الموضوع: استلمت السيراتو أمس - سؤال هام - ارجو الأفادة

المشاركة الأصلية كتبت بواسطة Noha-M

ازاى يا استاذ سينت ؟ انا كان معايا لانوس 2000 و سقتها خمس سنين و الباور بتاعها كان وحش جدا .

هو حضرتك كنت بتقول انك سقت سيراتو عاملة 30 الف كم , هى دى السيراتو ال 2008 ولا موديل قديم ؟ لان ممكن يكون الباور اختلف من موديل للتاني

يعني اللانوس 2 2003 لما سقتها كان فى فعلا تحسن عن بتاعتنا القديمة فممكن يكون بيحسنو من اداء الباور فى الموديل عن الموديل اللى قبله

لأ اللي سوقتها كانت 2007 مش الجديدة و اللانوس اللي سوقتها كانت 2003 فعلا ,و اللي باسوقها باستمرار دايو ريسر 94 و الباور بتاعها أخف منهم كلهم بصراحة.

المشاركة الأصلية كتبت بواسطة hanystar

أولا : مبروك عليك العربية بجد فعلا رائعة
أنا معايا سيراتو مانيوال وبرضه سوداء أخت بتاعتك 2008
بص موضوع الباور دة ذى ما الأعضاء فى المنتدى قالوا إنه هيدروليك ودة بيكون أتقل شوية من الإليكترونيك ودة فى نظرى بيدى أمان أكتر على الطرق
أنا جربت الباور فى الهيونداى إلنترا ولقيته خفيف جدا وحسيت بفرق جامد بين الإلنترا والسيراتو .
أما بخصوص الفتيس المانيوال فى السيراتو أنت بتقول إنه بيعمل صوت عند النقل ودة طبيعى فى السيراتو - هو الفتيس مش سلس جدا بس أنت لازم تريحه فى الحارة بتاعته بهدوء وانت بتنقل .
ومبروك مرة ثانية وربنا يديك خيرها ويبعد عنك شرها

الله يبارك فيك ياباشا. وفعلا انا دلوقتي اتعودت شوية علي العربية وخلاص مش متضايق منها تقريبا كان الأول بس علشان فرق الأحساس بين الهيونداي والكيا لاكن هيا فعلا عربية محترمه . بالنسبة بقي انك الوحيد الي زيي ومانيوال وكمان اسود فياريت تيفدني في الأتي: انا عربيتي جايبها وكيل مش خليجي ومفيهاش انزار والا فوجات تفتكر لو ركبت الحاجات دي بره العربية تخرج من الضمان ؟؟

الف الف مبروك ربنا يديك خيرها و يحميك من شرها
و ما تحطش في بالك الوساوس دي و استمتع بعربيتك :)