انا عايز اسافير سيوة انشاء الله بس عايز اعرف اقرب طريق بلعربية ازاى وهل لاحد اى معلومات عنها
عرض للطباعة
انا عايز اسافير سيوة انشاء الله بس عايز اعرف اقرب طريق بلعربية ازاى وهل لاحد اى معلومات عنها
والله اعلم من مطروح بيبتدى طريق الواحات :)
إيه يا جماعة محدش راح سيوة قبل كده
انا برضه عايز أعرف إيه أخبار الطريق و هل فيه ملفات و جامدة و لا لأ؟
و البنزين متوفر على الطريق و لا إيه النظام؟؟
يا ريت حد يفيدنا :)
هو انا لو اخدت زمايلي وطلعنا هناك كده بدون حجوزات ولا يحزنون .. نعرف نظبط الليلة ولا هتبقا نكد ؟!
والله انا ناوى اعمل كدا زيك وهطلع من غير تظبيت بس انا دورت شوية فى النت لقيت ان الحاجة هناك رخيصة من سكن واكل كدا واحلا شهر هناك شهر 10 عشان بيكون موسم جمع البلح بيكون فية افراح وموالد وكدا انا ناوى إن شاء الله لو ربنا اراد هطلع على اخر 10 بس بشوف حد عندوه معلومات عنها عشان انا سمعت ان فى طربق مختصر من القاهرة لسيوة مسفته 400 ك بس عايز اتاكد من المعلومة
ياريت لو وصلت لاي معلومات تقول لنا عشان الموضوع يبقى مرجع للي عايز يروح سيوة
انا إن شاء الله هطلع يوم 22 ولما ارجع هقول على كل التفاصيل إن شاء الله
أنا مطلعتش قبل كدهبس جمعت معلومات بسيطة عن مخاكر الطريقهو تقريبا 200كم بعد مطروحالوصلة من مطروح لسيوه ليس عليها خدمات علي الاطلاق، اللهم الا كافيتريا فقيرة جدا و شبكات المحمول بتفصل كتير علي الطريقأعتقد كده علي الأقل سيارتين معا في السفر لأن واحدة حتبقي مخاطرة كبيرة خصوصا لو فيه ستاتو الله أعلم
الحمد لله انا كنت لسه فى سيوة من حوالى إسبوع كده و هحكي شكل الطريق
الجزء الأول
إحنا إتحركنا من الإسكندرية بعد صلاة الفجر مباشرة و كان معانا عربيتين
الطريق من الإسكندرية لمطروح حوالى 300 كم الطريق كويس مفيش فيه ملفات خطر لكن بعد مارينا ممكن تلاقى كام نقرة فى الأرض
الجزء التانى
الجزء الأهم من الرحلة و اللى يقلق هو طريق سيوة
سيوة تبعد عن مطروح تقريبآ300 كم (مطروح فى النص) الطريق عبارة عن حارة رايح و حارة جاى أحيانآ بيبقى ضيق شوية لدرجة انك تحس ان العربية اللى بتعدى من جنبك بتبقى قريبة اوى...لكن هو أصلآ كل فين و فين لما بتلاقى عربية معاك فى السكة
بعد 30 كم من بداية الطريق فيه منطقة عمل يعنى الطريق فى الحتة مش متسفلت عبارة عن رمل و زلط فطبعآ لازم تاخد بالك لإن بيبقى فيه طوب مرمى و الجزء المكسر ده حوالى 14كم
بعد كده الطريق حلو و مستقيم معظم الوقت و ملفاته كويسة
بالنسبة للخدمات فهو مفيش عليه اى حاجة و لا محطة بنزين و لا غيره عشان كده إحنا ملينة جركنين بنزين كل واحد 10 ليتر للأمان يعنى
جوة سيوة فيه محطة بنزين و فيها بنزين 92 كمان
و إحنا راجعين طلعنا على الطريق بالليل - بصراحة الطريق كان كئيب جدآ و نصيحة بلاش حد يطلع عليه بالليل لإن لا قدر الله لو العربية عطلت او حتة عجلة نامت الدنيا بتبقى كحلى بمعنى الكلمة
و برضه بلاش تطلع بعربية واحدة يستحسن يكون فيه أكتر من عربية عشان الونس برضه
بس بجد سيوة تستاهل .. فعلآ جنة بجمالها و ناسها اللى تحس فيهم الطيبة
تعمل فينا معروف و تحط صورة من علي خرائط الجوجل
- طريق سيوة منين من مطروح ، يعني قبل دخول مطروح و لا من جواها؟
- موضوع شبكة المحمول علي طريق سيوه أخباره إيه
- و ياريت الاسعار كمان بالمرة
معلش حانتعبك شوية
انا لسه كنت هناك في العيد طلعت بعربيتي من اسكندية بعد الفجر وصلت الفندق الساعة ١٢
الطريق كويس مع عدا الحتة اللي بيصلحوها الكيلو ٣٠ زي ما قال الاخ الكريم
لازم تدخل مطروح علشان تمسك الطريق وكمان علشان تمون بنزين انا يا دوبك التنك كفاني لحد سيوة
الطريق في نهاية شارع سوق ليبيا الشارع اللي فيه عمر افندي اللي بيوازي الكورنيش وده اكبر شارع بعد شارع اسكندرية
في حاجة مهمة قوي الطريق ده بدايته هو نفسه طريق السلوم فلو ما اخدتش بالك من اللفة حطروح في خبر كان و حنجيبك من ليبيا :)
الفنادق المعقولة هناك
كليوباترا ٠١٠٣٣٤٠٧٨٤
الكيلاني ٠٤٦٤٦٠١٠٥٢ مكيف
نيو ستارز ٠١٠٢٩٥٧٩٢٦ هو مطعم و ملحق بيه شاليهات واكله ممتاز ممتاز ممتاز
عروس الواحة ٠٤٦٤٦٠٠٠٢٨
شبكة فودافون تعمل في كل مكان هناك ما واجهتش اي مشكلة حتي لما طلعت سفاري في الصحرا والله آعلم بالشبكات التانية لان كان كلنا فودافون
اخيرا الطريق من اسكندرية لمطروح ٢٨٠ كيلو ومن مطروح لسيوة ٣١٥ ومفهوش اي خدمات لا كاوتش و لا ميكانيكي ولا بنزين طبعا فمحدش يطلع بعربية نص نص
حد عاوز حاجة تانية ؟؟؟
ياسلام بقى لو الناس اللي راحت تقول لنا على التكلفة وشوية تفاصيل كدده
يعني الفنادق اسعارها ايه
و الانشطة اللي هناك ايه و تكلفتها كام
الواحد يعمل حسابه ان الرحلة تكون كام يوم
عشان الواحد يكون عنده تصور كامل للرحلة و يكون الموضوع ده مرجع لسيوة
جزاكم الله خيرا
مية مية الموضوع ده و في انتظار ردود اللي جربوا الطريق قبل كدة
يحكولنا بالتفصيل عن كل شئ في الرحلة
فندق عروس الواحة الغرفة الدبل بحمام داخلي ٥٠ جنية لليلة يضاف ١٠ جنية للفرد لو عاوز تفطر و منصحكش ، عليك و علي مطعم عبده اللي في السوق حتلاقي كل الناس بتفطر هناك الصبح
فندق كليوباترا نفس الاسعار
فندق النخيل اللي بنزل فيه ب ٧٥ الليلة (انا بنزل فيه علشان التواليتات انضف )
الانشطة هناك آهم حاجة تعمل سفاري و تروح بير واحد والعين البارة وده بالجيب تكلفة الفرد في الموسم ١٠٠ جنية وفي غير الموسم ٧٠
ممكن تروح عين كليوبترا و عين آبو شروف وتطلع جبل الموتي و جبل الدكرور وتزور معبد آمون وقاعة تتويج الاسكندر وتروح بحيرة سيوة وتشوف فطناس وتطلع مدينة شالي الاثرية
وكل ده ببلاش
آهم حاجة تكون دايما لابس مايوه لآنك مش حتمسك نفسك و حتنزل في كل دول
فما فيش تكاليف خالص
ووانت راجع تاخد معاك زيتون آخضر فظيع وزيت زيتون بكر تحفة
وتدعيلي
اه ياريت انا مسافر إن شاء الله كمان اسبوع ياريت اعرف اعدتوة اد اية هناك وهى محتاجة كام يوم عشان تستمتع هناك
وبعدين سفارى بتتكلف كام وفيها بيات ولا لأ ولو حد معاه نمرت حد هناك كويس ياريت عشان انا نفسى بجد اروح من زمان وبظبيط من بدرى عشان مش عايز يحصل حاجة هناك
انا من القاهرة وسمعت انك ممكن تروح عن طريق الفيوم اقرب من مطروح الكلام دة صح ولا لأ
وسمعت ان فى فندق هناك كويس اسمة يوسف ولا حضرتكوا يا ( ruqi) & ( karim ) اعتدوه فين هناك وأديتوة وقتكوا هناك ازاى واية اخبار الاكل هناك رخيص ومتوفر ولا ظروفة اية
والصبح اية ممكن يتعمل واية بليل ممكن يتعمل
اسف على الاطالة بس بجد عايز اعرف اكبر معلومات عشان بس تكون رحلة كويسة ومتظبطة صح
كنت بقلب في المتدى لقيت الموضوع ده
با ريت يفيدك
http://www.nilemotors.net/Nile/showt...t=%D3%ED%E6%C9
شكرا يا رجالة
هي عايزة طلعه جماعيه
طيب ياترى ايه هو انسب وقت للذهاب
يعني في شهور كام بيبقى الجو حلو
اه عارف فندق يوسف وهو نظام عمارة فيها غرف مش نظام شاليهات في جنينة نخيل زي نيو ستارز آو النخيل و آنا بافضل النوع التاني آكتر
آعتقد تلاتة آيام و ثلاثة ليالي معقول قوي للاقامة
اما موضوع البيات في الصحرا ، فالحكومة لغت الموضوع ده وهدمت الكامبات اللي كانت في بير واحد (يا خسارة كانت تجربة حلوة قوي وايام جميلة)
نسيت آقول لكم ان السواق اللي حيطلع بيكم سفاري (السفاري بيبدآ بعد العصر الي ما بعد العشا) حيلم البطاقات الشخصية من الصبح علشان يروح بيها لحرس الحدود و يطلع تصاريح دخول لصحرا والتصاريح دي معدش مسموح فيها بالبيات ولازم السواق يرجع للجيش بعد العشا و يدلهم تمام
آخيرا لا آعتقد ان في طريق متسفلت بيربط سيوة بآي محافظة في مصر غير طريق مطروح وعندكوا جوجل ايرث بصوا واتاكدوا
آهم حاجة في رحلة سيوة
١- البنزين
٢- آوف بتاع الناموس (علي فكرة علشان الدبان آكتر)
٣- تتصاحب علي سيويين لآنهم ناس زي العسل
لو حققت التلات حاجات دول حتقضي اجازة سعيدة
ها؟ آي آسئلة ؟
طلعة عربيات عشان الطريق
انما ممكن يبقي كل واحد في حاله هناك
يعنى حضرتك تفضل كليوبترا او الكيلانى او نيوستارز او عروس الواحة افضل من يوسف
طيب حضرتك نزلت فى انهى واحد وانهى احسنهم والاسعار اية
وبالنسبة الليل هناك اية ظروفة
والجو سقعة بلليل
اه حاجة تانى معلش بلنسبة لموضوع السفارى فى حد معين حضرتك طلعت معاه كويس نطلع معاه عشان نروح بير واحد ومناطق سفارى الاخرى
شكرا تعيت حضرتك معنا
بالنسبة للإقامة إحنا روحنا فندق (ريم الواحة) و ده قريب من عين كليوبترا
و خدنا تقدر تقول شقة يعنى كنا قاعدين فيها 6 افراد و كل واحد على سرير كانت ب 300 جنية فى الليلة شاملة الفطار
و بقيت الناس قعدوا فى غرفة منفصلة عشان كانوا أسرة و تقريبآ كانت 250 جنية فى الليلة
لما إحنا رحنا كان الجو الصبح حر بس محتمل جدآ و بالليل كان بيسقع شوية بس الهواء كان رائع
و انا هحاول أجيب تفاصيل أكتر لإن كانت دى اول مرة و كان فيه معانا ناس فاهمة الموضوع اكتر
بصراحة انا كنت بدفع بس و هم يتصرفوا:k46:
شكرا يا باشا ومستنى بقيية المعلومات
من امتع اوقات الرحله هيه التحضير للرحله نفسها
شويه لينكات لمواقع تتكلم عن سيوه ممكن تفيدك جدا
http://www.minamar.com/siwa-oasis-tours.html
http://www.siwaparadise.com
http://www.haberlah.com/hosted/siwa/index.html
و يا ريت لو تقدر تجيب كتاب لونلي بلانت ايجيبت فيه كل حاجه عن كل مكان بالتفصيل انا حريص اني اجيب احدث اصدار كل كام سنه بعد ما اتوقفت عن الكتابه فيه
بالنسبه لو كنت طالع بعربيه واحده ما فيش اي مشاكل
انت اوصل مطروح و ريح شويه و مون و بعد كده اقف علي اول الطريق و امشي ورا اي عربيه طالعه سيوه
اتمني لك رحله سعيده
ربنا يكرمك
شكرا
بص كلها فنادق فقايري وعلي قد دمها انما انا حبيت النخيل دمه خفيف و الفندق ده صحابه عاملينه لوجه الله يعني ارباحه بتروح للارامل و الايتام
واللي كمان مريح نفسيا نيو ستارز
الباقي عادي
اما للجو مش بيكون سقعة غير بعد نص الليل في الصحراء و بما آن الحكومة منعت البيات في الصحراء و بما آنك حتنام بدري غصبا عنك لان مافيش حاجة تعمل ، فانت معندكش مشكلة سقعة خالص
ههههه
يارب ميكون فى مشاكل ساقعة ولا سخنة
طيب يا رجالة ..
حد عنده استعداد يظبطلنا رحلة لسيوة ؟؟
حضرتك معاك رقم لفندق النخيل نكلمة
واسعارة اية؟
دي أغبى حاجة عملتها الرحلة اللي فاتت , إني نزلت في فندق ونسيت أخد رقم تليفونه
أصلي أنا محجزتش من اسكندرية فيه ,
أنا كنت حاجز في عروس الواحة وبيتنا فيه ليلة ومعجبش مراتي علشان التواليتات مش نضيفة (انا مبتفرقش معايا أنا واخد على الكامبات وعيشة الكشافة والمجندين) فواحد معرفة من أهل سيوة جابلي أوضتين في فندق النخيل ده لأني رغم إني بروح كتير إلا إني مكنتش أعرفه
إن شاء الله أكلملك حبايبنا السيويين يجيبلوك أرقام الفندق
وسعر الغرفة الدبل 75 بدون فطار (معرفش بكام لو بفطار)
وفيه شيشة كمان لو تحب
شكرا على المعلومات الجميلة دية من حضرتك
انا وصلت لرقم فندق النخيل
046/4601703
او
046/4600006
إحنا كنا عايزين ننزل فيه بس ملقيناش حجز فرحنا ريم الواحة بس نسينا ناخد رقم تليفونه
تمام يا باشا شكرا على تعبك
طيب ياشباب بلاش قصة لاعربية
محدش يعرف اتوبيسات سوبر جيت برتوح هناك
او مثلا شركة بتطلع رحلات لهناك
أظن ده هيكون أأمن شوية و مش مشكلة لو اغلي