تجربة قيادتي لهوندا اكورد 2013 + مواصفات + صور

**horas3000** · 19-01-2014 02:43 PM

المشاركة الأصلية كتبت بواسطة zangry

هو الغانم خد التوكيل ده امتي !!

داخل علي سنه سنه و نص اهو
و لسه المطوع برضه بيبيع الهوندا و بينهم قواضي

**Hunting_Eagle** · 19-01-2014 05:43 PM

المشاركة الأصلية كتبت بواسطة swimmer25

سيارة روعة
معجبنيش في المازدا 6 إنها خفيفة من ورا (بتتمرجح شوية) بالتالي أكيد أقل في الثبات بس معرفتش أجربها بصراحة
المازدا الإستبن فيها حديد مش سبور عكس الهوندا
الأكورد عجبتني في الشكل الخارجي والداخلي أكتر من المازدا
مع إن المازدا هورس باور أعلي بس الإتنين تقريبا نفس التسارع (فئة الموتور ال 4 سلندر)

حضرتك بتتكلم على المازدا 6 الشكل الجديد ولا القديم ؟

**swimmer25** · 20-01-2014 08:38 AM

المشاركة الأصلية كتبت بواسطة Hunting_Eagle

حضرتك بتتكلم على المازدا 6 الشكل الجديد ولا القديم ؟

الشكل الجديد مازدا 6 2.5
لو شفتها تاني حاول تمرجحها وهي واقفة هتلاقيها بتروح وتيجي معاك..عكس الهوندا
تقرير رائع طبعا عن الهوندا وعلي فكرة هوندا سيفيك 2013 أكثر ثباتا من أكورد
وفيه فرق في ال stabilizer في الأكورد بين ال 4 وال 6 سلندر...ال 6 سلندر طبعا أتخن وبالتالي ال 6 سلندر سيدان وكوبيه بتدي ثبات أكتر

**horas3000** · 20-01-2014 11:57 AM

المشاركة الأصلية كتبت بواسطة hunting_eagle

منور الموضوع يا باشا

دي كانت نفس فكرتي عن الاكورد اول ما نزلت وخلتني قفلت منها اول ما نزلت لأني اول حاجة ببص عليها نوع المواد جوه صالون العربية .. لأني شوفت لها فيديوهات على اليوتيوب و كتير كانوا بيعيبوا على المواد المستخدمة فيها .. بس الفئة دي مختلفة جدا .. حتى الصور مش مبينة الجودة الحقيقية بتاعة الخامات ..

بالنسبة للسعر انا فاهم انها 6 سلندر .. انا كنان قصدي انها بتبدي من 5600 لأول فئة واخر فئة داخلة في 10000 .. يعني تقريبا ضعف السعر في نفس الموديل .. مع انها تستاهل بصراحة

ده نورك يا كبير
و متفق معاك في موضوع جوده المواد
ده حتي ناس كتير اعرفهم لما شافوها اقروا بنفس الموضوع و فضلوا عليها الكامري كمان
لكن اللي في الصور دي غير بصراحه و انا قادر اتخيل الجوده لان ليا صديق معاه الشكل القديم كوبيه و فيها نفس المواد و الخامات اللي في الصوره و العربيه ما شاء الله

و بالنسبه للاسعار فهما غالبا اتعلموا منا و بقوا ينزلوا من كل عربيه اكتر من طراز تجهيزي و بسعر مختلف يكاد يوصل الضعف زي ما قلت

بس ان جيت للحق بقي
سعر الاكورد ال 3.5 قبل الخصم هو نفس السعر ال 316
مع الفرق الشااااااسع في القوه و التجهيزات
و ده يمكن اللي مخليني متقبل السعر شويه و عاجبني خصوصا بعد الخصم

**Hunting_Eagle** · 20-01-2014 08:24 PM

المشاركة الأصلية كتبت بواسطة horas3000

بس ان جيت للحق بقي
سعر الاكورد ال 3.5 قبل الخصم هو نفس السعر ال 316
مع الفرق الشااااااسع في القوه و التجهيزات
و ده يمكن اللي مخليني متقبل السعر شويه و عاجبني خصوصا بعد الخصم

عندك حق

في اول 2013 روحت الغانم اتفرج على 316 .. كانت ب 9900 و كانت متنفضة ومنظرها يصعب على الكافر .. ولما حبيت اعمل سبيشل اوردر و اطلب بس زينون و ديكور خشب وستاير خلفية و جانبية سعرها عدي ال 320 بحوالي 500 دينار !!

هو بيبيع علامة bmw .. و غير كده بيعلم على المصريين اللي زي حالاتي اللي بيدوروا على حاجة 1600 ممكن يستفيد منها مستقبلا

غير كده الأكورد اهي بتقول بابا وماما و تحط في جيبك 100 دينار

على فكرة انا تقريبا قعدت معاك مرة على ليالي الحلمية .. في بنا صديق مشترك .. بنك وربة

:)

**swimmer25** · 21-01-2014 08:49 AM

المشاركة الأصلية كتبت بواسطة Hunting_Eagle

شكرا جزيلا على ذوقك

المازدا الجديدة ما جربتهاش .. اللي معايا ثباتها كويس جدا .. بس مع الهوا الجامد احيانا بحسها بتلعب من ورا مع السرعة

غريبة موضوع ثبات السفيك اللي احسن من الاكورد .. ده انا كنت حاسس ان السيفيك الجديدة مش كويسة زي الموديل اللي قبلها

ايه موضوع ال Stabilizer ده .. ياريت توضحه شوية .. اصل انا لاقيت الموديلات كلها نفس الطول و العرض و قاعدة العجلات

تحياتي

تحياتي ليك مقدما إنت اللي راجل زوق
موضوع اللعب من ورا دا أكيد بسبب المساعدين الخفيفة اللي بتنزل في المازدا وهتحسه لو فيه مطب هوا أو عملت غرزة علي سرعة غير كدا العربية هتمشي معاك تمام
موضوع الهواء دا بسبب إنك بتكون ماشي بسرعة...في الأكورد مش بتلعب من ورا لأني زي ما قلتلك أنشف ولكن علي سرعة 140 بحس إن الهوا بيزقها خفيف

ال stabilizer دا ببساطة عبارة عن عمود واصل بين العجلتين اللي قدام وعمود تاني بين العجلتين اللي ورا ولما العربية بتميل وإنت بتاخد ملف...ال stabilizer بيعمل علي إن العجل الداخلي للملف بدل ما يترفع لفوق بسبب ميل العربية للخارج ...يكلبش في الأرض..وكل ما يكون ال stabilizer أتخن كل ما يدي ثبات أعلي
في الهوندا السيفيك الجديدة 2013 (2013 بتاعة الخليج مش مصر..اللي في مصر دي 2012 في الخليج)...ال stabilizer أتخن من الأكورد كمان وبالتالي ثباتها أكتر ونفس الأكورد في إنها ناشفة من ورا فبالتالي مش بتتمرجح
خلي بالك النشوفية معمولة بحرفية تخلي الركاب ميحسوش بيها فبتجمع بين الاتنين...ثبات ونعومة

فيه فرق كمان بين السيفيك 2012 (اللي هي 2013 في مصر) والسيفيك 2013
2013 ال stabilizer فيها أتخن أمامي وخلفي بالتالي ثباتها أحسن وبالتالي هتلاقي ال 2012 معمرتش لأن الناس إشتكوا منها ولأول مرة ينزل موديل جديد بعد سنة واحدة بس

فروق تانية تضاف بين أكورد 2013 ومازدا 6 2013 ..عدم وجود القضيب اللي بيمسك الشاسيه من فوق مش فاكر اسمه ايه !
والكبوت مالوش مساعدين زي الأكورد

-

-

الموضوع: تجربة قيادتي لهوندا اكورد 2013 + مواصفات + صور

LinkBack

أدوات الموضوع

عرض

-

-

-

-

-

-

المواضيع المتشابهه

تجربة قيادة هوندا اكورد 6 سلندر 2013

حاجات عندى للبيع لهوندا اكورد 84 الى 89

قطع غيار نادره لهوندا اكورد

هوندا تعلن رسمياً عن اكورد 2013 بنسختيها السيدان والكوبيه

للبيع هوندا اكورد موديل 91 مواصفات خليجية

الكلمات الدلالية لهذا الموضوع

المفضلات

المفضلات

ضوابط المشاركة