ﻷ الحواجة دة مش تمام اشتريت منة موبينة استراد لل a4 قعدت اسبوعين ووباظتاقتباس:
المشاركة الأصلية كتبت بواسطة mitooth
عرض للطباعة
ﻷ الحواجة دة مش تمام اشتريت منة موبينة استراد لل a4 قعدت اسبوعين ووباظتاقتباس:
المشاركة الأصلية كتبت بواسطة mitooth
انا ما اتعاملتش معاه كتير بس سألت عنده عاﻻسعار وكانت كده زى ما انا كتبت
لو هو كده مفيش مشكلة خد الحاجة المعمرة منه مثﻻ لو فرش ابواب انا سألت عنده لاقيتهم ب 800 جنيه بس من غير مقابض وﻻ مجموعة زراير باب السائق
بص ياباشا بورسعيد فيها انصاص حلوه انا نزلت من حوالي 5 أشهر كان في نص كان هيخرج من عيني كان 1800 تربو والموتور اللي فيه شكله زيرو والموتور كان لوحده ب 8500 بالفتيس والكنترول والضفيره كامل بس كان فتيس مانيوال والفتيس الاستبترونيك كان ب 3000ج فيه بقى سؤال مهم سعر فرش الأبواب ده للواحد ولا الأربعه وشكرا وأي حاجه خليك متابع معانا وان شاء الله خير
ﻻﻻ السعر للاربعه وتنقيهم بس من غير المقابض ودى مشكلة بالنسبالى لان المقابض عندى مكسورة
يارت لو تساعدنى يا بشمهندس بالنسبة لتجار بور سعيد او اجيب نص منين وتقريبا سعره هيبقى كام لو سمحت
الف شكر لك على النصيحة وبالنسبه لموضوع بورسعيد انا للأسف من القاهره وكنت بالصدفه في بورسعيد وغيرت سير كاتينه هناك فعديت على بتوع قطع الغيار الاستيراد فلقيت اللي قولتلك عليه وممكن اسئلك عضو معانا هنا من بورسعيد هو راجل محترم جدا وصديق عزيز هابقي اتصل بيه واخليه يسأل لك وهو برضه معاه باسات 2000 زينا وانا لو عرفت حاجه برضه هاقولك
السﻻم عليكم
استفسار يا شباب بخصوص الفتيس اﻻستيب ترونيك فى الباسات معمر وكويس وﻻ لﻻوتوماتيك افضل
وبالنسبة للموتور 1.8 تربو افضل وﻻ 1800 العادى ومشاكل الموتور التربو فى ايه ؟
بص يا باشا بالنسبه للفتيس الاستبترونيك معمر ومافيهوش أي مشاكل محترم جدا والفرق بينه وبين العادي أن الاستبترونيك 5 نقله والعادي 4 نقله وبالنسبه للموتور 1800 التربو والعادي بص فيه حاجه مهمه جدا أي موتور تربو عمره أقصر من موتور عادي نفس التصميم والسعه اللتريه يعني بيديك حاجه قصاد حاجه ياتاخد هورس باور عالي مقابل عمر أقصر للموتور نسبيا أو تاخد عمر أطول مقابل هورس باور قليل وخدها مني نصيحه لو انت مش من هواه الشد والجري ماتجبش ال 1800 التربو لأن مواتير التربو ليها معامله خاصه شويه وعايزه واحد بيفهم فيهاومابتديش اأداء حلو في الحر الشديد لأن التربو أهم حاجه فيه التبريد فلو دوره التبريد مش تمام التربو يتكل على الله هو والموتور لأن مواتير التربو ألومنيوم البلوكه ووش السلندر فنصيحتي خليك في ال 1800 العادى مشاكله قليله وكل الصنايعيه بيشتغلو فيه ومعمر عن التربو وبيشتغل معاه الفتيس ال 4 نقله العادي لأن الاستبترونيك بتاع الموتور التربو وعلشان تكون الصوره كامله الموتور ال 1800 التربو بيطلع 150 حصان وال 1800 العادى بيطلع 125 حصان فقرر انت وشوف ايه استخداماتك للعربية عاوز أداء وسرعة وشد خليك في التربو عاوز حاجه تعمر معاك وبرضه تشد بس مش زي التربو يبقى خليك في العادي وأي استفسار انا في الخدمه
بص بالنسبه للكلام اللي بيقوله لو حصله حاجه الغيه ده كلام فاضي وفكك منه عمره ماهيبقي طبيعي لو حصل للتربو حاجه انا شايف انك متوجعش دماغك وخليك في 1800 العادى علشان مشاكله مش كتير وعلى فكره الموتور التربو مشكلته كلها انه لو حصله حاجه هيتعبك بس هو موتور كويس طول ماهو شغال كويس ومافيهوش مشاكل بس لو فتح قابل بقى يامعلم العادي حلو علشان تريح دماغك من التربو لو حصله مشكله وبالنسبه للفتيس الاستبترونيك فلو جبته مش هيشتغل غير مع الموتور التربو بس عموما لو الفتيس اتركب بالضفيره و الكنترول والكونسوله بتاعتالاتوماتيك ااستبترونيك هيشتغل تمام بدون مشاكل وانا شفته شغال بعيني ففكك من الفتايين وان شاء الله خير
السلام عليكم ورحمة الله و بركاته
لو عاوز أكشف على عربية باسات 1999 مانوال موتور 1800
أكشف عليها عند مين و يكون قريب من مدينة نصر
و لكم جزيل الشكر
السلام عليكم
و الله يا استاذ hitmangate انا معايا لانسر كريستاله 99 اوتو و حابب ابيعها اشترى باسات B5.5 اوتو فلو قدام حضرتك واحده تكون كويسه جدا اكون شاكر ليك جدا لانى حبيت العربيه دى من كلام حضرتك عليها وانا متابع الرابطه من اول بوست
بص فكك من ميكانيكية فولكس في الكشف بصراحه غير موثوق في أغلبهم في مدينه نصر في موضوع الكشف انا هرشحلك حاجه فى محطه كالتكس اللي جنب السراج مول هتروح تكشف فيها في الراجل المسئول عن الزوايا في المحطه راجل محترم هيجبلك العربيه من تحت وفوق ويشوفهالك رشه ولا لا وفيها أي مشاكل ولا لا وهيكشفلك على حاله الموتور بجهاز كشف حاله الموتور وهيشفلك العفشه وهيديك تقرير وافي عنها وخلي بالك الموضوع مش محتاج ميكانيكى فولكس علشان يكشف وانا بتعامل مع الراجل بتاع الزوايا ده وبصراحة ما شاء الله بيفهم وخلي بالك برضه كل العربيات في الكشف نظامها واحد هتكشف على حاله الدهان ولو عامله حادثة ولا لا والبارومه ويكشف كبس موتور وده هيبين حاله الموتور وهيكشف عفشه و خلاص ده المهم في الكشف على العربيه وباقي الحاجه انت هتشوفها بعينك وتقدرها وربنا يوفقك للاصلح وأي استفسار انا في الخدمه
السلام عليكم
كان ليه استفسار بخصوص زيت الباور للباسات اتوماتيك موديل 2000
كنت بغير زيت الباور النهارده
والراجل فى المحطه اكدلى انى اغير وحطلى زيت احمر بعد ما فضى القديم بالسحب
فهل ده صج ولا فى نوع تانى لزيت الباور
وشكرا
لو حد عنده فكره عن سعر شبكة الباسات 2000الاماميه والريداتير للاتوماتيك يقولى لو سمحتم
بص هوا غير مستحب الزيت الأحمر للباور إلا لو كان اللي موصي بيه الشركه بس الأفضل فيه زيت باور أمريكي في علبه صفرا اسمه gunk اللتر ب 70ج انا حاطه في العربيه بتاعتي وبصراحة فرق في الباور عن الزيت الأحمر الباور بقى خفيف وطرمبه الباور صوتها وطي وكمان الزيت ده في موانع تسريب علشان لو فيه حاجه فى الاسكترا بتسرب بيظبطها حاول تغير الزيت ده وهتلاقي فرق في الباور ملحوظ للأفضل
لايكفى الشكر لسيادتك فقط
انا بشكر حضرتك جدا جدا جدا
بصراحه مبتتأخرش علينا فى اى سؤال
ربنا ييسرلك كل الخير وميمرش عليك اى صعب hitmangate
لك جزيل الشكر ووافر الاحترام
انا نزلت الحرفيين وسالت علي الريداتير وده من ٥٠٠الي ٧٠٠ جنيه واشبكه جبتها جديده وسعرها ١١٠ من غير العلامه وختها بالعلامه ١٤٠ صيني بس كويسين
الكوبلن سالت عليه قالي. ٦٥٠ واناشايف انه كتير ولا ايه رايكم
وعلي فكره انا غيرت زيت الفتيس بالنوع اللي حضرتك قولت عليه جنك علبته صفرا وسعره ٥٠جنيه وطلع فعلا تمام وصوت البور اختفي والبور بقي انعم جدا
بص هوا كتير طبعا ده كتير جدا ده سعر جوز الكبالن داخلي وخارجي بالاكس الناحيتين كان ب 500 ج في بورسعيد يعني في القاهره كبيرهم يزيدوا 100 أو 150 ج بس كده خليك أفضل في الجديد بس دور في دمشق أو التوفيقية وابعد عن الصيني أو اللي محطوط في علبه شبه الاصليه خليك في ماركة اسمها مايلي كويسه وأبقى طمنا عملت ايه
اعضاء الرابطه الكرام اول امبارح اتنشيت طوبه جاتلي في الزجاج الخلفي للسياره وانا في شارع ظلمه في مدينه نصر كنت مروح البيت والحمد لله الزجاج الخلفي اتدمر والواحد زعل لانه كان زجاج الفبريكه بس الحمد لله جت سليمه ورحت غيرته في ساعتها عند الثلاثيه في الحي السادس وكان تمنه 450 ج وماركته مش جريش حاجه اسمها bsg مش عارف صناعتها بس الواحد كان مضطر بس الزجاج خامته وسمكه كويس والحمد لله وربنا يبعد عنكم الطوب وقرف البلد اللي الواحد بقي فيها دي وربنا يسترها علينا وعليكم جميعا
انا اشتريت واحدة كاملة موديل 2000 عاملة 200الف كيلو ب 62 الف بس فيها الكوبلن فى الناحيتين فيهم طقطقة بسيطة و المساعد الخالفي في الشمال مش تمام
السعر كده كويس ولا لأ ؟؟
عايز اعرف ارخص و احسن اماكن قطع الغيار الجديد و الاستيراد ولو الاسعار يبقي كويس عشان انا من الصعيد و هاجي اغير كل حاجة مرة واحدة
استفسار تاني لواحد صاحبى معاه نفس العربية بس 2001 لما اخد مطب على 50 العربية من قدام حسها خبطت الارض هل ده عيب مساعدين امامي ولا ده طبيعي عشان العربية واطية ولا ايه ؟
اولا اهلا بيك معانا في رابطه مالكي الباسات وربنا يديك خيرها ويكفيك شرها وثانيا تمنها كويس جدا بس واللي حضرتك بتقوله في العربيه ده مش حاجه يعني لو علي قد كبالن خارجيه ومساعدين خلفي يبقي حاجات بسيطه وقطع غيار العربيه رخيصه جديد واستيراد عدا طقم الشدادات الامامي او المقصات تمنهم جديد من 1200 صيني لغايه 4000 فيبي الماني واستيراد 1200ج وباقي اسعارها رخيصه :Bravo:وممكن ترجع في المشاركات اللي ورا في الرابطه كاتبين اغلب اسعار قطع غيارها ولسه قريب يعني اسعار ماتغيرتش اوي وافضل اماكن لقطع الغيار عندك الحرفيين في شارع المرسيدس للاستيراد وشارع دمشق في مصر الجديده للجديد وبالنسبه لعربيه صاحبك طبعا مساعدينها ضايعين لان العربيه دي مش واطيه دي عاليه لو المساعدين مظبوطين خليه يكشف علي المساعدين ويغيرهم وهيلاقيها عليت معاه واي استفسار انا في الخدمه
شكرا ربنا يكرمك بس كنت عايز اسم محل معين ثقة و عنوان ورشة كويسه عشان انا نصحوني بصقر قريش ومش عارف صقر الناس في كويسه ولا الاسعار اغلي