بسم الله الرحمن الرحيم
انا وصلت التوكيل الساعة 11.20
المقابلة كانت جيدة ومحترمة
دخلت ركنت جنب البوابة تقريبا
الراجل اللى المهندس هيجيلك دلوقت
بعد 10 دقائق فعلا المهندس جه
وقولتله على مشكلة وجود صفارة مزعجة وأنا ماشي
كتب الملاحظات وأخد البيانات الخاصة بي من الرخصة
خد مني العربية وبكل ذوق قالى اتفضل فوق في استراحة واحدة لغير المدخنين والاخرى للمدخنين
طلعت فوق لقيت حوالي 8 أو 9 أشخاص
كمان لقيت موظف من التوكيل بيوزع استمارات على الموجودين لمعرفة رأيهم في السيارة عموما
وما هي المشاكل اللي بتواجهها الناس وايه المقترحات لتحسين الخدمة
قابلت شخص محترم جدا إسمه هاني إبراهيم كان معاه g3 لصيانة تقريبا 20 الف
المهم .. الساعة 1.30 الظهر جالي المهندس وقالي خالص العربية جاهزة اتفضل معايا نجربها
رحنا جربنا العربية كله تمام - بفضل الله - ورجعت على البيت
مبدئيا .. الإنطباع جيد - المعاملة كويسة - الخدمة مقبولة
على فكرة المهندس اللى هناك اسمه المهندس أحمد
كان قالي ابقى خد رقمي وأنا نسيت
شكرا وتحياتي للجميع