برجاء المساعدة العاجلة

**hossam1984** · 18-02-2014 02:49 PM

السلام عليكم
ازيكم يا رجالة الاوبل
عشان مااطولش عليكم
معروض عليا عربية مواصفاتها كالتالى
اوبل فيكترا موديل 99 1600 سى سى الموتور الاسود ماشية 147 الف كيلو كانت مرفوعة 5 سنين وتعمل فى مجال السياحة جنوط اسبور .. زينون .. مانيول معمول لها الصيانة الدورية
العربية من جوه فابريكة ومن بره فابريكة لكن الاكصدامات وبعض الخدوش مرشوشة بما لا يتعدى 15 % من دهان العربية يعنى جزء فى رفرف اكصدام خدش فى باب كده يعنى ..
الاكصدامات حالتهم مش قد كده يعنى ممكن يحتاجوا تغيير باستيراد مستقبلا ... العربية فيها رخصة سنة ... العربية صاحبها مشتريها ب 53 الف من كام شهر وهو صديق ليا وصرف عليها كالتالى
تغيير قواعد موتور .. قربة مياه .. موبينة ... ايه بى اس .. 2 كاوتش وبطارية ... طقم دبرياج كامل لوك الاصلى ... طلمبة باور وخرطوم باور ..
العربية لا ينقصها شىء سوى شحن التكييف وصاحبها قالى لو احتاج اكتر من الشحن انا متكفل بيه ولو اخدت العربية وظهرت فيها حاجة انا ملزم بيها .. لكن مافيهاش بارومة ولا اى شىء وكبس الموتور 10 على 10
صاحب العربية صديق ليا من زمان وبيقولى انا هديهالك على 50 الف ... مع العلم ان دى اول عربية ليا لانى لسه هطلع رخصة الشهر ده
هل السعر ده مبالغ فيه ... وهل اشترى دماغى وابعد عن الاوبل ولا ايه النظام ؟؟؟؟

**haisam ali** · 18-02-2014 02:58 PM

السعر ممتاز ...... بس موضوع انها اول عربيه ليك دى صعب شويه ..... وبرضه هتستنى آراء الزملاء

**بيشوى_رمزى** · 18-02-2014 03:24 PM

السعر كويس بس لو تقدر تنزله واحد او اتنين يبقى تمام
لو حالتها حلوه هتريحك لكن لو انت بتحب تغير بعد شوية الاوبل تقيل فى بيعة شوية عن الكورى

**halimo** · 22-02-2014 11:39 AM

السعر ممتاز بالنسبة لانها بره وجوه وان صاحبك ضامنهالك ، وصعب .....لانك اول مره تطلع رخصة وتسوق المانى وسيدان يعنى حجمها كبير وحاجة العربية غالية لاقدر اللة خلى بالك منها ومن نفسك وده نصيحة من ناس خبرة خايفيين عليك مش اكتر وبالتوفيق.