بتعمل إيه مع سايس العربية

**Noha.M** · 27-09-2008 01:43 AM

المشاركة الأصلية كتبت بواسطة mimysheckles

ما تقوليش ان صاحبتك صعب عليها وسابته
بجد هزعل اوى :(
مهو كده هياخد على القلب الطيب واللى ينفضله هيعمل كده تانى ويمثل التمثيليه دى تانى
ربنا يسامح صاحبتك لو بجد سابته :)

ههههههههههه

والله معرفش حصله ايه بعد كدة بس هعرفلك برده عشان شكلك اتفرست اوى بس فعلا حركة تفرس

**M.Mokhtar** · 27-09-2008 02:18 AM

المشاركة الأصلية كتبت بواسطة ahmodium

بس أخذت النص جنيه,... عشان احرق دمه اكتر !!!

والله كنت هقولك انا لو مكانك اخد النص جنيه وامشى :)

المشاركة الأصلية كتبت بواسطة Noha-M

ههههههههههه

والله معرفش حصله ايه بعد كدة بس هعرفلك برده عشان شكلك اتفرست اوى بس فعلا حركة تفرس

مستنى اعرف ايه اللى حصل :cuss:

**dr_3eshoo** · 27-09-2008 02:49 AM

مره كسرلي الازاز و الله ضربته كملت على بقيت الازاز
و مره غسلي العربيه بالاكراه مع اني قاليله اياك اجي القيها نضيفه عملت عبيط و اديتله منديل فيه طبعا .............................
بس وصلوا انهم يشوافوا العربيه يجروا
و لما حد يجي عليا ده غالبا يبقى جديد في المنطقه و بياخد في دماغه و هكزا

**Dr_Mido** · 27-09-2008 03:09 AM

انا عربيتى بتركن قدام جامعه مصر والعيال اللى هناك على اد مهما رخميين بس بيغسلو العربيه كويس
ويحطو كرتون على العربيه تحت المساحات لو واقفه فى الشمس
وبسيبلهم المفتاح على طول عيال كويسه وعايزة تاكل عيش
بس فى عالم زباله
والحتت الى متعود اركن فيها بركن والعربيه محطوط تحتها خط احمر ممنوع الاقتراب اوة التصوير عملت معاهم الواجب كذا مرة فى كذا مكان محدش بيقرب من العربيه خالص

**amir** · 27-09-2008 04:10 AM

[quote=ahmodium;427994

طبعا لسه هانزل ارفعه في اقرب شجره... بس مراتي قالتلي خليك انت العاقل ده عجوز ومخرف واحنا في العشر الاواخر.. ربنا يهديك سيبه وامشي

[/quote]
يا باشا انت قلبك طيب كنت اديته شرارتين الكتريك كده في الهوا كان شبابه رجعله علي طول انت لسه هتمد ايدك علي الاشكال دي

**hazem_khidr** · 27-09-2008 07:51 AM

انا لما بشوف حد شكله غليان ببقي كويس معاه
انما واحد بيستعبط او عامل فيها غلبان ولا بياخد مني حق ولا باطل.
بتوع سيتي ستارز دول ليهم معايا كذا موقف
مره روحت اركن لقيته بيقطع ورقه و مكتوب فيها 2 جنيه
قولتله ايه الهباب دا
يقولي دا رسم انتظار
قولتله فين التصريح اللي معاك؟؟؟
بيقولي تصريح ايه؟؟
قولتله يعني ازاي مأجر موقف من الحي و مش معاك تصريح.
قالي التصريح مع عزمي
قولتله ابعت هاته خليه يترزع هنا لحد ما انزل

الواد خاف و قال
و علي ايه يا بيه خليها علينا خلاص

**khattab_89** · 27-09-2008 05:20 PM

المشاركة الأصلية كتبت بواسطة Noha-M

حصلت فعلا مع واحدة صاحبتى معاها بيكانتو و السايس كان عاوز 5 جنيه و هي اديته جنيه و بعدين و هي جاية تمشي قام ماسك المساحة الصغيرة بتاعه الازاز الخلفي و كسرهالها و جري بس على مين هي لفتلو و مسكته و كانت هتوديه القسم و اخواتها كانو هيظبطووه بس قعد يعيط و يعتذر

بس الفكرة انهم فعلا ممكن يسببولك اذي من اى نوع ممكن و انت ماشي بعربيتك و مشس واخد بالك يجرحالك و يحفرلك فيها . برده الواحد ساعات بيتعامل مع الناس دي عشان يتقي شرهم

طيب دا كده الواحد يحرص منهم و ميحولش ينزل لمستواهم الفكري و يعمل تاتش معاهم ... أنا عربيتي لسه بتقول يا هادي ومش هستحمل عليها حاجة
بس عايز أقولك إن فيه حل سحري بستخدمه و بينفع بنسبة 90% و هو إن العربية دي عربية ظابط .. انا نص عيلتنا ظباط وإبن عمي دايما يقولي إوعى تدي مليم لواحد منهم إلا لو كان مكان زحمة موووت و هو جابلك ركنة فيه

**TOOLA** · 12-05-2009 08:04 PM

مرة كنت بوصل خطيبتى لعربيتها و هى ركناها عند السراج مول, المهم نزلت و ركبت العربية و طلعت بيها فجأة ظهر واحد من اخوانا اياهم دول و راجل كبير بتاع 40 سنة, و راح مخبطلها على العربية و يقولها رايحة فين يا قطة.
طبعا عينكم ماتشوف الا النور نزلت مسكتو من افاه قولتلو قطة مين يا روح ....., و أعدت أرزعو فى العربيات و الناس تتلم و تقولى ده قد أبوك, قولتلهم ابويا مش قليل الأدب ده حتا مش خايف على لقمة عيشه, و أعد يعتذر بتاع عشرين مرة لغاية ماسيبتو و يا رب يكون حرم.
المشكلة ان فعلن كذا مرة باشوفهم بيعاكسوا البنات أو يغتتوا عليهم لما بيكونا لوحديهم, عشان كده الفعلن قادر يبلطج معاهم (و انا زى ما يكون فى طار بينى و بينهم مابطقهمش) مايسيههومش فى حالهم و يكبر .

**ابوهاشم** · 12-05-2009 08:32 PM

انا مره ركنت عند مرور عين الصيره ويادوب دخلت المرور
خلصت مصلحه وخرجت ويادوب دورت العربيه
ولقيت اتنين جايين عليا ولقيتهم هما الاتنين اتخانقو مع بعض
ده يقول الرصيف ده بتاعى والتانى يقوللى بتاعى انا
وكل واحد منهم عاوز حسنته
قصدى اتاوته
طبعا سيبتهم يتخانقو مع بعض ومشيت وطنشتهم

الموضوع: بتعمل إيه مع سايس العربية

LinkBack

أدوات الموضوع

عرض

-

-

-

-

-

-

المواضيع المتشابهه

سايس الجراج اللى قدام الشغل بهدلى العربية بمسمار عشان مركنش !!!!!!!!

العربية بتعمل باك فاير عند التبطيل

العربية بتعمل باك فاير عند التبطيل

العربية بتاكل بنزين 50 لتر بتعمل 350 كيلو

العربية بتعمل ريحة بنزين جامدة قوي

الكلمات الدلالية لهذا الموضوع

المفضلات

المفضلات

ضوابط المشاركة