الموضوع: بتعمل إيه مع سايس العربية

لو مكان زحمة و انا عارف ان فيه سايس , يبقى حدفع و انا راضي ,
زي الشغل بتاعي لازم تظبط السايس علشان تلاقي مكان ,

لكن اركن في مكان و لما آجي اطلع يطلعلي عفريت بفوطة ,
ساعتها لو شايف انه عجوز مثلاً ممكن أدفع من باب الصدقة ,
و لو مش عجوز احيانأ بدفع من باب الإحراج ,
و احياناً مش بدفع و بنفضله ,

لكن انا عايز اسأل على السايس اللي بيبقى معلق نحاسه على صدره و بيقول انه مرخص من الحي , فهل ده صحيح و لا المهم ان يكون معاه ايصالات بالإنتظار و ايه اللي بيبقى مكتوب فيها .

المشاركة الأصلية كتبت بواسطة som3aa

معلش يا جماعة انا عايز اعرف ايه التصرف مع الناس اللى عند سيتى ستارز مثلا اللى حاطين تسعيرة
3 جنيه و الكلام دا؟
يعنى السايس العادى ممكن تسيبه و تمشى بس حد بيعمل كدا عند سيتى ستارز و لا مينفعش؟
الموضوع دا بيستفزنى جداااا و ساعات كتير بدفع من الاحراج زى محطة البنزين برده لما تلاقى واحد نظفلك العربية و كدا , ساعات برده بعمل عبيط , الشمكلة مش فى الجنيه , المشكلة انك تحس انك بتاخد على قفاك و انت ساكت , يعنى واحد بينصب عليك و انت عارف و هو عارف و بتبقى متدايق و برده بتتدفع؟!؟!

kont henak embare7 abl el ftar ..wa7ed tele3li ma3rafsh menain alii 2 gneeh.. eltola hia el she7ata ba2et be tas3eera..wesebto wemsheet

المشاركة الأصلية كتبت بواسطة som3aa

معلش يا جماعة انا عايز اعرف ايه التصرف مع الناس اللى عند سيتى ستارز مثلا اللى حاطين تسعيرة
3 جنيه و الكلام دا؟
يعنى السايس العادى ممكن تسيبه و تمشى بس حد بيعمل كدا عند سيتى ستارز و لا مينفعش؟
الموضوع دا بيستفزنى جداااا و ساعات كتير بدفع من الاحراج زى محطة البنزين برده لما تلاقى واحد نظفلك العربية و كدا , ساعات برده بعمل عبيط , الشمكلة مش فى الجنيه , المشكلة انك تحس انك بتاخد على قفاك و انت ساكت , يعنى واحد بينصب عليك و انت عارف و هو عارف و بتبقى متدايق و برده بتتدفع؟!؟!

و لو إني مبروحش سيتي ستارز كتير بس أما بروح بفضل أركن في الباركنج بتاعه هو نفسه هو أغلي طبعا بس أولا هتبقي مطمن عالعربية أكتر و هتبقي بتاخد خدمة قصاد الفلوس اللي بتدفعها (ناس عاملة باركنج و بتأجره) أحسن ما تدفع فلوس إنت حاسس إنك مغصوب عليها بتدفعها بلطجة و في الأخر راكن في الشارع برضه .. و بتخش و تطلع براحتك

المشاركة الأصلية كتبت بواسطة mimysheckles

ده حتى الشحاتين بقوا لازقه وكل واحده يجبلها زربة عيال مممسكه كل 5 منهم شارع
ويفضلوا ماسكين فى رجلك من اول الشارع لاخره

اقولكم انا موقف احسن من يومين كنت مسافر من غير العربيه وانا في الموقف مستنيين العربيه تحمل فيه واحده دايما بتشحت طبعا جاتت تشحت من العربيه كلها وقفت حوالي ربع ساعه بالظبط وفي الاخر لما محدش رضي يديها حاجه راحت قالتنا (روحوا الهي العربيه تتقلب بيكم وانتوا ماشيين )