اقتباس المشاركة الأصلية كتبت بواسطة Dr-Daly مشاهدة المشاركة
طبعاً أنا متحيز للأوبل عشان معايا فيكترا سي وهختار الأسترا لعدة أسباب:
الجودة والتقفيل بتاع التابلوه& شياكة التصميم الخارجي& وسائل الأمان في الأسترا أفضل زي ماانتا قلت مش دايما هتمشي في وسط البلد& العفشه ومتانة المكونات أفضل في الأوبل عن الرينو& قوة الموتور في أسترا أفضل وأعلي تكنولوجياً& وفي الأخير برستيج الألماني أعلي من الفرنسي لو ده يفرق معاك !!
شكراً يا دكتور...دى أسباب هايلة ترجح كفة الأسترا..بس مش عارف ليه أغلب الأعضاء محدش منهم قال حكاية إن فى الأسترا العفشة والموتور وجودة المكونات أفضل...لو كده يبقى ده سبب كافى طبعاً
فيه مميزات للرينو طبعاً منها: الإنتشار (ميزة وعيب مش هتحس انك متميز زي لو ركبت أسترا) وسعر إعادة البيع (متفرقش معايا لأن بالنسبه ليا العربيه سلعه معمرة مش هتتغير بعد سنه ولا اتنين ولاتلاته انما بنتكلم في زمن من خمس إلي عشر سنين مثلاً.. إنما لو تفرق معاك وهتبيع بسرعه يبقي الفلوانس ميزة عن أسترا الي بالمناسبه مش بتتخسف قوي بردو لكن بتقل بشكل معقول)
ماظنش إنى ممكن أغير قبل 7 سنين مثلا ويمكن أكتر...بس حاسس إنى بدأت أشوف الأسترا كتير اليومين دول..يمكن عشان بدأت أفكر فيها :)
مش عاجبنى فيها بس إنها ضيقة ومش مصفحة من تحت زى الفلونس...تفتكر بتحك فى المطبات وللا إيه؟
 أنا قلت رأيي بناءاً علي معلوماتي من مناقشات الأعضاء ولك الحكم في الأخير
جزاكم الله خيراً