تابلو عدادات ميجان 2 ؟! مساعده ضروووووري

**Shiref_mohamed** · 28-01-2014 08:56 AM

المشاركة الأصلية كتبت بواسطة haythamkmal

طيب هو ممكن تغير عداد ال 2006 بال 2007 الاضاءة البيضاء ؟

لالالا مينفعش خالص العدادين اصلاً مختلفين في 2007 نقلو عداد السرعه مكان عداد rpm وطبعاً فيشه العداد مختلفة والضفيره مختلفة و uch مختلف وعلبة الفيوزات مختلفة كمان

**sehs15** · 28-01-2014 11:00 AM

طب لو عندي مش كل اللمبات التحذيريه بتنور عند بدأ التشغيل زي مثلا لمبه ال engine .. و سينسور الابواب مش بينور خالص لو في باب مفتوح ... يبقي ايه المشكله .. حد غير العداد مثلا و مركبوش كويس ؟

**Shiref_mohamed** · 28-01-2014 01:56 PM

المشاركة الأصلية كتبت بواسطة gamal2000

السلام عليكم
اولا احيك على امانتك
ثانيا لازم ثقافة شعبنا تتغير من ناحية الكيلو متر بتاع العربية لان ممكن عربية تكون عاملة كيلومتر قليل جدا لكن متبهدلة على الاخر وعربية تكون عاملة 200000كم ولسه بحالتها لان صاحبها محافظ عليها وانا شوفت مشاكة لاحد الاشخاص جايب صورة ميجان فى تركيا عاملة 800000كم فالكيلو متر مش مقياس ان العربية جيدة او لاء
انا مثلا ماشى لحد الان 25000كم بالفلوانس 2013فى سنة بس انا فى الرياض بالسعودية والطرق هنا طويلة سافرت يها مرتين لمكة لاداء العمرة المرتين دول بس عملوا 4000 كم والعربية الحمد لله لسه بحالتها كانها زيرو الا بعض الخدوش فى الخلف فهل معنى كده انها مش كويسة لانها مشيت كتير

ربنا يبارك في حضرتك .. والطبيعي ان العربيات تستخدم وتتصين بس اهم حاجه الصيانة الصح وفي مواعيدها ومش طبيعي ان العربيات تتركن ومتستخدمش وانا شخصياً بقلق من العربيات الي موديلاتها بعيده وعاملة كيلومتر قليل ..

**Shiref_mohamed** · 28-01-2014 02:01 PM

المشاركة الأصلية كتبت بواسطة sehs15

طب لو عندي مش كل اللمبات التحذيريه بتنور عند بدأ التشغيل زي مثلا لمبه ال engine .. و سينسور الابواب مش بينور خالص لو في باب مفتوح ... يبقي ايه المشكله .. حد غير العداد مثلا و مركبوش كويس ؟

بص روح لحد عنده سكانر يكشف بيه على العربية وعن طريق الأسكانر هيقدر يعمل اختبار لكل اللمبات والمؤشرات والشاشات الموجوده في لوحه العدادات ويعرف ايه الى شغال وايه الى مش شغال ولو كانت المشكلة في العدادت نفسها ممكن تجيبهم استيراد تقريبا بيعملو 500 جنيه وكمان ممكن تكون المشكلة من uch نفسه

**sehs15** · 28-01-2014 03:41 PM

معلش هو ايه ال uch ده ؟

**Shiref_mohamed** · 29-01-2014 08:53 AM

المشاركة الأصلية كتبت بواسطة sehs15

معلش هو ايه ال uch ده ؟

Passenger Compartment Connection Unit
وده عباره عن كمبيوتر صغير متوصل عليه كل حاجه داخل صالون العربية وهو السبب في ان العربية بتبقى سمارت و متوصل عليه الأنوار والأشارات والزجاج الكهربائي والسنترلوك والكاسيت والتكييف والأيموبلايزر وحاجات تاني كتير