده بتقعدلها 5 سنين حرارتها ولا الهوا بالثيرموستات طب لما هي بتزود الحراره او بتعمل مشاكل ليه مبتظهرش المشاكل دي والعربيه جديده؟؟؟
وليه اول علاج لمشكلة الحراره دايما يبقى هو الغاء جزء فعال في العربية ومهم؟؟
معانا زميل هنا معاه ماروتي وعربيته مش قديمه بس كان بيحط مية حنفيه وهي من اكتر الاسباب اللي بتبوظ الثيرموستات بالمناسبة
فراح للبشمهندس وشاله الثيرموستات ومكملش سنه وكان عامل نص عمرة ولازلت بقوله ركب الثيرموستات
عربيته مش مكمله 50 الف كيلو ونص عمرة مش حرام ده؟؟
هكرر
شيل الثيرموستات هو علاج للاعراض وليس حل المشكلة
هو بياجلك بس الموال لحد اما تبقى مصيبه وساعتها هيشتغلك في العربية....
تحياتي

Sent from my Xperia Arc S using Forum Runner

**dr.hazem** · 24-01-2014 05:49 PM

المشاركة الأصلية كتبت بواسطة m_m_sh_a

حضرتك بتقول إن عدم وجود ثيرموستات الكوع يخلي العربية تجيب وش سلندر ؟؟

وحصلت مع حضرتك في مواتير كبيره زي المرسيدس والفورد؟؟ ...يعني ككككككككككككككككككل العربيات اللي ماشيه في الشارع دي ماشيه بثيرموستات الكوع ...أنا شايفها صعبه بصراحه النظرية دي يا دكتور حازم ...مع إحترامي لرأي حضرتك برضه وإستعدادي لتعاطي معاه

بالمناسبه...
انا باكد ان العربية مش بتضرب جوان
ده الراس نفسه او الوش بيتشعر او يتشرخ!!
وباكد على حاجه
في الصيف مش هيحصل مشاكل اللهم بس اكلان البنزين
المشكلة كلها في الشتا..
في الاردن عندي محدش بيشيله ومينفعش يتشال
الحراره بتوصل في الشتا تحت الصفر ولو حاطط ميه عاديه بتجمد!!
تحياتي

Sent from my Xperia Arc S using Forum Runner