الموضوع: كرسي الأعتراف ......

المشاركة الأصلية كتبت بواسطة khaled_sabry

سؤال بسيط للاستاذ صدام
هو حضرتك عمرك قد ايه ؟؟
و كنت عايش فى بلد ايه ؟؟
لإنى لاحظت فى مجموعتك ماركات نادر وجودهم فى مصر
بينما لاتوجد انواع شديده الانتشار فى مصر زى البيجو او فيات 128 او سيات مثلا
عارف طبعا ان حضرتك من هواة العربيات النادره - لكن لو ظبط عربيه منتشره فى مصر حيبقى شغلها مميز اكثر من عربيه غير معروفه لأن اللى حيشوفها حيظن انها خارجه من المصنع كده

صديقي المواطن
جواب السن معروف إني لا أجيب عليه ﻷني مختلف عن 99% من شعبنا المصري بس حديك لمحات بسيطة يعني عمرك في حياتك سمعت حد ضرب ورق عشان يلبس جيش بدري وميسيبش الجامعة عشان يطلع جواز سفر وإجازة إستيرادية كلنا بنضرب ورق عشان نأجل الجيش أنا بقه عملت العكس وعندي 7 سنين ووالدي نزلني الشغل وكانت تريللا محملة بضايع مثلا بشيل مع العمال على ظهري وأنا بالسن ده وأنا وعندي 10 سنين عندي محل جملة و والدي عين لي شيخ في المحل ليتابع تربيتي وأخلاقي وديني كذا سنة وأنا عندي 18 سنة ضربت ورق الجيش وفضلت أكمل جامعة وطلعت كوريا أستورد سيارات وأنا عندي 19 سنة وعندي 21 سنة بستورد عربيات من ألمانيا وأنا بستورد عربيات من أمريكا واﻷردن و اﻹمارات بسن 25 سنة ومليش صحاب شباب كل صحابي 55 سنة فما فوق عشان لسه الشباب ميفهمش كلامي لسعة تجاربي
أما عشت فين فأنا من إسكندرية ومقيم في القاهرة وعشت في اﻹمارات والكويت والعراق وتركيا وسوريا والأردن ولبنان والبحرين وإيطاليا وكوريا والسعودية طفلا ثم رجعت لمصر
أما بخصوص تظبيط سيارة منتشرة في مصر فده بيحصل ﻷني حاليا بعدل
مرسيدس 180 موديل 1960
ومرسيدس 190 موديل 1965
ومرسيدس تاتية 180 موديل 1958 بعدلها تعديل متعملش قبل كده في العالم وهي إني قصيتها عشان أعملها ستريتش فخمة رئاسية
ومرسيدس خنزيرة
وبفكر أجيب مخاطرة أكتر عربية تعدلت في العالم وهي بيتلز المعفنة وأعدلها تعديل أثبت فيه قدراتي ﻷنهغ تقريبا أكتر عربية تعدلت في العالم ورسمت التصميم اﻷولي وحخليها سقف متحرك وحصنعه عمولة في مصر
وعندي لينكولن بعدلها إلى رولز رويس فانتوم
وعندي إسبرانزا 620 بعدلها وخلصت نصها
وأنا من فترة بفكر أول عربية تخلص أحضر مقابلة ضخمة من مقابلات المنتدى ونعمل عشا صغير مش مقابلات الكافتيريات التي لا أحضرها وحطبخ للناس بإيدي ﻷني طباخ ماهر جدا وأخلي الناس تصور العربية وتديني رأيها فيها رغم إنها مش أكبر إنجازاتي ولكن تعبت فيها برضو وفيها 60% من أفكاري وأتمنى ييجي اليوم وتعجبكم
أما السيات وال 127 وال 128 مقدرش أركبهم وملهوش دعوة بغني وفقير ﻷنها عربيات مش رخيصة بس دي ثقافة شعب وأنا لو ركبتها برستيجي حيوقع ومعندي مكنسة ألمه بيها وأنا ممكن أركب عربية مفيهاش باب ومكسرة خالص وميهمنيش منظري قدام الناس لكن سيات و127 و 128 ربنا يتوب على أصحابها منها ويغنيهم من فضله

بصوا يا جماعة في اﻵونة اﻷخيرة كثر القيل والقال وإختلف الناس في المنتدى حول كفائتي في التعديل رغم إني بعدل لنفسي مش فاتح محل ودرءا للجدال والنزاع فأنا قررت لو كلمتو المواطن المؤسس كريم منير يديني إستثناء أعمل موضوع أقدر أتحكم في مقدمته وأضيف عليها صور وتعديلات ومراحل العمل كل شوية ﻷن العربية بتقعد سنة وسنتين وثلاثة في التعديل ولكن أنا عشان خاطركم حظغط على نفسي وأخلصها في 10 شهور وإخترت عربية أنا شايلها بنفسي من مقلب زبالة ومفيهاش ولا حتة زجاج صاحي ومسروق منها حاجات كتير ومعايه الصور فجيبولي إستثناء وأنا أعمل موضوع متجدد وأصور كل المراحل من الورق للمرور للمكن للشد للتعديل للكماليات وغيرها حتى تخلص وكله على عينك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة amr011111

كده الاستاذ صدام هيجاوب على سؤالين

صديقي المواطن
إنت كده وطني وعارف اللي فيها وإجابتك سليمة 100% وحنديك وسام النيل للإجتهاد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة ahmed air

سؤال لاستاذ صدام ياترى حضرتك شغال فى مجال ايه بجانب الهوايه طبعا

صديقي المواطن
أنا بجانب هوايتي إشتغلت حاجات كتير آخرها حاليا عندي شركة إنتاج فني وشوية نشاطات جانبية أخرى وأنوي قريبا حال إستقرار أحوال مصر العودة لمجالي اﻷصلي وهو اﻹستيراد وفي بالي تصنيع ماركة إطارات تحمل إسمي مع ماركة زيوت ونسأل الله الثبات
وكده فاضل ليكم سؤالين فقط
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

المشاركة الأصلية كتبت بواسطة amr011111

انا أؤيد هذا الاقتراح جداً



سؤال اخر من خلال مشاركاتك السابقه فحضرتك خريج كلية شريعه على ما اعتقد او دار علوم

فانا كنت مستبعد تماماً ان حضرتك تكون شغال فى الانتاج الفنى

صديقي المواطن
أنا خريج كلية العلوم اﻹسلامية قسم الشريعة بدرجة إمتياز مع مرتبة الشرف
وعملي في اﻹنتاج الفني ليس للهلس ولكن هو من باب رسم البسمة على وجوه الناس بأعمال نافعة وقررت إن أمد الله في عمري ووسع مداخل رزقي خلال السنتين القادمتين فأنوي إنشاء قناة فضائية للقرآن الكريم فقط تحمل إسم والدي رحمة الله عليه تكون صدقة جارية له وأنا لا أحب هكذا أعمال ولا أحب بناء جامع ملاكي ولكني سأقوم بهذين العملين ﻷني أعلم أنه في قبره يتمنى أن أرفع رأسه وأعمل له قناة للقرآن الكريم وبعدها أتوسع للأناشيد اﻹسلامية ﻷن اﻹمكانيات محدودة وأنا لا أحب مشاركة من أحد وقولا واحدا لا أريد منها حسنة واحدة سأهدي كل ثوابها لوالدي رحمة الله عليه كم أفتقدك يا والدي شخصان محتاج أشوفهم في اﻵخرة وهم والدي وصدام حسين رحمة الله عليهما
وكده فاضل ليكم سؤال
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ويظل الأستاذ صدام احد اساطير هذا المنتدى ومن الشخصيات الغامضة وانا عن نفسى لا استطيع الانتظار انى اشوف حضرتك واكل من ايدك كمان

المشاركة الأصلية كتبت بواسطة ramymechanics

ويظل الأستاذ صدام احد اساطير هذا المنتدى ومن الشخصيات الغامضة وانا عن نفسى لا استطيع الانتظار انى اشوف حضرتك واكل من ايدك كمان

صديقي المواطن
شرف ليا أقابل حضرتك وأكيد حييجي يوم ونتقابل وقولا واحدا حطبخ بنفسي 3 أو 4 أصناف وحعمل حلو كمان يعني ممكن نعمل فراخ مشوية على الفحم على قوزي رز تكون أعلى من الكبسة مع صينية بطاطس بالبصل وقطع اللحم والخلطة السحرية مع مكرونة باللحمة المفرومة وحلاوة شعرية ومخلل وسلطات ونعمل زبادي خلاط من لبن جاموسي بالثلج ونعمل فول بالطريقة العربية بالبيض مش مصرية خالص وحيعجبكم وحنجيب فلافل مش مصري لزوم اﻹسناد وممكن أشوي سمكتين عالخشب أم 10 كيلو لعشاق البسفور وممكن أعمل خلطة كفتة وأبعتها تتشوي أو نجيبها المقابلة ونقعد نشوي بس قسما برب الكعبة لو خلصت العربية وعملنا مقابلة وحضر المقابلة أقل من 300 واحد حدفعكم فلوس الأكل كله وحعلن إعتزالي من المنتدى وأروح أحترف في فريق بايرينج ميونيخ
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال