اخبار المساعدين معاك ايه
ناشفين ولا طريين
انا ركبت بلشتين و كانوا ناشفين اوى بس طريوا بعد شوية
عرض للطباعة
اخبار المساعدين معاك ايه
ناشفين ولا طريين
انا ركبت بلشتين و كانوا ناشفين اوى بس طريوا بعد شوية
لا الحمد لله طريين وجربتهم في طريق رخم والحمد لله ظبطوا معايا والعربيه نعمت
عضو جديد معاكم باذن الله باسات 99 مكنة1800 منوال
أهلا وسهلا بيك في الرابطةاقتباس:
المشاركة الأصلية كتبت بواسطة mando2002m
اسعدنى اتصالك واللهاقتباس:
المشاركة الأصلية كتبت بواسطة hitmangate
والله انا اللي سعدت باتصالك يااستاذ محمداقتباس:
المشاركة الأصلية كتبت بواسطة mando2002m
يا حضرات في حد ملاحظ أن قطع غيار الباسات الاستيراد رخصت اوى ماشاء الله عليها انا سألت على طنابير خلفي لواحد زميلي لقيت الراجل بيقوللي الدنجل الخلفي كله بالطنابير بالتيل ب 600ج ده من بقه يعني لسه ماتكلمناش في سعر على فكره انا كان معايا اكسيل الدنجل الخلفي بتاعها كان ب 550ج ده كده فل الفل ربنا يديمها علينا نعمه الباسات ويهديها
انا عضو محتمل. قدامي موديل 2000 مكنه 1600 اوتوماتيك عامله 220000
لسه هشوفها بس كنت عايز اعرف اكشف عليها فين كل حاجه؟؟؟ و سعرها لو نضيفه يبقي كام؟؟
ولو حد قدامه حاجه برده ياريت يقوللي. شكرا واتمني اكون معاكم قريب بالعربيه المحترمه دي
يارجالة الباسات
واحد صاحبي والدة جابلة واحد باسات 2000
موتور 2000 cc تربو 192حصان
6ايرباج
abs+ebd
جابها علي 78
اية رايكو حلوة كدة ولا تية
الصراحة خدني لفة مكنتش مصدء ان دي باسات العربية طيارة طيارة بمعني الكلمة بتحجيب 100 تقريبا في 7 ثواني
مانويل
ربنا يباركلة فيها
تمنها حلو ماشاء الله لو حالتها كويسه بس الموتور ده مانزلش للباسات اصلا ولا الباسات المعدله بس نزل للاودي a4 2005 بس ازاي اتسقط على الباسات الله اعلم بس لو متظبط يبقى اللي سقطه برنس لو صاحب العربيه يعرف يكلم اللي اشترى منه ويعرف اتسقط فين يبقى تمام مع اني واثق أن العربية دي متسقطه بره مصر وشكلها داخله مصر معاقين أو داخله وارد اروبا ومدفوع جماركها وربنا يباركلة فيها بس طلب لو تقدر تصورلنا حوض العربيه والموتور وترفعهم علشان اشوف الموتور هو اللي في بالي ولا لا يبقى تشكراقتباس:
المشاركة الأصلية كتبت بواسطة omars77
تمام بس هيا الفكرة انو مش ساكن هنااقتباس:
المشاركة الأصلية كتبت بواسطة hitmangate
المهم انا سالتو قالي انها استيراد والمكنة متسقطة هنا
علي العموم ياباشا هيا علي دوبيزل بس صاحبها كان عراضها علي 75 بس لما راحلوا طلب 80 شكلو طمع
هههههه
هيا ليها صور علي دوبيزل لونها ابيض
لو تقدر حضرتك تجيب اللينك يبقي 100100
باشا في واحدة غيرها لقيتها دلوقت برضة لونها ابيض 2000cc تيربو
العربية بتاعت صاحبي كان جايبها من دوبيزل بس من صفحة بعيدة اوي مش عارف كان فايت عليها 3شهور
السلام عليكم ورحمة الله وبركاته
هل اجيب باسات 2000 اوتوماتيك عامله 110000 كم؟ بسعر 79000 جنيه
ولا باسات 2002 مانيوال عاميه 80000 كم؟ بسعر 79000 جنيه
ولا بورا 2002 اوتوماتيك عامله 150000 كم ؟ بسعر 78000 جنيه
ولا بورا 2001 اوتوماتيك عامله 150000 كم و لكن مغير الفتيس من مانيوال الى اوتوماتيك؟ بسعر 70000 جنيه
و ياترى اكشف عليهم فين؟
و على فرض الحالات متقاربه و السياره جيده جدا
و لكم جزيل الشكر
بص يا باشا انا برشحلك الباسات 2000 الاتوماتيك لو فعلا حالتها كويسه وعدادها زي ماحضرتك كاتب لأن سواقة المانيوال اليومين دول رخمه والبورا انا مش بحبها لأنها ضيقه وبتسخن وكل مشاكلها جوان وش سلندر أما الباسات فعربيه محترمة بس صيانتها عايزه واحد فاهمها مش أي حد يشتغل فيها وعربية عائليه من الدرجه الأولى بس فيها 8 شدادات أمامي أو ناس بتقول عليها 8 مقصات دول غاليين شويه غير كده عربيه محترمة جدا واعتماديه جدا وحماله اسيه بصراحه ولو عدادها عامل 110000 كم يبقى لسه موتورها زيرو وأفضل لك تكشف عليها في التوكيل علشان تاخد تقرير بيها مظبوط وحاول تنزل في سعرها شويه وربنا يوفقك للاصلح وأي استفسار انا في الخدمهاقتباس:
المشاركة الأصلية كتبت بواسطة a_eissa_rageh
شكرا على الافاده
امبارح والحمد لله خدت مطب محترم وانا مسافر فالمساعدين الامامي ضربوا باظو يعني فغيرتهم النهارده بجوز جداد kyb تمنهم 900ج والحمد لله وكمان الاسكترا ظهر فيها صوت فبقت عاوزه تتغير هيه كمان سألت عليها استيراد كامله عامله 1200 ج فربنا يسهل هغيرها الشهر اللي جاي وربنا يسترها معنا ومعاكو ويريحنا من شوارع مصر الجميله ومطبات الأهالي الأجمل
مبروك المساعدين يا باشااقتباس:
المشاركة الأصلية كتبت بواسطة hitmangate
كله خير يا فندم و ربنا يجعلها اخر المصاريف ان شاء الله ..اقتباس:
المشاركة الأصلية كتبت بواسطة hitmangate
الصراحه انا متابع القسم من فتره و متابع حضرتك ماشاء الله موسوعه فى ال b5
عندى سؤال بقا ... هو صحيح موضوع ان الb5 فيها 8 مقصات :36_2_49[1]:؟ انا سمعتها كذا مره بس مش فاهمها او يمكن قصدهم على حاجه تانيه !! ياريت الافاده
وحاجه تانيه انا فهمت ان ال b5 , B5.5 زى بعض كميكانيكا و عفشه و خلافه .. هل فهمى دا صحيح ؟ و بناء عليه يبقى كل قطع غيار الاتنين واحده ولا ايه ؟!
حاجه اخيره ياريت امثله لاسعار بعض قطع غيار العربيه دى لأنى مهتم بيها بقالى فتره .. زى مثلا اسعار حاجه العفشه - طنابير و تيل - مرايات - اكصدامات - تابلوه - مواتيرها واسعارهم ؟!
معلش انا عارف انى تقلت عليكم جامد بس عشمان فى رجاله الفولكس :00020140:
اخوكم محمد بدر جاركم من قسم اوبل :S_thum1[1]:
الله يبارك فيك يا كبير وربنا يستر طريقكاقتباس:
المشاركة الأصلية كتبت بواسطة omaranes77
اولا شرفت قسم الفولكس بمشاركتك الجميلهاقتباس:
المشاركة الأصلية كتبت بواسطة m7nsh
ثانيا موضوع المقصات أو اسمها الشدادات فعلا في موجوده في الباسات دي والاودي a4 والاودي a6 حتى موديلات 2005 وفي الأودي حتى موديل 2007 بص بقى أي عربيه عفشتها الأمامي اسمها ماكفرسون يعني هتلاقي أي عربيه مكونات عفشتها الأمامي زي بعض يعني بطاحات ومساعدين وسوست ومقص شايل العربيه من تحت في كل جنب بيبقى شبه الدراع بتاع الإنسان وهو متني واكيد حضرتك فاهم اللي قولته نيجي بقى للباسات والاودي حاجه تانيه خالص عفشتها الأمامي مالتي لينك ودي اول مره تتعمل وشكلها وهي متركب في العربيه تخيله معايا من مقطع علوي شبه نظام تعليق الأمامي في عربيات فورميلا 1 شويه بص بقى وركز معايا كل جنب في العربيه عباره عن 4 ذراع منفصل عن بعضهم كل ذراع عباره عن جلبه مقص مكبوسه في الذراع اللي هو شبه عضمه الكلب شويه ومعلش على التشبيه وممتد لاخره عباره عن بيضه المقص ودي حته منه يعني مش بتتغير ده شكل الذراع الواحد بيبقوا اتنين من تحت واثنين من فوق ومتركبين على حاجه شبه الشمعدان والمساعد بتاع كل ناحيه متركب على شداد أو مقص من اللي تحت ده غير الميزان اللي عباره عن شداد شبه حرف C من فوق وتحت جلبه ماسكين ففيه وطبعا مقصاتها مش حديد هي ألومنيوم علشان تخفف العفشه شويه وبالنسبه ليهم هما بيبان فايدتهم اوى في الملفات واللي معاه العربيه دى وخد بيها ملف حاد على سرعه هيعرف فايدتها فعلا لأن العربيه بتاخد شكل الملف وهي بتلف من غير ما تتعوج وده في ملفات حاده و بالنسبه للباسات b5/b5.5 واحد في كل حاجه ال5.5 فيس ليفت لل 5 مغيرين شكلها ادام وورا وعدادات رياضيه اشيك وبس مفيش أي اختلاف تاني كل حاجه واحد اللهم انهم زودوا الموتور ال 8 سلندر الw8 4000 cc وعملوا الموتور ال2000 cc ال115 حصان وال130 حصان وبالنسبه لقطع غيارها فهي كويسه مش غاليه يعني مثلا في العفشه طقم المقصات كامل 1200 استيراد 3500 جديد ألماني فيبي بلاشتين غير دول كل اللي فلسوق أي كلام المساعدين انا جبت الkyb ب 900ج جديد تيل الفرامل الأمامي 180ج الريمسا الاسباني 375 أتى ألماني الخلفي 130 تركي 350 أتى ألماني الطنابير انا جبت ال4 كاملين جداد ب 1000ج ألماني بس كانوا من بورسعيد وطنابيرها ورا وادام سكاكين كنترول الموتور ال1600 الاتوماتيك جبته ب 700 ج استيراد وكان نادر لأنه سيمنس وكل الموجود بوش وعلى فكره البوش كان ب 500ج الكبالن كامله ب 500 ج استيراد علبه الدركسيون 1300ج حساس abs أمامي 100ج فتيس 3500 اتوماتيك 3000 استبترونيك في بورسعيد جهاز ال abs 300 ج موتور كامل 5500 1600 فوانيس أمامي اللي فيها مواتير تعديل مستوى اضاءه الجوز ب 500 ج ده اللي سألت عليه وعارف سعره وان شاء الله لو عرفت أي سعر لأي حاجه هبقي اكتبها هنا بإذن الله ويارب أكون افدتك وأي استفسار انا في الخدمه
انا فهمت حضرتك كويس جدا و بصراحه مش عارف اقولك ايه غير بارك الله فيك وجزاك خيرا بجد معلومات قيمه جدا جدا ..
العربيه دى اللى نبهنى ليها ان واحد صاحبى جابها و هى متهانه جدا (جايبها ب 48 الف ..ليك تتخيل حالتها ) ومع ذلك قويه جدا و مازالت العفشه ناعمه و الحياه كويسه !! و صرف عليها فى شويه حجات فوقتها جامد وباسعار غريبه مش متناسبه مع العربيه خالص !! دا اللى عرفنى ان العربيه دى مظلومه اوى ! بس بجد احترمتها جدا جدا بعدماركبتها ..
والاسعار اللى حضرتك قلتها دى ممتازه جداااا دى اقل من الكورى فى بعض الحجات ان مكانش اغلبها !! انا مابقتش عارف سوق العربيات ماشى عندنا ازاى بجد ههههههههه
سؤال اخير بقا .. هى كانت بتنزل مصر بمواتير ايه ؟؟ وايه البدايل الموجوده فى الحرفيين مثلا اللى كانت بتنزل بيهم بره ؟
عاجز عن الشكر يا جميل و ربنا يبارك لحضرتك فيها ..
يا باشا لا شكر على واجب هي فعلا العربية حماله اسيه وتستحمل جدا وفعلا من العربيات اللي اتظلمت في وقتنا الحالي اوى في سوق المستعمل بس بصراحه زمان كانت مصيبه وهي زيرو في أسعار قطع غيارها بس اتحسنت اوى في آخر 4 سنين ثانيا المواتير اللي بتنزل بيها عندك البنزين 1600 واحد كامه 101 حصان 1800 عادي 125 حصان - 1800تيربو 150حصان وده الشائع تسقيطه علشان جراي اوى - 2000 واحد كامه 115 حصان - 2000 2كامه 130حصان - 2300 5 سلندر 150 حصان - 2800 v6 6سلندر 193 حصان-4000 8 سلندر v8 - حصان 273 دول البنزين وفيه الأودي ال a4 2005 نزل ال3200 fsi ال 250 حصان - وال 2000 fsi ال 150 حصان ودول يتسقطوا عادي بس اللي يعرف يجبهم من بره وفيه طبعا مواتير الديزل TDI بس ماتمشيش هنا في مصر لأنها عاوزه سولار نضيف وده مش موجود في مصر أشهر المواتير اللي موجوده في الحرفيين والشائع تسقيطها ال 1800 العادي 20 صباب 2 كامه 125 حصان والتربو ال 150 حصان وده وحش بس مشكلته أن صعب تلاقي حد فاهمه وال 2000 الواحد كامه ال 115 حصان دول اللي هتلاقيهم في الحرفيين ال 2800 وال 4000 دول بتوع النسخه الدفع الكلي رباعي يعني ودي عربيه مشكلة من مشاكل الزمن انا شوفتلها فيديوهات على اليوتيوب بتجري في التلج وتامرك ومش بتغرز حاجه كده خيال علمي يارب أكون افدتك ولو نويت أبقى قوللي وابعتلي رقمك على الخاص وهبقي اكلمك واشوفها معاك لو عايز وأي حاجه انا في الخدمهاقتباس:
المشاركة الأصلية كتبت بواسطة m7nsh
الله عليك يا كبير !! ماشاء الله موسوعه يا عمنا .. بجد ربنا يزيدك من علمه ..
عاوز اتاكد منك يا جميل فى حاجه .. اللى فهمته ان العربيه كانت بتنزل ستوك ب 1600 و 1800 العادى وال1800 التربو و ال 2000 كامه واحده و كامتين .. هل الباقى ده نزل برده فى مصر ستوك عشان تهت فى الحته دى ..
و جزاك الله خير على عرضك انا لسه بادرس بس تأكدانى لو نويت هتكون سبب رئيسى فى انى اكون خدت الخطوه دى .. و اتشرف بمعرفتك حتى بعيدا عن العربيه :)
الله اكبر ولله الحمد
انا يشرفنى اكون متواجد معكم
باسات 2000 1600cc اتوماتيك اسود
والله انا اللي اتشرف بمعرفة انسان مهذب زي حضرتك بص ياسيدي العربيه دى نزل منها موديلين واحد دفع أمامي وواحد دفع رباعي كل المواتير اللي هقولها لحضرتك دي استوكاقتباس:
المشاركة الأصلية كتبت بواسطة m7nsh
أولا مواتير الدفع الأمامي 1600-1800-1800T-2000-2300
ثانيا مواتير الدفع الرباعي 2800-4000-1800التربو نزل بفيرجن رباعي بس علشان تبقى عارف وضع مواتير الباسات في كل العربيات طولي حتى لو دفع أمامي يعني شاسيه العربيه نازل واحد لكل المواتير اللي بيتغير الموتور والفتيس ولو الدفع الخلفي بيزيد عليها الكرونه بنظام تعليقها الخلفي وعمود الكردان وفتيس دفع رباعي وأي باسات b5.5 - b5 مجهزةتتبقى رباعي عادي مفيش مشكله وطبعا فيرجن الدفع الرباعي مانزلش مصر لانه كان هيبقى سعر العربيه أغلى من المرسيدس العيون في ساعتها لأن العربيات الرباعي دي فيها اوبشنز مانزلتش في عربيات كتير فى سنتها زي نظام ملاحه gps - تليفون-مثبت سرعه - esp - نظام يخلي الكرونه الخلفي لوك أو ان لوك بزرار -ده غير حاجات كتير اوى المهم كل المواتير اللي ذكرتهالك في المشاركة دي كانت استوك واللي نزل منها استوك مصر ال 1600 في ال b5 - وال 2000 فال b5.5 - بس أي مواتير من اللي قولتهالك في الدفع الأمامي تتسقط بفتيسها عادي بدون أي تعديل عدا طبعا هتغير ظفيره الكهرباء والكنترول ولو عايز أي حاجه انا في الخدمه
شرفت ونورت الرابطه وأي استفسار احنا في الخدمهاقتباس:
المشاركة الأصلية كتبت بواسطة munse2004
شكرا بجد يا زعيم لاهتمامك وردودك الوافيه .. وربنا يباركلك فيها و يكفيك شرها دايما ..انا اللى ملخبطنى برده عاوز اعرف هى نزلت مصر عندنا هنا بمواتير ايه ؟ يعنى لما تشوف واحده معروضه فيها 2300 هل دا ستوك هنا ولا مسقطه ؟ حضرتك فهمتنى كدا ؟اقتباس:
المشاركة الأصلية كتبت بواسطة hitmangate
الغريب ان اغلب المعروض من العربيه دى بيكون شكله متهان للاسف .. واغلبه موتور 1600 سواء اوتو او مانيوال ,,
سؤال تانى بقا معلش ايه الفرق بين الكرونا اللىك والعاديه لأنى باسمع المصطلح دا كتير ؟!
لا شكر على واجب يا باشا بص هيا نزلت مصر ال b5 1600 فقط / وال b5.5 1600-2000 فقط غير كدا يبقى متسقط والتسقيط عادي في العربيات دي بس الأهم يكون متسقط صح بس زي ماقولتلك الاستوك اللي نزل مصر بس 1600-2000 لو لقيت عربيه غير كده يبقى متسقطه عدا لو نازله من بره وحد مدخلها جمرك أو مشتريها من سفارة اجنبيه مثلا وعلشان تكون في الصوره العربيات بتاعت السفارات اللي في ناس بتشتريها بتبقى فيها حاجات مش نازله في العربيات الوكيل اللي في مصر يعني ممكن تلاقي حاجه 10 ايرباج ومثبت سرعه وطاره مالتي فوانيس زينون وكده يعني بساقتباس:
المشاركة الأصلية كتبت بواسطة m7nsh
وبالنسبه لموضوع الكرونا اللوك والانلوك بص الكرونا الأنلوك دي اللي موجوده في أغلب العربيات الدفع الخلفي ودي الحركه بتاعت الكرونه بتروح لعجله من الاتنين يعني عمر الحركه ماتخرج من العجلتين مع بعض زي لما ترفع عربيه دفع أمامي من ادام من ناحيه وتخلي عجله على الأرض وتديلها غيار تلاقي اللي على الأرض مش بتتحرك واللي مش لامسه الأرض هي اللي بتتحرك هو ده نفس نظام الكرونه الأنلوك أما الكرونه اللوك فخرج الكرونه بيروح على العجلتين مع بعض فتلاقي اول ماتتطلع بالعربيه وانت حارق عليها تلافيها بتطلع بالجنب ولو شفت عربيه بي ام معدله بتلاقي اللي عدلها اول حاجه مسقطلها الكرونه اللوك وتلاقي العربيه بتطلع ودهرها بيلعب أو تحسها طالعه بجنبها ويارب أكون وصلتلك الفكره بسهوله وبالنسبه للعربيات المتهانه ففعلا الاغلب هاين عربيته انا النهارده نزلت السوق اتفرج لقيت واحد عارض مزبلة معلش في اللفظ اسمها باسات أقسم بالله ماركبها لو ببلاش ويقوللي مطلوب 85000 كنت هعمله حركه وحشه بس سبته ومشيت علشان ماخدش زنوب على الفاضي فلو فكرت هتتعب شويه علبال ماتلاقي حاجه كويسه وان شاء الله خير
حبيييييييييبى والله مش عارف اقولك ايه !! انت لسه مستحملنى ازاى مع الاسئله الكتير دى ؟!ربنا يبارك فيك يا باشا والله .. :tumb:اقتباس:
المشاركة الأصلية كتبت بواسطة hitmangate
انا فهمت فكره الكورونا اللوك كده تمام يا ريس وفعلا شفتها كتير بس ماكنتش فاهم ان ده بسبب الكورونه .. كنت بحسبه العزم العالى هو السبب و خلاص ..وانها كده كده خلفى يعنى ..
بالنسبه لموضوع السوق تصدق زعلتنى ؟! لأنى ساكن فى زهراء جمب السوق ..كانت فرصه حلوه جدا اتعرف على شخصيه اخلاقها عاليه زيك .. بس ملحوقه ان شاءالله ..
وطبعا الباشا اللى قالك 85 ده لا تعليييق هههههههههههههه متخيل انت كنت ممكن ترد عليه ازاى بس مش مستاهله الطيب احسن ..
طبعا لو فى حاجه تانيه هاجى ابرشطلكم هنا بقا واسالكم .. مش هثق فى اى اجابات غير من هنا :tumb:
يا باشا تشرف وتنور وانا هبعتلك رقمي على الخاص لو عايز أي حاجه أبقى كلمني واهو فرصه نتعرف على بعضاقتباس:
المشاركة الأصلية كتبت بواسطة m7nsh
السلام عليكم ورحمة الله وبركاته
يشرفنى اكون معاكو :Y_hi_3[1]:
باسات 1998 1.6 مانيوال فى الطريق ل 1.8 تيربو اوتو :Bravo:
اخر حاجة جايبها لعربيتى طقم طنابير استيراد زيرو مافيهومش اى رجة وبالتيل الاصلى كمان بس مركبتهومش ب 200 جنيه
وجبت طقم سيرفو فرامل يمين وشمال بخرطومهم ب 200 عشان كان التيل خلص وبوظ البستم بتاع السيرفو مع واحد صاحبى
المساعدين الامامى استيراد 500 الاتنين وينزل ل 400 لو شديت عليه
المساعدين الخلفى استيراد 250 الاتنين ؟؟؟
التيل الامامى الاسبانى ريمسا ب 180 والصينى (بيقولو عليه كوبى ) وفى كرتونة شبه الكرتونة الاصلية ب 130
طقم بارات دريكسيون ب 350 بيقول اسبانى بس هما شكلهم صينى كويسين
طقم كبالن خارجى اسبانى بس برده شكلهم صينى ب 300 الاتنين
طقم فوانيس خلفى استيراد اصلى ب450 الاتنين ؟
وش كامل للعربية ( فوانيس+اكصدام +شبكة+سربنتينة تكييف + ردياتير+مروحة+صدر العربية الفيبر) ب 2300 وب 1900 من غير الفوانيس
كبوت 500
شنطة500
رفرفين امامى الواحد ب 250 ينزل معاك ل 200
اى مقص عندك ب 150 وتنقى براحتك
زرار فتح التنك فى الكونسولة جبته ب50 جنيه واستغليته
طارة الدريكسيون ب 500 الثلاثية و ب 250 الرباعية المعتادة
ذراع الاشارات+ ذراع المساحات 250 وينزل معاك ل 200
أهلا وسهلا بيك معانا وشرفت ونورت الرابطه وشكرا على المشاركة الجميله بتاعت اللي فادتنا جدا بالأسعار اللي حضرتك كاتبها وان شاء الله تسقط الموتور على خير وأهم حاجه نقي الموتور من نص يكون نضيف بفتيس استبترونيك وموفق بإذن الله
والله ياباشا انا هتقل عليكو واحتاج مساعدتكو فى الموضوع ده ﻻنى معرفش تجار كويسين اوميكانيكيه سواء فى الحرفين او لو فى حد افضل فى المنصورةاقتباس:
المشاركة الأصلية كتبت بواسطة hitmangate
بعد اذن استاذ هيمااقتباس:
المشاركة الأصلية كتبت بواسطة mitooth
في الحرفيين مجدي بيومي اكيد عندو
فى ناس كتير فى الحرفيين عندهم بس الموضوع فى انضف انصاص ﻻنى هجيب نص كامل واشيل منه الموتور بالعفشة بكله افضلاقتباس:
المشاركة الأصلية كتبت بواسطة omaranes77
اكيد في ناس نضبفة بس الصراحة انا مالقتش انضف منواقتباس:
المشاركة الأصلية كتبت بواسطة mitooth
بس اكييد في كتيير حضرتك ممكن تاخد فكرة وتقرر
اهلا بيك معانا فى عالم الباسات والاسعار دى من محل مين ؟ عاوزين نعمل دليل المحلات ونشوف مين الغالى ومين الرخيص علشان الناس كلها تستفيداقتباس:
المشاركة الأصلية كتبت بواسطة mitooth
تقريبا من واحد اسمه محمد الخواجة محل فى شارع المرسيديس فى اوله