الموضوع: استفسار بخصوص كليو 2005

السلام عليكم ...

انا طبعا لسه جديد فى المنتدى هنا بس بضراحة قريت كام موضوع فادونى جدا

انا لسه مشترى رينو كليو 2005 1400 سى سى المهم فيه كام استفسار عندى

اولا : انا عايز اركب اسكاترا يا ترى اشتريها مينين ومين احسن ميكانيكى ممكن يركبها عشان فيه ناس اشترت اسكاترا وبعد كام شهر الباور قفش وغيروها تانى وياريت حد يقولى سعرها يتراوح من كام لكام ؟

ثانيا : عندى الباب الخلفى الكلون بتاعه مكسور وعايز اشترى واحد ممكن اجيب كلون منيين وميكونش صينى وسعره كام برضه ؟

ثالثا: انا عندى مؤشر الحرارة والبنزين بيهيسو يفضلو يطلعو وينزلو يعنى مؤشر البنزين مثلا اول لما اشغل العربية بيبقى فى النص بعده كده ينزل شرطة او اكتر وبعدين لما امشى يطلع شوية وهكذا هل ده عادى عشان تدفق البنزين ولا ايه ؟ ومؤشر الحرارة ممكن يزيد عن النص بكتيير ممكن يوصل للاخر وينزل على طول للنص فى ثانية مع العلم ان المروحة شغالة تمام يعنى يا ترى المشكلة من ايه ؟ وايه حلها

معلش انا عارف انى سألت اسئلة كتير اوى بس ياريت اللى يعرف ما يبخلش عليا بالاجابة وشكرا مقدما للجميع

بص يا باشا في ناس متخصه في الرينو في منطقه صقر قريش المعادي علي الاوستوراد
في هناك محلات عندها قطع الغيار دي والكاوالين دي والباب كلو استيراد
وفي واحد تخصص للبور بيع واصلاح وتركيب اسمو (دياب ) معروف هناك
وفي كهربائي جنبه اسمه ( عادل ) خليه يكشف علي الحساسات الحراره ولو عاوز يكشف كمبيوتر كمان مش غالي