Mobinil

**theking2690** · 28-09-2008 03:03 AM

على فكره انا الخط اللى مع والدى من ايام الهيئه من قبل موبينيل اصلا رقمه بيبدأ012215

المشاركة الأصلية كتبت بواسطة Dream286

يا جماعة انا في قمة الاحباط والله لأن بعد ما رديت رد طويل اوي على كل حاجة الجهاز هنج

الأخ sharky
بالنسبة لخدمات الانترنت دا يعتمد على استخدامك ليه
بمعنى هل هتستخدم الخدمة دي كتير ولا لا
هل متنقل ولا ثابت
لو استخدام قليل او عادي
ممكن ببساطة تستخدم الشريحة العادية بتاعتك في دخول الانترنت عن طريق الكمبيوتر بالسعر العادي
اول خمسة ميجا بايت في اليوم بجنيه
واي ميجابايت زيادة بخمسة جنيه ( بعد ما كانت ب 15 جنيه )
لو عندك جهاز موبايل زي N70 او اي جهاز موبايل عموما بيدعم الجيل الثالث بتقدر توصله بالكمبيوتر كمودم عن طريق كابل يو اس بي وتدخل على الانترنت بالأسعار اللي قلتهالك ولو مش عندك فكرة ازي توصله بالكمبيوتر انا ممكن اشرح لك او عن طريق استخدام اي مودم يو اس بي ودا هتكلم عنه في النقطة الجاية

بالنسبة للاستخدام المستمر
ممكن تشترك في باقة اسمها 3 جيجا
دي عبارة عن اشتراك شهري بتدفعه 150 جنيه في مقابل انك بتاخد تلاتة جيجا كل شهر من تصفح وداونلود
وأي ميجا بايت زيادة هتبقي بربع جنيه ( بدل خمسة جنيه )
بتحتاج برضو انك تشتري جهاز يو اس بي
في انواع كتير
انا برشح لك جهاز اسمه
'HTC' Bandluxe C120

دا جهاز زي ما انت شايف خفيف وصغير جدا عامل زي الفلاشة بس امكانيات جبارة
يعني بتقدر تستفيد من السرعات العالية للجيل الثالث بتوصل ل 7.2 ميجا بايت
3.5 G
HSDPA
دا تمنه 600 جنيه في مراكر خدمة عملاء موبينيل
وممكن لو مفيش تغطية للجيل التالت في المنطقة اللي انت فيها يعتمد على تقنيه GPRS القديمة بس مش هتكون طبعا بالسرعة دي
ومش محتاج توصفه على الويندوز مجرد ما بتوصله بالكمبيوتر بيتعرف عليه اوتوماتك

دلوقتى انا اشتركت فى الخدمه ديه و خدت المودم اللى حضرتك حاطط صورته جيت اشغله على اللابتوب مرضاش يشتغل كلمت خدمة العملاء ردت عليا و احدة معندهاش فكره عن الخدمه اصلا و كانت عماله تكلمنى على موبينيل لايف و فضلت اكلمها 35 دقيقه من غير فايده ودلوقتى الجهاز عندى ومش بستعمله والصراحه حاسس انى دفعت الفلوس على الفاضى فياريت لو حضرتك تقولى ايه الsetting اللى بتتزبط فى اللابتوب علشان الجهاز يشتغل عليه

**Ahmed Samy** · 28-09-2008 03:06 AM

الف شكر على المساعدة القيمة

خدمة عملاء في الجهاز بتاعي :) حاجة جميلة

سؤالي لحضرتك ازاي ممكن أوصل الموبايل باللابتوب علشان يكون مودم

ياريت واحدة واحدة عليا :)

وشكرا

**Nour_Peugeot** · 28-09-2008 03:11 AM

اهلا بيك يا باشا و تشرفنا

**Dream286** · 28-09-2008 07:50 PM

والله يا جماعة مش عارف اقول ايه انا سعيد بجد بالمشاركات دي انا متوقعتش حقيقي الاهتمام دا كله

العزيز boty50

انا مستغرب بصراحة من حكاية انك مش قادر توصل لخدمة العملاء
بص انت لما تتصل برقم 110 متعملش اي حاجة بعدها واستنى الرسالة الصوتيه كلها لما تخلص لحد ما يرد عليك الموظف المسئول
او من اي تليفون ارضي ممكن تتصل برقم 16110 بسعر المكالمة العادية
وعموما ان كنت مقدرتش برضو ممكن تبعت لي تفاصيل المكان في رسالة خاصة وتسيب ارقام نقدر نتصل بيك عليها وانا هخلص لك الموضوع متقلقش

وبالنسبة لموضوع الصلاحية انت فعلا بتعملها زي ما قلت عن طريق التليفون بس اول ما تعملها متتصلش بأي حد او تشحن الخط
اقفله على طول عشان تحافظ على الصلاحية
لأن بعد ما بتفعل الخدمة دي لو عملت اي مكالمة او رسالة او شحن بتفقد الصلاحية على طول
لو في حاجة مش واضحة انا تحت امرك وسعيد جدا باهتمامك

تحياتي لك

**Dream286** · 28-09-2008 08:04 PM

الاستاذ حازم خضر بشكرك على مشاركتك
وبقولك برضو ... زين ما اخترت

الاستاذ mohamed_88sk
هو للاسف كدة الصلاحية ضاعت
لازم تشحن الخط ولو بجنيه مرة كل تلات شهور بس متنساش

الأستاذ theking2690
طبعا احب اوضح لحضرته أنه .... زين ما اخترت
بالنسبة لموضوع المودم
في الاساس انت مش بتعمل اي حاجة غير انك توصل المودم بالكمبيوتر
مجرد ما بتوصله بتنتظر لحظات كدة وبتلاقيه اتوصف تلقائيا
وبعدها كمان بتظهر على الشاشة كلمة كونيكت بتضغط عليها وتلاقي نفسك دخلت على النت في لحظات وبسهولة جدا
لو الموضوع دا محصلش معلش تتعب بقه وتروح مركز من مراكز خدمة العملاء يشوفوا معاك الموضوع دا لأن الكول سنتر او 110 مش حيقدروا يفيدوك اوي
وطبعا متفرطش في حقك لازم تعرف تشغله خصوصا انه بجد جهاز ممتاز اوي

أستاذ احمد سامي
دا شرف ليا يا باشا اننا نكون في خدمة العملاء المحترمين زي حضرتك
ممكن بس اعرف نوع الموبايل اللي تقصده ايه ؟

أستاذ نور انا بشكرك على ترحيب وسعيد باستفساراتك في اي وقت

تحياتي للجميع

**mohamed_88sk** · 28-09-2008 08:05 PM

يا خبر؟؟
يعني الصلاحيه كده ملهاش حل تاني؟
مش ينفع اشتري صلاحيه والخط موجود بره مصر؟
هل ينفع أشتري الصلاحية من الشركة هنا وهم يعملوها للخط وهو بره؟

**Dream286** · 28-09-2008 08:08 PM

نقطة بس نسيت اوضحها بخصوص العرض بتاع الانترنت والثري جي

لو اشتريت الجهاز الباندلوكس مع خط داتا
اللي هو سعره 600 جنيه مع عرض ال 3 جيجا
بتسترد قيمة الجهاز كاملة خصم على الاشتراك
بمعنى انك بتاخد خصم خمسين جنيه شهريا على الفاتورة بتاعتك
يعني مثلا لو انت مستخدمتش اكتر من تلاتة جيجا في الشهر
يبقى قيمة الفاتورة 150 جنيه مثلا
بتاخد خصم 50 جنيه على الفاتورة كل شهر لمدة 12 شهر

**Ahmed Samy** · 28-09-2008 10:33 PM

متشكر لذوقك
شركتكو بتنقي ناسها فعلا :)

الموبايل Nokia N93i و الجهاز TOSHIBA SATELLITE

شكرا لاهتمام حضرتك

**aif** · 28-09-2008 11:43 PM

نورت المنتدي يا استاذ Dream286
................
اناكنت بزنس شركات وعملت تنازل لنفسي وحولت الي بريمو.... وياريتني ما دخلت البريمو ده
المشكلة ان الاتصال الدولي في جميع انحاء المعمورة بيبدأ ب 00 وبعدين مفتاح البلد ..... إلا في خط بريمو .... لازم تبدأ ب 1010 .... مش عارف مين اللي اخترعها بصراحة .....
وانت عارف طبعا ان كل النمر متسجلة علي الموبايل ما حدش بيطلب النمرة بالأرقام زي زمان ..... يبقي لازم اغير كل النمر من 00966 السعودية مثلا مثلا الي 101000966
لغاية كدة كويس ....لكن بقي لما تيجي تبعت رسالة ..... ما ينفعش 1010 لازم تكتب الرقم 00 عادي زي باقي المخلوقات !!!!!
وبكدة يبقى لازم اسجل جميع الارقام بالطريقتين
حاولت اشتكي .... الموظفين كلهم ردهم واحد كأنهم مبرمجين ومغيبين ذهنيا
.... دي مش مشكلة عشان نعملك شكوي ده سيستم ....
يا جماعة مش السيستم ده بني آدم اللي عمله وممكن يتعدل لو مش مناسب للعملاء ولا هو انزل في الكتب السماوية .... مافيش فايدة كأنك بتحاول تغير قانون الجاذبية بتاع نيوتن ....
طيب حولوني من البريمو العجيب ده .....حولوني آلو وريحوني ....
للأسف لازم بشريحة جديدة ورقم جديد يا فندم
يا جماعة ربنا عرفوه بالعقل ماحدش شافه .... ده انا ممكن احول شركة تانية بنفس الرقم .....يبقي ازاي ما اقدرش احول داخل نفس الشركة بنفس الرقم ....
لا حياة لمن تنادي .... كأنك بتشرح تضاريس كوكب كريبتون بتاع سوبر مان
لكن بصراحة في الآخر بيقولو بمنتهي الذوق
سيادتك لك اي استفسار تاني يا فندم ....شكرا لإتصالك بموبينيل
لدرجة اني فكرت احول لشركة تانية .... بس انا مرتاح مع موبينيل
ولا يمكن اغير نمرتي .... انا معايا النمرة من سنين ....وجميع عملاء مكتبي واصدقائي في الداخل والخارج عارفينها .... ما ينفعش اغيرها
.....
انا طولت عليك ( قوللي طول ) بس لو فيه حل يا ريت تقوللي

-

الموضوع: Mobinil

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

usb mobinil

USB Modeam Mobinil for sale

usb mobinil for sale as new

mobinil call centre

mobinil usb modem problem

الكلمات الدلالية لهذا الموضوع

المفضلات

المفضلات

ضوابط المشاركة