استهلاك البنزين

**aali6632** · 25-01-2014 09:17 PM

السلام كليكو ياجماعة
والله وحشتنى موضعتكو
والله انا عندى مشكلة كبيرة وزهتنى بقاله مدة وهى استهلاك البنزين عندى اللتر بيعمل 6.5 كيلو
من حولى شهرين روحت ورشة تى فاج عندنا فى الاسكندرية وقالولى حنغير 2 دفرام كربراتير وتم التغير ولكن مفيش فايدة 160 كيلو سحبو 26 لتر بنزين 80 ورحة نضفة الكرابرتير اكتر من مرة انا كان فى ميكانيكى اقلى ديى كاتينة وحبت حاجات تعمل حدود 1000 جنيه ومصنعية 500 جنية وهل الكاتينة لو بايظة تعمل كدة انا زهت والمشكلة دى مخلينى عايز ابيع العربية لو سمحتو لوحد قبلتو المشكلة ياريت يقولى ايه الحل لان العربية بقاله 3 سنين والمشكلة دى معاية وشكر معلش اناطولت عليكو

**aw2100** · 25-01-2014 10:29 PM

المشاركة الأصلية كتبت بواسطة aali6632

السلام كليكو ياجماعة
والله وحشتنى موضعتكو
والله انا عندى مشكلة كبيرة وزهتنى بقاله مدة وهى استهلاك البنزين عندى اللتر بيعمل 6.5 كيلو
من حولى شهرين روحت ورشة تى فاج عندنا فى الاسكندرية وقالولى حنغير 2 دفرام كربراتير وتم التغير ولكن مفيش فايدة 160 كيلو سحبو 26 لتر بنزين 80 ورحة نضفة الكرابرتير اكتر من مرة انا كان فى ميكانيكى اقلى ديى كاتينة وحبت حاجات تعمل حدود 1000 جنيه ومصنعية 500 جنية وهل الكاتينة لو بايظة تعمل كدة انا زهت والمشكلة دى مخلينى عايز ابيع العربية لو سمحتو لوحد قبلتو المشكلة ياريت يقولى ايه الحل لان العربية بقاله 3 سنين والمشكلة دى معاية وشكر معلش اناطولت عليكم

شوية اسئلة للتوضيح
انت حسبت 6.5 ك /لتر فى الطوالى ولا جوة البلد ؟
هل فية هباب اسود فى الجكمان ؟
الأتو تشوك -سخان الموتور بيشتغل عندك؟
سحب العربية فى الكبارى كويس ولاصوت الموتور بيعلى والعربية مابتسحبش ؟
اقصى سرعة للعربية كام ؟
جنوط العجل عندك بتسخن وبتلسع؟
نوع زيت الموتور ايه؟
غيرت او عملت شغل فى عوامة البنزين ؟
هل فية ريحة بنزين من ناحية الموتور ؟
عموما الطبيعى والحمد لله جوة البلد فى الزحمة 8ك/لتر فى الطوالى 10ك/ لتر ده بالنسبة لعربيتى الكومبى

**أحمد جودة** · 26-01-2014 09:35 AM

صديقي العزيز علشان تشتريدماغك لازم تعرف ان الفليشيا واضح انها عربية من نوع خاص انا علمت علي العداد بالظبط 90 كيلو جوة البلد اخدت 18 لتر يوووووووووووو كتير اوي يعني لتر لكل 5 كيلو

بس فى السفر ((( من حلوان لمدينة الزقازيق ))) حوالي 130 كيلو مرورا بطرق مكسرة ومطبات وطرق لاتزيد السرعة عن 40 دة غير الطريق السريع نفسه وفى الاخر اخدت كااااااااااااااام مكملتش 11 لتر يعني تقريبا 11 كيلو لكل لتر بنزين ....... وهيا هيا نفس العربية بالعكس لما كنت مسافر معايا المدام والولاد والشنطة مليانة ومتوسط السرعة اغلب طريق السفر من 90 الى 110 كيلو

الخلاصة لو العربية مظبوطة على الطريق الطوالي اشتري دماغك ويبقي دة الطبيعي بتاعها

ولا حد من الزملاء عندة تعقيب

**aw2100** · 26-01-2014 10:45 PM

بالنسبة لاستهلاك البنزين جوة البلد حسب ظروف الزحمة ممكن تحرق 5لتر فى 5ك تمشيهم فى ساعتين والموتور داير بمعنى 1لتر /ك لكن الصح انك تفول وتمشى مشوار طوالى 100ك مثلا وبعدين تفول تانى وحتعرف المعدل الحقيقى لاستهلاك البنزين عموما حديك شوية نصايح
*تنظيف فلتر الهواء ولو قديم غيرة
*غير بكات الكاربراتير ببكات اصلية وخصوصا ان عندك هباب فى الجكمان
*غير البوجيهات وسلك البوجيهات وخصوصا لو سحب العربية ضعيف فى السرعات العالية
*راجع على مجموعة الدبرياج وخصوصا لو صوت الموتور بيعلى فى مطالع الكبارى وسحب العربية بيضعف
كل السابق ده بيأثر على أستهلاك البنزين
وممكن تعدل اتجاه البوابة فى عمة الكاربراتير حتزود قدرة الموتور وتقلل فى استهلاك البنزين وده كيفية التعديل فى الموضوع ده !!
http://www.nilemotors.net/Nile/355793-a.html

**aw2100** · 27-01-2014 09:30 PM

المشاركة الأصلية كتبت بواسطة mehles

السلام عليكم ..........نصائح هامة ومختصرة ولكن كنت عايزاعرف ما هو ديفرام الكاربراتير وما فائدتة ولك الف شكر

وعليكم السلام
وظيفة الديفرام تنظيم ضخ البنزين للبيكات وده بيبقى فى قاعدة الكاربراتير فلما الجوان او الكاوتشة بتاعته تتخرم بتخر بنزين وتفضى الكاربراتير من البنزين وتخلى العربية تتأخر فى الدواره فى الصبح عبال ما طرمبة
البنزين توصل البنزين للكاربراتير وتشم ريحة بنزين فى حوض الموتور تحياتى