Mobinil

**Sharky** · 26-09-2008 03:38 PM

أنا فعلا مهتم بمعرفة عروض الإنترنت الخاصة بالجيل التالت المقدمة من موبينيل

فى إنتظار الأسعار و العروض و السرعة

**momenhamdy** · 26-09-2008 03:55 PM

اهلا بيك معانا يا استاذي الفاضل و نورت المنتدي
طبعاً انا معيش موبينيل
بس انا ولدي معاه موبينيل من سنة 99 و الخط بتاعه 01222
و كان ثمن الخط حوالي 1200 جنيه في الوقت دا و مازال ولدي محتفظ بالخط دا و شغال بيه و مقتنع تماماً بالشبكة
و مره تانية نورت المنتدي
و كل سنة و حضرتك طيب

**boty50** · 27-09-2008 12:30 AM

والله انا عندى شكوى من الشبكة في الأسكندرية
يعني السنة اللي فاتت كانت كويسة بس السنة دي
حاجة وحشة جدا ، كل شوية التليفون يدي الشبكة
مش موجودة ويادوب شرطه او اتنين سيجنال

حاجة تانية اني بسافر كل سنة خارج مصر
لأني مقيم بالكويت ، ومعايا خط الو سمعت
ان فية خدمة لمنع قطع الخط خلال 6 شهور او
سنة وبيتخصم مبلغ من الرصيد مقابلها
هل الكلام صحيح وايه التفاصيل لو سمحت

**Bossy_Fadl** · 27-09-2008 09:05 AM

المشاركة الأصلية كتبت بواسطة Dream286

الاستاذة bosyfadl
طبعا انا بشكرك جدا على ترحيب وانا االلي كسبت فعلا بانضمامي للمنتدى وانا فعلا استفدت كتير من هنا سواء في الموضوع دا او فيما يتعلق بمجال السيارات عموما

أما بقه موضوع الاشتراك في سنة 2008 وسعر الخط ب 2000 جنيه دا بيثير جوايا خواطر كتير لما بتعامل مع بعض العملاء
لما العميل يجي يتهمنا بالمغالاة في سعر تمن الخط وازاي يعني الخط عندكم في التوكيل يوصل ل 20 جنيه ببقي نفسي اقوله حرام عليك

انا الخط بتاعي القديم كلفني على ما اتذكر700 جنيه وسعر الدقيقة وقتها كان بمبلغ وقدره وكان في ضرايب ومصاريف ادارية والذي منه

بالنسبة لخدمة الانترنت مين قالك ان الخدمة دي مش موجودة غير في اتصالات وفودافون ؟ بالعكس
اديلك نبذة كمان
موبينيل دخلت في مصر خدمة الايدج وهي انترنت فائق السرعة اسرع من GPRS العادي اللي كان موجود في مصر ساعتها
ولكن بعد فترة من نزول الخدمة دي تم ايقافها من قبل الحكومة عشان اعتبروها ضمن نطاق الجيل الثالث ودا مش مصرح بيه
وكمان موبينيل عملت عروض من فترات كدة بخصوص الانترنت اللي كان فعلا ببلاش في شهر من شهور الصيف مرة من المرات
وعموما دلوقتي موبينيل نزلت خدمة الجيل الثالث
صحيح هو بعد فودافون واتصالات بفترة بس دا لاسباب كتيرة
وبالنسبة لموضوع ال USB
هو دا جهاز مستقل يعني عن الخدمة بس هو طبعا متوفر في مراكز خدمة عملاء موبينيل بأنواع مختلفة
شكرا جدا لمساهمتك وسؤالك وفي انتظار استفسارك القادم
تحياتي للجميع

من غير استاذه و لا حاجة

انا اسمي بوسي بس

شكرا اوي لحضرتك علي المعلومات القيمة دي

بجد استفدت

و ان شاء الله لو في اي استفسار تاني اكيد هسال

بس يارب مش اكون بتقل علي حضرتكـ

**Dream286** · 27-09-2008 11:18 PM

يا جماعة انا في قمة الاحباط والله لأن بعد ما رديت رد طويل اوي على كل حاجة الجهاز هنج

الأخ sharky
بالنسبة لخدمات الانترنت دا يعتمد على استخدامك ليه
بمعنى هل هتستخدم الخدمة دي كتير ولا لا
هل متنقل ولا ثابت
لو استخدام قليل او عادي
ممكن ببساطة تستخدم الشريحة العادية بتاعتك في دخول الانترنت عن طريق الكمبيوتر بالسعر العادي
اول خمسة ميجا بايت في اليوم بجنيه
واي ميجابايت زيادة بخمسة جنيه ( بعد ما كانت ب 15 جنيه )
لو عندك جهاز موبايل زي N70 او اي جهاز موبايل عموما بيدعم الجيل الثالث بتقدر توصله بالكمبيوتر كمودم عن طريق كابل يو اس بي وتدخل على الانترنت بالأسعار اللي قلتهالك ولو مش عندك فكرة ازي توصله بالكمبيوتر انا ممكن اشرح لك او عن طريق استخدام اي مودم يو اس بي ودا هتكلم عنه في النقطة الجاية

بالنسبة للاستخدام المستمر
ممكن تشترك في باقة اسمها 3 جيجا
دي عبارة عن اشتراك شهري بتدفعه 150 جنيه في مقابل انك بتاخد تلاتة جيجا كل شهر من تصفح وداونلود
وأي ميجا بايت زيادة هتبقي بربع جنيه ( بدل خمسة جنيه )
بتحتاج برضو انك تشتري جهاز يو اس بي
في انواع كتير
انا برشح لك جهاز اسمه
'HTC' Bandluxe C120

دا جهاز زي ما انت شايف خفيف وصغير جدا عامل زي الفلاشة بس امكانيات جبارة
يعني بتقدر تستفيد من السرعات العالية للجيل الثالث بتوصل ل 7.2 ميجا بايت
3.5 G
HSDPA
دا تمنه 600 جنيه في مراكر خدمة عملاء موبينيل
وممكن لو مفيش تغطية للجيل التالت في المنطقة اللي انت فيها يعتمد على تقنيه GPRS القديمة بس مش هتكون طبعا بالسرعة دي
ومش محتاج توصفه على الويندوز مجرد ما بتوصله بالكمبيوتر بيتعرف عليه اوتوماتك

وفي طبعا اجهزة تانية تعتمد على تقنية
3.75 G
HSUPA
دا اسمه
Huawei’ E270 USB Modem

الميزة اللي فيه ان سرعة ال upload افضل يعني لو بترفع حاجة على الانترنت
السرعة فيه بتوصل ل 2 ميجا بايت
وطبعا سرعة الداونلود 7.2 ميجا بايت
وفيه طبعا امكانيات الجهاز الاول بس لو مش هيفرق معاك ال upload خليك في الجهاز الاول
دا تمنه 925 جنيه

وفي جهاز وخدمة مع بعض اسمهم فلاي بوكس
دا لو حابب تعمل شبكة داخلية يعني توصل لأربع اجهزة كمبيوتر
ودي ليها باقات مختلفة ولو تهمك انا ممكن برضو اشرحهالك

دا تقريبا شرح مختصر لخدمات الانترنت ولو في استسفار عن اللي انا قلته او اي حاجة عموما انا هكون سعيد بكدة

تحياتي

**Dream286** · 27-09-2008 11:30 PM

اخي الفاضل momenhamdy

انا بشكرك جدا على المشاركة وقول لوالدك زين ما اخترت

تحياتي ليك

************

العزيز boty50

بالنسبة لمشكلة الشبكة
فعلا في بعض المناطق اللي قد تكون فيها تغطية الشبكة ضعيفة
وارجو منك الاتى
انك تتصل بخدمة عملاء موبينيل 110 في اي وقت تديهم معلومات دقيقة عن المكان اللي فيه المشكلة
يعني اسم الشارع والمنطقة والحي ورقم العمارة
الموظف بياخد منك المعلومات دي وبيحولها لقسم الشبكات وبعد 48 ساعة بيتصل بيك حد من المسئولين في قسم الشبكات بيراجع معاك بيانات المنطقة وبيشوفوا انسب حل للموضوع دا

بالنسبة لسفرك للخارج
طبعا هو خط ألو العادي لازم تعمل مكالمة كل تلات شهور على الاقل
لكن لو حابب انك تسيب الخط مثلا فترة طويلة وتحافظ على الرقم ممكن تشتري صلاحية
validity
وفعلا زي ما قلت الست شهور بعشرة جنيه
والسنة بعشرين جنيه
بترجع لخدمة العملاء قبل ما تسافر وطبعا تتأكد ان خطك فيه رصيد مناسب
يعني فوق العشرة جنيه لو ست شهور او 20 حنيه لو سنة
طبعا اول ما بتشغل الخدمة دي متعملش اي مكالمة او شحن بعدها عشان تحافظ على استمرار الخدمة

اتمنى اني اكون افدت حضرتك بالاجابة دي
ولو في استفسار اتفضل في اي وقت

**Dream286** · 27-09-2008 11:35 PM

المشاركة الأصلية كتبت بواسطة bosyfadl

من غير استاذه و لا حاجة

انا اسمي بوسي بس

شكرا اوي لحضرتك علي المعلومات القيمة دي

بجد استفدت

و ان شاء الله لو في اي استفسار تاني اكيد هسال

بس يارب مش اكون بتقل علي حضرتكـ

العزيزة بوسي شكرا جدا ليكي كلك ذوق هي بس مسألة تعود

بالاضافة لكدة فعلا اعضاء المنتدى في قمة الرقي يتساهلوا كل احترام وتقدير

وطبعا مفيش اي مشكلة بالنسبالي وسعيد جدا باستفسارك في اي وقت

**boty50** · 28-09-2008 01:38 AM

عزيزي دريم286

شكرا لردك الكريم
لي ملاحظه وهي اني اتصلت بخدمة العملاء اكثر من 15
مرة من تليفوني وتليفونات اخري ولكن لم يتم الأتصال بيقطع
قبل الوصول الي خدمة العملاء

النقطة الأخري ارجو انك توضح لي أكثر معني ماقلت
"طبعا اول ما بتشغل الخدمة دي متعملش اي مكالمة او شحن بعدها عشان تحافظ على استمرار الخدمة"

اللي اعرفه اني بافعل الخدمة من التليفون وبيخصم ال20
جنية من الرصيد وخلاص علي كدة اتكلم او اقفل الخط
بدون مشاكل لاحقة ، ولا فيه حاجه مش فاهمها.

شكرا لك لتعاونك معنا ،،،

**hazem_khidr** · 28-09-2008 01:41 AM

اهلا بيك يا اخ دريم معانا في نايل موتورز:)
انا كمان معايا موبنيل من اول ما قالوا يا خطوط آلو :)
كان الخط ب 1200 جنيه
يالا ايام بقي ;)

**mohamed_88sk** · 28-09-2008 02:56 AM

النقطة الأخري ارجو انك توضح لي أكثر معني ماقلت
"طبعا اول ما بتشغل الخدمة دي متعملش اي مكالمة او شحن بعدها عشان تحافظ على استمرار الخدمة"

اللي اعرفه اني بافعل الخدمة من التليفون وبيخصم ال20
جنية من الرصيد وخلاص علي كدة اتكلم او اقفل الخط
بدون مشاكل لاحقة ، ولا فيه حاجه مش فاهمها.

ايوا الله يكرمك وضحلنا الحته دي
لأني من أسبوعين بالظبط أرسلت مع والدي خط وكنت قبلها ب 5 أيام أشتريت صلاحيه وخلال ال5 أيام شحنت تاني وأتكلمت بيه إلى ميعاد السفر وأخذ الخط معاه ,,,

الموضوع: Mobinil

LinkBack

أدوات الموضوع

عرض

-

-

-

-

-

-

المواضيع المتشابهه

usb mobinil

USB Modeam Mobinil for sale

usb mobinil for sale as new

mobinil call centre

mobinil usb modem problem

الكلمات الدلالية لهذا الموضوع

المفضلات

المفضلات

ضوابط المشاركة