الموضوع: رابطه مالكي الباسات b5&b5.5 من 1996 الي2005

المشاركة الأصلية كتبت بواسطة ahmed saad

السلام عليكم ورحمة الله وبركاته اولا انا بعتذرلك على التأخير في الرد وانشغالي الفتره السابقه عن القسم لظروف عملي وثانيا بالنسبه للباسات ال1800 تربو قطع غياره موجوده عادي مفيش مشاكل في الحرفيين الحساسات موجوده استيراد والسيور وباقي الحاجه هيا هيا بتاعت ال1600 وال1800 العادي وعموما الموتور التربو هوا هوا العادي في التصميم بس زياده عليه التربو كيت والانتركوولر وده بيطلع 150حصان وعزم 210 نيوتن وبيشتغل 92 بدون أي مشاكل اطلاقا لأن نسبه انضغاطه 10.2 زي ال1600 عادي جدا أما بالنسبه للاستهلاك البنزين فالصفيحه تعمل معاك في السفر 240كم وفي البلد 180كم بس اهم حاجه في المواتير التربو لازم تكون دوره التبريد سليمه وحاطط المياه الحمرا الاصليه g12 علشان تحافظ على الموتور لأنه لو سخن هيضرب وش سلندر وبلوكه لأنه موتور الومنيوم بالكامل وفيه حاجه كمان هوا معقد شويه عن ال1800 العادي علشان التربو كيت والانتركوولر عاملين زحمه شويه ده غير ان مش اي صنايعي فولكس هتلاقيه شغال فيه وبيعرف يظبطه بس كاأداء هتاخد منه أداء عالي جدا وسحب وتجميع ممتاز لدرجه انك ممكن تطلع من فيرنا مستريح بالباسات التقيله في الوزن وبالنسبه للفتيس الاوتو اللي بيجي معاها بيبقى استبترونيك وده فتيس مافيهوش اي مشاكل ومعمر جدا جدا تغير بس زيت وفلتر اصلي وانساه طول مانت معاك العربيه وعموما أهم حاجه تكشف كويس على العربيه وعلى الموتور وتشوف كبسه وتكشف على الفتيس ونقلاته والعفشه ولو كويسه هتعمل في رينج ال85000ج تقل بس ماتزيدش وربنا يوفقك للاصلح واي استفسار انا تحت امرك

شكرا جدا لردك يا فندم وزوقك ربنا يباركلك بس كل المواتير المونيوم؟؟ 1600-1800-1800 تربو ولا ال 1800 تربو بس ؟؟؟ ومافيش حاجه قدامك حاله نضيفه كامله اتوماتيك وفتحه سقف 1800 عادى ؟؟؟

المشاركة الأصلية كتبت بواسطة hmdapas

السلام عليكم
ارجو الافادة معايا باسات موديل 1999 موتور 1600 مانيوال كنت عملت بيها حادثة والحمد لله جبت كل حاجة بس في بلية في الموتور اللى بتركب فيها عصاية الفتيس الكرنك مش لاقيها
يا ريت لو حد يعرف يدلنى او لو في بديل
وجزاكم الله خيرا

يا ريت اى حد يرد عليا من الاخوة المسجلين ومنسق القسم ولكم جزيل الشكر

لقيت طقم مقصات جديدة تركى ب 1500 جنيه دا ايه نظامه و فى طقم تانى 3800 جنيه المانى ضمان 5 سنين و سمعت ان فى طقم ب 1200 جنيه يا ريت اصحاب الخبرة فى انواع المقصات الجديدة و انواعها يعرفونا اخبارها ايه و الاسعار و الانواع لتعم الفائدة

سلام عليكم
انا معايا بورا موديل 2000 تكيفها climatronic و كان شغال زي الفل مره واحده كده لاقيته مابيسقعش و كمان اما اجي ادور العربيه يفضل ينور و يطفي كل العلامات لمده 20 ثانيه ممكن حد يساعدني و يقولي ايه المشكله؟

المشاركة الأصلية كتبت بواسطة alzelafy

لقيت طقم مقصات جديدة تركى ب 1500 جنيه دا ايه نظامه و فى طقم تانى 3800 جنيه المانى ضمان 5 سنين و سمعت ان فى طقم ب 1200 جنيه يا ريت اصحاب الخبرة فى انواع المقصات الجديدة و انواعها يعرفونا اخبارها ايه و الاسعار و الانواع لتعم الفائدة

انا سالت قبل كده هنا قالولي هات الماني اضمن

mafesh 7ad 2odamo passat l el be3 :D ?

المشاركة الأصلية كتبت بواسطة khaled said

mafesh 7ad 2odamo passat l el be3 :d ?

في واحده في المنيا موديل 2000 اوتوماتيك بس معرفش عنها غير كده كانت معروضه في معرض علي ٧٠ الف هحاول اوصل لرقم صاحبها و ابلغك

Rabina y5alek :D bas b3eda awi el menya d :D ana 3ayz 7aga hena fi cairo :D alf shokr 3moman