.. وبعد التليين

**MMamdouh** · 11-07-2007 10:01 AM

المشاركة الأصلية كتبت بواسطة ahmed1981

في علامة حمراء في تدريج ال RPM المطلوب إنك متوصلهاش إلا عند الضرورة
يعني إنت خلاص لينت إمشي بمزاجك الوقتي ودوس براحتك وشغل التكييف بس متعديش التدريج الأحمر كتير إلا عند الحاجة
والتليين اللي إنت عملته أكثر من ممتاز يحافظلك على عمر الموتور

العربيات اللى فيها ECU بيبقى فيها Rev limiter بيمنع انك تخش على العلامة الحمراء حتى لو كبست الدواسة للاخر فيما يعرف بظاهرة التفصيل... الطريقة الوحيدة للدخول فى المنطقة الحمراء هى تسقيط نقلة و انت على RPM عالى و فى الحالة دى حركة السيارة حتجبر الموتور انه يتخطى العلامة الحمراء و طبعا دا بؤدى الى تلف الصبابات او الشواكيش او الاتنين

فى عربيات مش انجكشن بس بتفصل برضة و دا من الاسبراتير على ما اعتقد... معنديش معلومات كافية عن العربيات دى او بتفصل ازاى

التليين دة مش اكتر من ممتاز... دا بيخللى الموتور خشن على لفات عالية و العربية دى مش حتجرى... راجع المقال المرفق:
http://mototuneusa.com/break_in_secrets.htm

MMamdouh

**Ahmed Salah** · 11-07-2007 03:54 PM

انا شاكر جدا لجميع من ادلى برايه واخص بالشكر المهنس ممدوح فعلا المناقشة كانت مفيدة واحيى القائمين على المنتدى

**amrokhafagy** · 12-07-2007 10:12 AM

سؤال للاستاذ ممدوح انا عربيتى لانوس SE مفروض العادى كام بالنسبة لنقل السرعات وال MAX كام الى مفروض معدهوش علشان انا معنديش RPM ؟

**MMamdouh** · 12-07-2007 10:15 AM

المشاركة الأصلية كتبت بواسطة Abdallah

طيب وحل الحوار دة ايه يا محمد؟؟؟
انا برضة اخرى 3500 RPM فى اى عربية بركبها

هى متعتبرش مشكلة عشان تحتاج حل... كل القضية انك ممكن تلاقى نفسك بتشد مع عربية زى عربيتك تمام لكن العربية التانية بتطلع منك بالرغم ان كل حاجة فى عربيتك سليمة و مضبوطة... لو دى مش مشكلة بالنسبالك يبقى مفيش عندك اى مشكلة

MMamdouh

**MMamdouh** · 12-07-2007 10:21 AM

المشاركة الأصلية كتبت بواسطة amrokhafagy

سؤال للاستاذ ممدوح انا عربيتى لانوس SE مفروض العادى كام بالنسبة لنقل السرعات وال MAX كام الى مفروض معدهوش علشان انا معنديش RPM ؟

طبعا الحل الاسهل انك تركب RPM و تخلى لفات الموتور بين 2000 الى 3000 لفة لضمان استهلاك اقتصادى

اطمئن من ناحية تجاوز عدد اللفات الاقصى لان فى اللانوس و الدايو كلة فى Rev limiter و دة بيمنع انك تعدى ال6500 لفة... جرب فى السلانسية تكبس الدواسة للاخر... حتلاقى الفات بتزيد و بعدين الموتور بداء يفصل... كدا الكمبيوتر شايف ان الموتور وصل 6500 لفة و بيقطع عنة البنزين عشان اللفات متزدش عن كدة

اما عن النقلات فا حسب ما افتكر الول لحد 25 و التانى 50 و التالت 75 و الرابع 100 بيخليك فى حدود ال 2000 الى 3000 لفة بس انا مش متاكد اوى... ممكن يكون فى زيادة او نقص حاجة بسيطة

MMamdouh