طريق واحة سيوة

**abou_ruqi** · 15-10-2008 04:30 PM

المشاركة الأصلية كتبت بواسطة Islam_galal

شكرا يا رجالة
هي عايزة طلعه جماعيه

لا بالعكس كل ما قل العدد كل ما كان آحسن بكتير سيوة مش عاوزة لمة سيوة مكان للاستمتاع بالهدوء

**abou_ruqi** · 15-10-2008 04:32 PM

المشاركة الأصلية كتبت بواسطة islamnabil

طيب ياترى ايه هو انسب وقت للذهاب
يعني في شهور كام بيبقى الجو حلو

لو عندك رطوبة في جسمك او روماتزم لا قدر الله وحتروح سياحة علاجية يبقي تروح ٧ و ٨ علشان هما دول شهور الحمامات الطينية

آما لو عاوز سياحة روح من آول ١٥ آكتوبر لحد آخر فبراير غير كده الحر حينكد عليك قوي

**Islam_galal** · 15-10-2008 04:33 PM

طلعة عربيات عشان الطريق
انما ممكن يبقي كل واحد في حاله هناك

**kero25** · 15-10-2008 04:45 PM

يعنى حضرتك تفضل كليوبترا او الكيلانى او نيوستارز او عروس الواحة افضل من يوسف
طيب حضرتك نزلت فى انهى واحد وانهى احسنهم والاسعار اية
وبالنسبة الليل هناك اية ظروفة
والجو سقعة بلليل

**kero25** · 15-10-2008 04:55 PM

اه حاجة تانى معلش بلنسبة لموضوع السفارى فى حد معين حضرتك طلعت معاه كويس نطلع معاه عشان نروح بير واحد ومناطق سفارى الاخرى
شكرا تعيت حضرتك معنا

**amr mokhtar** · 15-10-2008 09:49 PM

بالنسبة للإقامة إحنا روحنا فندق (ريم الواحة) و ده قريب من عين كليوبترا
و خدنا تقدر تقول شقة يعنى كنا قاعدين فيها 6 افراد و كل واحد على سرير كانت ب 300 جنية فى الليلة شاملة الفطار
و بقيت الناس قعدوا فى غرفة منفصلة عشان كانوا أسرة و تقريبآ كانت 250 جنية فى الليلة

لما إحنا رحنا كان الجو الصبح حر بس محتمل جدآ و بالليل كان بيسقع شوية بس الهواء كان رائع

و انا هحاول أجيب تفاصيل أكتر لإن كانت دى اول مرة و كان فيه معانا ناس فاهمة الموضوع اكتر
بصراحة انا كنت بدفع بس و هم يتصرفوا:k46:

**kero25** · 16-10-2008 09:39 AM

شكرا يا باشا ومستنى بقيية المعلومات

**AlmAhAtmA** · 16-10-2008 11:18 AM

من امتع اوقات الرحله هيه التحضير للرحله نفسها

شويه لينكات لمواقع تتكلم عن سيوه ممكن تفيدك جدا

http://www.minamar.com/siwa-oasis-tours.html
http://www.siwaparadise.com
http://www.haberlah.com/hosted/siwa/index.html

و يا ريت لو تقدر تجيب كتاب لونلي بلانت ايجيبت فيه كل حاجه عن كل مكان بالتفصيل انا حريص اني اجيب احدث اصدار كل كام سنه بعد ما اتوقفت عن الكتابه فيه

بالنسبه لو كنت طالع بعربيه واحده ما فيش اي مشاكل
انت اوصل مطروح و ريح شويه و مون و بعد كده اقف علي اول الطريق و امشي ورا اي عربيه طالعه سيوه

اتمني لك رحله سعيده

**kero25** · 16-10-2008 03:20 PM

ربنا يكرمك
شكرا

**abou_ruqi** · 16-10-2008 03:32 PM

المشاركة الأصلية كتبت بواسطة kero25

يعنى حضرتك تفضل كليوبترا او الكيلانى او نيوستارز او عروس الواحة افضل من يوسف
طيب حضرتك نزلت فى انهى واحد وانهى احسنهم والاسعار اية
وبالنسبة الليل هناك اية ظروفة
والجو سقعة بلليل

بص كلها فنادق فقايري وعلي قد دمها انما انا حبيت النخيل دمه خفيف و الفندق ده صحابه عاملينه لوجه الله يعني ارباحه بتروح للارامل و الايتام

واللي كمان مريح نفسيا نيو ستارز

الباقي عادي
اما للجو مش بيكون سقعة غير بعد نص الليل في الصحراء و بما آن الحكومة منعت البيات في الصحراء و بما آنك حتنام بدري غصبا عنك لان مافيش حاجة تعمل ، فانت معندكش مشكلة سقعة خالص

الموضوع: طريق واحة سيوة

LinkBack

أدوات الموضوع

عرض

-

-

-

-

-

-

المواضيع المتشابهه

واحة عمر ولا كنترى كلوب

واحة سيوة

حد راح واحة سيوة قبل كده

الإستفسار عن طريق سيوة

أفضل طريق من المنصورة الي واحة عمر علي طريق القاهرة اسكندرية الصحراوي

الكلمات الدلالية لهذا الموضوع

المفضلات

المفضلات

ضوابط المشاركة