الموضوع: إعجابي زاد باللون الأبيض

المشاركة الأصلية كتبت بواسطة dryousef

ربنا ييسرلكم كل عسير وتستلمو على خير
انا معايا موكا هاى لاين وعامل بيعا 500 ك ومركبلها مثبت سرعه والعربيه ما شاء الله جميله ومريحة خاصة فى السفر. والنتشه مش هاتحسوها بعد ما تاخدو على العربيه واستهلاك البنزين التفويله المره دى عملت 570 ك طريق سفر وشويه وسط اليلد وكنت مش بزود عن 120 وقليل جبت 130 و140 وكنت مستمتع بالسرعه دى . وبالى رايق ومبسوط ومعدل الاستهلاك على سرعه 120 مع مثبت السرعه 7.4 الى 7.7 وعلى 130 7.7 الى 8 لتر لكل 100 كم. وانا كنت لوحدى ومعايا شنطه خفيفه بدون تكييف.
المجمل العربيه جميله وهاتستمتعوا خاصة الهاى لاين.
بالنسبه بقى للى عايزين لفه.
اى حد عايز يجرب العربيه يكلمنى وانا والله تحت امره وبجد هازعل لو محدش طلب منى احنا اخوات واحبكم تكونو مطمنين قبل ماتشتروا وانا تحتت امركم ابعتولى على الخاص ونتفق ونتقابل ...على فكره انا ساكن فى نواحى االهرم

ربنا يخليك و يباركلك في العربيه.
اسمع كلامي اسحب عرضك الناس ما هتصدق و اولهم انا

المشاركة الأصلية كتبت بواسطة nonalaziza

هههههههههه ناقص تقولي هاي لاين من فرع وادي النيل.
انا حجزت موكا رغبه واحدة بس و مافيش لون الحمد لله معحبنيش لدرجه ان المندوب لو اتصل بيا هوافق علي اي لون.
بشكر اهتمام حضرتك هي مش كانت ظروف كان قرار لو خدته مش هينفع اشتري العربية بس قدر الله و ما شاء فعل. و هستمر في الحجز إن شاء الله بس لسه محدش كلمني.

هههههه ايوه هاي لاين و جنط 16 و خدي وقتك في الحقد بقا انا لسه مستلمتش

ربنا يقدم ليكي الخير و مبروك مقدما .. اما موضوع اي لون حيكلموكي عليه حتوافقي فده طبيعي و انا مريت بيه .. بس لما قالي عربيتك وصلت الجمرك .. قفشت و سألت علي اللون الموكا :)) و فعلا كانت اول رغبه و اتحددت ليا موكا
هو لون ظريف موجود علي ال bmw ( السياره القادمه ان شاء الله .) p:
و انا شفته في المعرض و شوفته بالنهار و بالليل و شفت العربيه و هي غرقانه تراب و اقتنعت باللون اكتر بصراحه :)