تجربة قيادتي لهوندا اكورد 2013 + مواصفات + صور

**Hunting_Eagle** · 21-01-2014 12:07 PM

المشاركة الأصلية كتبت بواسطة swimmer25

تحياتي ليك مقدما إنت اللي راجل زوق
موضوع اللعب من ورا دا أكيد بسبب المساعدين الخفيفة اللي بتنزل في المازدا وهتحسه لو فيه مطب هوا أو عملت غرزة علي سرعة غير كدا العربية هتمشي معاك تمام
موضوع الهواء دا بسبب إنك بتكون ماشي بسرعة...في الأكورد مش بتلعب من ورا لأني زي ما قلتلك أنشف ولكن علي سرعة 140 بحس إن الهوا بيزقها خفيف

ال stabilizer دا ببساطة عبارة عن عمود واصل بين العجلتين اللي قدام وعمود تاني بين العجلتين اللي ورا ولما العربية بتميل وإنت بتاخد ملف...ال stabilizer بيعمل علي إن العجل الداخلي للملف بدل ما يترفع لفوق بسبب ميل العربية للخارج ...يكلبش في الأرض..وكل ما يكون ال stabilizer أتخن كل ما يدي ثبات أعلي
في الهوندا السيفيك الجديدة 2013 (2013 بتاعة الخليج مش مصر..اللي في مصر دي 2012 في الخليج)...ال stabilizer أتخن من الأكورد كمان وبالتالي ثباتها أكتر ونفس الأكورد في إنها ناشفة من ورا فبالتالي مش بتتمرجح
خلي بالك النشوفية معمولة بحرفية تخلي الركاب ميحسوش بيها فبتجمع بين الاتنين...ثبات ونعومة

فيه فرق كمان بين السيفيك 2012 (اللي هي 2013 في مصر) والسيفيك 2013
2013 ال stabilizer فيها أتخن أمامي وخلفي بالتالي ثباتها أحسن وبالتالي هتلاقي ال 2012 معمرتش لأن الناس إشتكوا منها ولأول مرة ينزل موديل جديد بعد سنة واحدة بس

فروق تانية تضاف بين أكورد 2013 ومازدا 6 2013 ..عدم وجود القضيب اللي بيمسك الشاسيه من فوق مش فاكر اسمه ايه !
والكبوت مالوش مساعدين زي الأكورد

شكرا على توضيح المعلومات

و طبعا الحق يتقال الأكورد الجديدة مالهاش منافس قوي .. مع ان على اليوتيوب الرفيوهات معظمها بتقول ان سواقة المازدا 6 2013 ممتعة عن الاكورد 2013 .. بس في المجمل فخامة و راحة و دلع في الأكورد

**Hunting_Eagle** · 21-01-2014 12:09 PM

المشاركة الأصلية كتبت بواسطة tamermegahed

تقرير ممتاز شكرا لمجهود

شكرا على ذوقك يا صديقي

**horas3000** · 21-01-2014 02:07 PM

المشاركة الأصلية كتبت بواسطة Hunting_Eagle

عندك حق

في اول 2013 روحت الغانم اتفرج على 316 .. كانت ب 9900 و كانت متنفضة ومنظرها يصعب على الكافر .. ولما حبيت اعمل سبيشل اوردر و اطلب بس زينون و ديكور خشب وستاير خلفية و جانبية سعرها عدي ال 320 بحوالي 500 دينار !!

هو بيبيع علامة bmw .. و غير كده بيعلم على المصريين اللي زي حالاتي اللي بيدوروا على حاجة 1600 ممكن يستفيد منها مستقبلا

غير كده الأكورد اهي بتقول بابا وماما و تحط في جيبك 100 دينار

على فكرة انا تقريبا قعدت معاك مرة على ليالي الحلمية .. في بنا صديق مشترك .. بنك وربة

:)

هههههه يا محاسن الصدف
هو الصراحه انا مش فاكر قوي عشان بنزل كل 6 شهور بس دلوقتي
و ان لله الحمد مصر جابتلي زهايمر مبكر
بس طالما ليالي الحلميه و رجاله بنك وربه يبقي الكلام صحيح :)

و طبعا متفق معاك في موضوع ال 316 و انا طبعا شفتها و خليت صديق ليا يجربها كمان و هي بصراحه متفرقش كتير عن اللي هنا في مصر اللهم الا هنا في تلات فئات بينهم تباديل و توافيق في شويه مواصفات عبيطه و عندك فئه واحده و اللي توازي ال exclusive هنا
و كانوا عملوا عليها عرض برضه اخر السنه و كلموا صديقي ده و خلوها 8800 برضه و طبعا العرض خلص لما موديل 2014 نزل

و زي ما قلت هو ده اللي مخليني الي حد ما متقبل سعر الاكورد و خصوصا بعد الخصم بينما هو الحقيقه و لو قارنته بمنافستها مش لقطه قوي

**Hunting_Eagle** · 23-01-2014 08:05 PM

المشاركة الأصلية كتبت بواسطة anxs111

المازدا امتع عربية في الياباني في القيادة وتكاد تكون عامله زي الأروبي من حيث الثبات والمناورة ...
الهوندا عربيه شيك بس فيها تحفظ يعني مش فاجرة ولا جريئة ...
أنا مستغرب من موضوع ثبات العربيه والمفروض ما تحكمش عليها وهيا وقفة لازم تست درايف للاتنين وتقارن بينهم ...
بس أنا طول عمري أحب المازدا أكتر ...

عندك حق طبعا

دي اكتر حاجة بتعجبني في مازدا .. سواقتها ممتعة وثباتها رائع

تحياتي