إعجابي زاد باللون الأبيض

**nonalaziza** · 18-01-2014 05:15 PM

كنت من شويه ع المحور اخر حته فيه اللي دايما زحمه و كنت مركزة ببص علي يميني لاقيت عربيه بيجو 301 ابيض بس ما شاء الله جميلة ربنا يحفظها يااااااااااااااارب.
بالرغم اني مش بفضل اللون دا علشان بحسه تاكسي بس بجد عجبني جدااا ماشاءالله.
كان نفسي اوقفه و اخد لفه منه لاني بجد عايزة اسوقها و اشوف موضوع النتشه دا.
عموماً يارب يهون الأيام و نسوقها ع الطبيعه.
و ربنا يبارك لصاحبها فيها يااااااااااااااارب.

**Mandosiom** · 18-01-2014 05:59 PM

انا حاسس انى هيجلى كابوووووس و انا نايم بالنتشه دى...

يارب كلنا نستلم على خير.. انا امبارح شوفت اللون السيلفر.. و بردوا حسيت انه جامد اوى..

**nonalaziza** · 18-01-2014 06:16 PM

انا مش حساها نتشه قد ما حاسه انها هتنطر معرفش ليه لان المفروض ان عزمها شديد

**mahmed0100** · 18-01-2014 06:43 PM

انا ملاحظ العربيه انتشرت في الشارع مره واحده و معظم اللي بشوفه بيكون عليه كيس الفبريكه لسه .. بس ما شاء الله انا مش شايف و لا لون وحش فيها

انا قربت امسك في باب عربيه منهم و اقوله هات لفه يا عمو :)))

ربنا يعدي الاسبوع ده علي خير و استلم بقا :)