الله يبارك فيك يا استاذ احمد متشكر على تعبك معايا وهكلمك ان شاء الله علشان عايز اسألك على كام حاجه
عرض للطباعة
متشكر يا افندم على زوقك و الله يبارك فيك
وشرف ليه ان عربيتى نفس الموديل و اللون بتاع عربيتك علشان عربيتى جايه من المانيا وانت من بور سعيد فأكيد بردوا عربيتك جايه من المانيا لانى درجة النبيتى بتاعتنا غير اللى بتاعة الوكيل اللى منزلها مصر الدرجه بتاعتنا مشعره ببنى شويه انما اللى هنا نبيتى صيرف وربنا يباركلنا ويبارك لكل الرابطه فى عربياتهم امين
hitmangate"
إزيك يا كبير
أنا عايز الحاجات دي ضروري جدا ،
1- طاسات للكاوتشات بتاعه الباسات 1997
2- التكييف بتاعي فيه مشكلة كبيرة شحنته و فضي كذا مره و بعدين عمل صوت مرعب كده و أنا لسه شاحنه و وقف رحت لمركز خدمه قاللي إنه محتاج كباس ... عايز أعرف حاجه مهمه ... مين في الحرفيين أستاذ في تكييف الباسات ... كمان الكباس أجيبه منين و سعره حوالي كام ؟؟
3- هواية التكييف الوسطانية عندي أتكسرت خالص ... أجيبها منين و بكام
4- الشبكة الأمامية برضه محتاجها جديده أجيبها منين و بكام ؟؟
السلام عليكم بص ياباشا هتنزل شارع المرسيدس في الحرفيين هتلاقي كل حاجه للعربيه استيراد والمحلات جنب بعضها بتاعت الفولكس بالنسبه للتكييف الكباس ممكن يعمل حوالي 1000-1200 هتلاقيهم غلوه علشان احنا في الصيف وممكن تلاقيه ارخص شويه بص الحرفيين مجربتش اتعامل مع حد فيهم بس فيه واحد بتاع تكييفات ممتاز انا اتعاملت معاه وهوا استاذ في تكييف الالماني وشاطر اوي في الاوبل اللي هيا ارخم تكييف في الدنيا اسمه عبقرينو جنب قهوه سي عمر في ظهر ابو رامي الحي السابع ده بتاع تكييف بس روحله وخليه يكشفلك عليها وهو راجل امين جدا ومحترم وهيظبطهالك ان شاء الله الشبكه جبها استيراد افضل بالعلامه بتاعتها لان الاصليه متينه عن الجديد وهوايه التكييف برضه استيراد وكله من الحرفيين بس روح لبتاع التكييف الاول يشوفلك التسريب منين علشان تحدد ايه اللي عندكوبعدين شوف هتجيب ايه وجيب الحاجه استيراد وان شاء الله خير
سؤال يا باشا
امتى اعرف انى محتاج اغير مقصات بس و امتى اغير طقم العفشه الامامى
و شكرا
بص أعراض تلف المقصات
-1 تسمع صوت طقه لما تطلع مطب وتنزل أو تنزل في نقره بالراحة تسمع صوت طقه
2-علي السرعات العاليه العربيه تعوم منك بالذات في مطبات الهوا
وطريقه اختبار المقصات هترفع العربيه من كل ناحيه وفك عجله عجله طبعا اللي قدام وامسك كل مقص بأيدك وهزه جامد جدا اللي يتحرك بسهوله يبقى بايظ والأفضل لو هتغير تجيب جديد مع بعض وتجيب الفيبي أو السواج الألماني غير الماركتين دول رمي فلوس على الأرض ولو اللي بايظ اللي فوق بس ممكن يتجابو استيراد وبالنسبه لمستوى الخدمه بتفرق من واحد لواحد حسب طريقه السواقه والطريق ونوع المقصات اللي راكبه وبالنسبه لطقم العفشه قصدك المساعدين والبطاحات لو قصدك كده يبقى برضه وانت رافع العربيه هتبص على المساعد لو لاقيته جايب زيت يبقى بايظ والبطاحات لو في ملف بتلف والطاره ماردتش معاك يبقى بطاحات أو لو بتلف يمين أوشمال تسمع صوت خخشونة من ناحيه البطاحات وبطاحات العربيه دي مش بتبان من الحوض زي كل العربيات هتلاقيها في أعلىالمساعد من ورا العجل فوق ووعلى شكل مثلث ومتركب فيها المقصات اللي فوق دي كل العفشه بتاعت العربيه من الإمام ووأي استفسارات انا في الخدمة
اه معلش نسيت اقولك بارات الدريكسيون الخارجيه لو ماشي في حته مكسره هتحس بدبدبه في الدريكسيون
تسلم لى يا احمد باشا
حاليا انا اتصلت بأحد المحلات ف القاهره و هيبعت لى طقم جديد كامل تقريبا 12 قطعه
قالى فى تركى و فى المانى
التركى ب 2500 و الالمانى ب 3000 بس مقاليش الماركه ايه
انا رفعت العربيه النهارده لقيت جلب كتير خارجه من مكانها حبه و فى متاكل ف هجيب طقم جديد
بالنسبه للدريكسيون لما باخد ملف بحس بطقطقه بسيطه و بيرد معايا بس لما بتحرك بسرعه
انا هحاول اعرف ماركة النوع الالمانى ده او هدور ف القاهره
بورسعيد مفيهاش الا جديد صيني درجه اولى ب 2200 جنيه و الباقى استيراد بس مش اد كده
بص ياباشا لو لاقيت الألماني ده ماركة توبران سيبك منه مالوش لازمه لأنه مش حلو وده من تعليقات ناس بره كتير فى أوروبا والتوبران ده صيني مش الماني بص الفيبي أو السواج دول هتلاقيهم موجودين في محلات شارع دمشق في مصر الجديده القاهره بصراحه انا بستنضف قطع غيار دمشق عن التوفيقية وبالنسبة للدريكسيون صوت الطقه بتسمعه جي منين علشان الطقه ليها مشاكل كتير ممكن صليبه الدريكسيون أو بارات أو اسكترا عموما لما تجيب طقم المقصات وتركبه بالبارات هتلاقى الدنيا اختلفت معاك وبعد كده أي صوت ممكن يطلع هيبقى سهل أن الواحديحدده وان شاء الله خير
تمام
انا حجزت طقم عفشه امامى كامله المانى ماركة فيبي من القاهره هتوصلنى خلال ايام ان شاء الله على 3000 جنيه
هركبها ان شاء الله و ابلغك
شكرا يا باشا الف شكر
طب فى ماركه تانيه المانى شوفتها ف طريقى اسمها optimal
ب 2800
تسمع عنها
عرفتلك الoptmal دي فعلا شركه المانيه بس مش لاقيلها حاجه علي الموقع بتاعهم للباسات
تمام يا باشا
هحاول اسال و استفسر تانى
سؤال تانى يا احمد بيه
الصوره دى.....
http://im74.gulfup.com/Dgj2bu.jpg
بسمع ف الجزء ده اول دوران العربيه و بعد ما اركنها تحت البيت تكتكه على مرات مختلفه
ف معرفش هل ده عادى ولا فى مشكله؟
و شكرا
بص هوا الجزء ده جهاز الabs الجزء الاسود ده الكنترول يونت والفضي دي الوحده اللي بتوزع الفرامل ومن ورا هتلاقيها فيها حاجه مدوره كده دي المضخه بتاعت جهاز الabs المفروض الوحده دي ماتطلعش صوت نهائي لو فيها صوت يبقي الصوت ده جي من المضخه بتاعت الجهاز وده غلط ويبقي بدايه بوظان الوحده بس اتاكد من ان صوت التكتكه جي منها ولا لا لان ممكن يكون حاجه تانيه يعني خللي واحد يدور العربيه وحط ودنك جنب جهاز الabs وشوف الصوت منها ولا لا لان ممكن تلاقي الصوت جي من مضخه الهواء المساعده بتاعت سيرفو الفرامل ودي مكانها هتقف في وش الموتور عند المنافول بتاع الهوا من فوق عند الماسوره الرابعه بتاعت المنافول اللي قدام هتلاقي حاجه عامله زي العلبه كده ومدوره دي بيطلع منها صوت تكتكه لو باظت فجرب كده وقوللي عملت ايه والصوت جي منين بالظبط وان شاء الله خير
احمد باشا استفسار
حساس الميه اللى قولتلك عليه اللى خاص بقرايت مؤشر الحرار اللى فى العداد انهوا واحد اللى فى الريداتير من تحت اللى هو فيشتوا 3 طرف ولا اللى راكب على الشجره اللى تحت ماسورة فلتر الهواء اللى داخل البوابه اللى هو بيبقى 4 طرف علشان سمعت فتى كتير وانا بأشتريه وكلمتك ساعتها علشان تفدنى
انا حاولت ادور و اطفى العربيه كذا مره مسمعتش اى صوت
هو بيطلع اوقات و اوقات معرفش بناءا على ايه
انا عندى لمبة abs منوره و لما كشفت كمبيوتر قالى الحساس قدام يمين عايز يتغير
هل له علاقه بالصوت؟؟
و شكرا
لا مالوش علاقه بالصوت عموما جيب الحساس استيراد هتلاقيه ب 100ج في الشونه في بورسعيد وقوله حساس ال abs الواحد فيشه لأن بتاع العجله الشمال 2 فيشه علشان فيشه التيل والاثنين بيركبوا مكان بعض عادي بس الأفضل تجيب أبو فيشه واحده علشان سلك التيل هيبقى واقع وخلاص وركبه من غير ماتمسح العطل ال abs هيشتغل لوحده واللمبه هتطفي بمجرد ماتدوس فرامل بعد سرعه ٧كم/ساعه وموضوع الصوت ده ماتقلقش منه غالبا هوا مضخة الهوا المساعده بتاعت السيرفو اللي راكبه على المنافولد بتاع الهوا
طب اقسم بالله بدعى لك يا سيدي على معلوماتك اللى من غيرها مكنتش اعرف هعمل ايه
تقبل سلامى و شكرى
احمد باشا
ايه هى استخدامات الميه ف العربيه غير إربة الميه للتبريد و إربة مية المساحات؟
رفعت العربيه اخر مره لقيت نازل منها نقط مياه
شكيت انه ممكن من مية التبريد بس الحساس مظبوط و مفيش انذار حراره
كمان مية المساحات زى ما هى
ممكن يكون ايه السبب؟
لاقيت النقط بتنزل منين بالظبط يعني لو ورا الموتور من تحت من ناحيه التابلوه من بره يبقى كثافة المياه بتاعت تلاجه التكييف زي تكييف البيت كده في خرطوم بينزل نقط مياه دا طبعا في حاله أنمياه التبريد مابتنقصش ووأنك حاطط مياه ملونه في الريداتير فتلاقي المياه اللي بتنزل دي شفافة مش ملونه شوف كده وقوللي وانا متابعك
معلش نسيت اقولك بتبقى فاتح التكييف ولا لا
امبارح قبل ماسافر وأنزل القاهره دورت العربيه لاقيتها متلته فاتغميت المهم قولت اغير البوجيهات علشان بقالي سته أشهر مغيرها فقولت تلافيها رطبت فغيرتها ونفس الكلام وطبعا كل ده والساعة 10 بليل المهم روحت مطلع الكابل وكشفت على العربيه عطل في رشاش متوقف عن العمل وواحد ضعيف فاسافرت بيها ونزلت النهارده الحرفيين جبت مسطره رشاشات استيراد ب 300ج مفكوكه من موتور أودي 1600 وهو هو موتورنا وجبت فلتر بنزين جديد وهركبهم بكره وهعمل تقرير أن شا ءالله
لا يا باشا التكييف كان مطفى وقتها
الميه بتنزل تقريبا من على شمال الموتور تقريبا لورا شويه لو مدى وشك لوش العربيه
النهارده بعون الله ركبت مسطره الرشاشات وجيت ادور الاقي العربيه لسه متلته قولت بس يبقى الموبينه وفعلا جربت سلوك البوجيهات لاقيت واحد قاطع كهربا وطبعا انا غيرت سلوك البوجيهات أصلي من فتره فاكيد مش هي السبب وكمان شكلها جديد المهم جبت موبينه استيراد بتاعت اوكتافيا هي هي بتاعت الباسات وتمنها 300ج وطبعا تغيرها كان أصعب حاجه ممكن تتعمل لأن مكانها تحت البوابه ففكيت العمه وبعدين البوابه بأربع مسامير الانكيه وخرطومين مياه التبريد بتوع البوابه وبعدين تحتها الموبينه بأربع مسامير الانكيه برضه وفك وركب ورجع كل حاجه زي ماكانت دور الحمد لله اتظبطت بطلت وغيرت فلتر البنزين وحطيت الجديد وقفلت والحمد لله وكان ناقص كاوتش المزيكا بتاعت الاسكترا ففكيت العجله الشمال وفكيت باره الطرف وشلت القديمه وحطيت الجديده وقفلتها بافزان بلاستيك من جوه وحديد من بره لأن التحكم فيها صعب جدا وقفلت وظبطت زوايا والحمد لله بقت زي الفل وطلعت جربت اختلاف وإحساس تاني الحمد لله
دي أسعار بعض قطع الغيار سألت عليها في الحرفيين امبارح:
1-موتور 1800 عادي كامل بالضفيره والكنترول من غير فتيس 4500ج
2-مسطره رشاشات موتور 1600 كامله ب 300ج
3-موبينه كهربا 1600 هي هي بتاعت الاوكتافيا ب 300ج
4-جوز المرايات كامله يمين وشمال ب 400ج الاتنين الواحده ب 200ج
5-جوز فوانيس أمامي 400ج أبو موتور كهربا لتعديل الارتفاع أصلي استيراد الواحد ب 200
5-اكصدام أمامي كامل بالشاسيه والشبكة ب 700ج
6-اكصدام خلفي ب 800ج
7-ريداتير اتوماتيك من 600-800ج حسب المحل
8-كومبريسور التكييف بتاع ال 1600 اسمه أبو باليتات ب 1300ج لأنه قليل وبتاع ال 1800 أبو لاواكير ب 800ج لأنه كتير وبيركب على 1600 بس بتغير معاه المواسير
دي بعض أسعار قطع الغيار اللي سألت عليها وأي استفسار انا في الخدمه
مبروك يا باشا التصليح.
وحلو ان حضرتك. ايدك في العربية
برنس يابو حميد من يومك والله .. و مش بتبخل باللى عارفه ربنا يجعله فى ميزان حسناتك ..
متابع انا الموضوع من بعيد لبعيد :))
الف مبروك يا احمد باشا على الاصلاحات ربنا يباريكلك فيها
انا روحت عند محمد رأفت ( ماستر فولكس ) وغيرت حساس الميه بتاع مؤشر الحراره والحمد لله العربيه ضبطت بس لسه عندى مشكله لما بشغل التكييف العربيه تبرجل وبحس انها مخنوقه شويه مع انوا حطها على الجهاز و قالى مش مسجله معايه غير حساس الحراره و قالى حتى لو فيها حساس تكييف ما تغيروش وما يشغلكش بس انا هلروحلوا تانى علشان مش عجبانى مع التكييف خالص
وكمان حصلت حاجه النهارده وانا بفتح العربيه المفتاح لف ومش عايز يرجع تانى قفش على كده وطلع عينى عقبال ما طلعتوا بالعافيه بعد ما خليتوا على العدل و طلعتوا بس بقت العربيه تفتح وما تقفلش من الباب بتاعى يعنى المفتاح بيلف فى الكالون فتح بس انما القفل ما بيلفش عليه كأنى فى حاجه حيشاه جوه النهارده ان شاء الله هروح لعزب بتاع المفاتيح و اللى فيه الخير يقدموا ربنا
إسلام باشا بص انت بعد ماركبت حساس المياه كشف تاني لقي العطل اتمسح ولا ايه وثانيا لازم يكشف على التكييف هيخش على برنامج VCDS هيختار auto havc ده التكييف التاتش لأنه ممكن يكون مسجل عطل وده اللي هيبين الأعطال بتاعت دوره التكييف مش حاجه تانيه وبالنسبه للمفتاح أن شاء الله يتظبط معاك وممكن تقفل العربيه من الشنطه أو الباب اليمين هيقفل العربيه كلها احتياطي لغاية ماتخلص أن شاء الله
احمد باشا سعد
ممكن تليفونك ضرورى
لانى واقف ف الورشه محتاس
سعادة الباشا
ده شكل القديم
http://nileup.com/up/uploads/nilemotors_14062093631.jpg
و ده شكل الجديد بالظبط
http://nileup.com/up/uploads/nilemotors_14062093632.jpg
بالنسبه للجمبر اللى قولت لك عليه بيتحط على الفيشه اللى ف النص دى
حبيت اوريك الصور و هجرب و اقولك
اكتشفت اكتشاف من شويه قولت لازم أقوله للناس للاستفادة انا من كام يوم غيرت رشاشات زي ماقلت لحضراتكم المهم انا كان عندي 2 رشاش بس عاطل فقولت احط ا'رشاشين من اللي جايبهم فالمهم عملت كده وقولت تمام ودورت وكانت كل حاجه زي الفل المهم من شويه كنت ببص على الرشاشات القديمه فلاحظت انها من تحت أربع فتحات صغيره واللي انا جايبهم 2 فتحه فده اكيد هيبقى أوفر لأنه هينزل بنزين أقل شويه من آبو 4 فتحه ففكيت مسطره الرشاشات وغيرت الاتنين الباقيين وبقي كل اللي في العربيه أبو 2 فتحه المهم هجرب العربيه كده في الاستهلاك والسحب الفتره اللي جايه وهبلغكم أن شاء الله