الموضوع: بعيداً عن السيارات - عايز افك شوية فى الكلام

صديقي المواطن
قولا واحدا
وتعظم في عين الصغير صغارها
وتصغر في عين العظيم العظائم

وحضرتك إنسان عظيم وبصفتي بعتبر نفسي من أكثر الناس اللي شافت مصايب في حياتها من الفقر إلى الغنا إلى وقف الحال إلى التهجير إلى رؤية أقرب الناس إليك تذبح في الشوارع إلى ألوف الجثث في المشارح ولكثرتها وضعوا شاشة سينما داخل المشرحة ومشاكل الديون وزواجات وخطوبات تفشل ولكن قولا واحدا كله بيعدي وحط ورا ظهرك ومتفكرش حتلاقيها لوحدها إتعدلت وإتحلت ومش حنتكلم عن إيمانك بالله ﻷنه جيد وكمان مش قادرين نتدخل نتدخل بينك وبين والدتك ولكن أنا واﻷخ الرفيق الشيخ خالد وهو زميلنا هنا في المنتدى وإمام مسجد وقور ممكن نجيلك البيت ونخش طرف وسط وناصح ﻹصلاح ذات البين بينك وبين أهلك وكمان
بالنسبة لمرض أختكم فالمؤمن مبتلى ومصاب وربك أعرف بحالها وهو له حكمة بذلك
هذا على مستوى المواساة
أما على المستوى العملي أنا أقدر أخدمك بالتالي

أولا عربيتك اللي مش قادر تظبطها سيبهالي وأنا أي حاجة تخص السمكرة والبوهية والسروجي والكهربائي والعفشجي فملكش دعوة أنا حعملهالك بلاش ولما تبيع أو ترتاح ناديا سد براحتك ومش حناخد منك ربع جنيه زيادة قولا واحدا ولو مش عايز تسدد فأنا بفك كربة أخ مسلم فمش تشيل همي
ثانيا اﻷخ اللي ليه عندك 7500 جنيه ده حوله عليا ملاكش دعوة أنا حتفاوض معاه وأسكته عن الدين ده وأنا كفيل بيه وأظبط حياتك وحط الدين ده بيني وبينك آخر حاجة

وده اللي أنا أقدر أقدمهولك إضافة لجهدي المشترك مع الشيخ خالد في إصلاح ذات بينكم
فأعذرني على تقصيري كنت أتمنى أن أكون كما كنت سابقا كنت لم أدعك تنام هذه الليلة إلا وكل همومك في خبر كان
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

أسأل الله العظيم رب العرش العظيم أن يفك كربك ويقضى عنك دينك ويريك فى أهلك وحياتك ما يسرك

وهأكد على كلام الشباب قبلى رضا الأم حتى لو هى غلطانة لأن دعوتها هى اللى بتفتح كل الأبواب المغلقة وربنا يسمعنا عنك خير قريبا جدا ان شاء الله