قلق بعد الحجز

**dentist_ihab** · 15-01-2014 10:44 PM

السلام عليكم
يا جماعه انا دلوقتي نويت اشتري الصني الشكل القديم اوتوماتيك من شركة ناشيونال موتورز ..معرض مكرم عبيد.دول اقرب ناس لينا و كمان سعرهم اقل سعر
دفعت حجز 1000 ج من اسبوعين وكان قالي الاستلام بعد يومين و بعدين قالي اخر الاسبوع
وبعدين قالي لا لسه كمان اسبوع.، واناهرده قالي اخر كلام الاتنين الجاي
حد يعرف ايه سبب التاخير خصوصا اني ملاقتهاش في سمير ريان و السبع قالي بعد اسبوعين واغلى 1000 ج؟ وانتو شايفين اقلق ولا ده عادي

**hatahet** · 15-01-2014 11:18 PM

يا باشا دا عادي انا لما جيت استلم اتاخرت اسبوعين و كنت دافع 10.000 حجز فنشيونال يونيون النزهه و دا لان في معارض بتبقي مشتريا باوفر برايس و دول بيستلموا بدري شويه علي حسب السعر
شغل بلدنا بقي

**dentist_ihab** · 15-01-2014 11:49 PM

الفكره ان دول كل شوية ياجلو ..مداليش معاد محدد بعد اسبوعين

**edodahab** · 16-01-2014 12:05 AM

حصل مع ناس كتير للأسل مفيش احترام ولا التزام

**dentist_ihab** · 16-01-2014 12:27 AM

لما كنا فالكويت ..بتستلم العربيه بعديها ب 3 ايام بالظبط ..طول الوقت ونا خايف من تجربة شراء سيارة من مصر

**hatahet** · 16-01-2014 12:37 AM

يا باشا تتكون انت اكيد واخد ايصال بالألف جنيه الحجز و مفيش قلق اصلا هو بيبقي تأخير بسبب شغل المصالح للمعارض اللي بتتبع يتوفر برايس فمتقلقش نفسك و خير ان شاء الله

**ibrahimsaad** · 16-01-2014 04:12 PM

مفيش مشكله طالما معاك وصل بالمقدم

انا اشتريت من معرض باوفر برايس ومع ذلك لم استلم الا بعد اسبوع

**dentist_ihab** · 16-01-2014 06:53 PM

كل شوية يبرروا بطريقة مستفزة جدا..حتى مش يتصلوا يعتذروا لا انا اللي لازم اتصل.و كل مره مبرر مختلف..بجد اخر فرصة لهم الاتنين بعد كده هسحب فلوسي

**jojojojo** · 17-01-2014 01:09 AM

انا قعد 3 شهور وفي الاخر غيرت الموزع ورحت لموزع تاني وكنت دافع 10000 مقدم متقلقش هي بتتاخر شويه بس نصيحه مني العربيه تستحق الانتظار وهي انسب اختيار مع الاسعار اللي بنشوفها دلوقتي وان شاء الله تستلم علي خير

**dentist_ihab** · 17-01-2014 03:15 AM

المشاركة الأصلية كتبت بواسطة jojojojo

انا قعد 3 شهور وفي الاخر غيرت الموزع ورحت لموزع تاني وكنت دافع 10000 مقدم متقلقش هي بتتاخر شويه بس نصيحه مني العربيه تستحق الانتظار وهي انسب اختيار مع الاسعار اللي بنشوفها دلوقتي وان شاء الله تستلم علي خير

انا اقدر ادفعلهم الل هما عاوزينو بس يدوني معاد محدد خصوصا معاد السفر 29 ..انا خلاص حطيت المبلغ ده للعربيه و ده الفائض معايا معنديش استعداد اني ااجل تاني او اشيل الفلوس فالبنك..وانا الحمدلله اقدر اشتري عربيه اغلى من كده بس انا رايي بلاس عربية غالية فمصر ..
حتى انا محددلله 4 الوان اي لون فيهم انا موافق علية مش زانقهم خالص