غيرت طقم الدبرياج ......إليكم التفاصيل

**a_mohamedsamir** · 29-01-2014 11:16 AM

تحيه طيبه لحضراتكم جميعا
كان عندى مشكله من حوالى شهر وهى صوت عالى زى صوت صفارة السير
وعملت موضوعين أخذت فيهم رأى الزملاء لأن رأيكم عندى مهم جدا
وكان الرأى الغالب انها مشكلة بلية دبرياج
وتوكلت على الله وقلت أغير الطقم كله أحسن
مع ان الميكانيكى كان بيقول سيبه لما يجيب آخره
لكن أنا قلت ما دام كده كده حبتغير فى النهايه أغيره من دلوقتى و أريح بالى وأريح عربيتى
المهم إشتريت طقم فاليو من عند مكان موثوق فيه زى الزملاء ما قالو
وغيرته الحمد لله والطقم ما شاء الله فرق كتير جدا
مع العلم لما فكينا الطقم الاصلى لقيناه فاليو بس جنب الاسم والعلامة بتاعة فاليو موجود علامة الدايو
شكرا لكل واحد قدم لى نصيحه بخصوص طقم الدبرياج
ولكم وافر الاحترام

**foad2013** · 29-01-2014 01:59 PM

ممكن التكلفه ؟؟

**a_mohamedsamir** · 29-01-2014 03:00 PM

المشاركة الأصلية كتبت بواسطة foad2013

ممكن التكلفه ؟؟

طبعا ممكن:
الطقم كامل (بليه + اسطوانه + ديسك )أقل سعر كان 390 ( فاليو الاصلى)
المصنعيه + زيت الجير بوكس 350
أنا عارف ان كده كتير شويه المصنعيه لكن انا بتعامل مع واحد عارف انه غالى بس
شغله نظيف جدا
و أنا بحب الحاجه تتعمل مره واحده وترجع زى ما كانت
دى صورة الطقم

**ضى القمر** · 29-01-2014 04:10 PM

بالتوفيق بس اللى اعرفه ان الجى ام هوه الاصلى مش الفاليو

**a_mohamedsamir** · 29-01-2014 04:36 PM

المشاركة الأصلية كتبت بواسطة ضى القمر

بالتوفيق بس اللى اعرفه ان الجى ام هوه الاصلى مش الفاليو

جى إم لما بقت شيفروليه
إنما لما كانت دايو مكنش جى إم له صله بيها وكانت فاليو هى اللى بتصنع لدايو الدبرياج

**ahmedaliaeg** · 29-01-2014 08:04 PM

ممكن مكان الشراء

**a_mohamedsamir** · 29-01-2014 08:22 PM

المشاركة الأصلية كتبت بواسطة ahmedaliaeg

ممكن مكان الشراء

حضرتك من القاهرة
أنا من الاسكندريه وعموما انا جايبه من جوزيف اللى فى جمال عبد الناصر ناحية محمد نجيب

**MMamdouh** · 30-01-2014 02:34 AM

المشاركة الأصلية كتبت بواسطة a_mohamedsamir

الطقم كامل (بليه + اسطوانه + ديسك )أقل سعر كان 390 ( فاليو الاصلى)

دا الطقم الفاليو العادى مش الطقم الاصلى على فكرة...

MMamdouh

**MMamdouh** · 30-01-2014 03:21 AM

المشاركة الأصلية كتبت بواسطة a_mohamedsamir

جى إم لما بقت شيفروليه
إنما لما كانت دايو مكنش جى إم له صله بيها وكانت فاليو هى اللى بتصنع لدايو الدبرياج

GM اللى هى شركة جنرال موتورز تمتلك شركة دايو لصناعة السيارات و بعد كدة تم تغيير اسم دايو الى شيفرولية نتيجة اشهار افلاس شركة دايو الكورية

قطع غيار الدايو الاصلية طول مرها GM من اول ما اخترعوها لحد النهاردة و هى بتنزل باسم شيفرولية

GM طبعا مش بتصنع كل المكونات بنفسها فا بتاخد بعض القطع من مصنعين اخرين زى مثلا جيتس فى السيور و بلى الكاتينة و كافوس فى طلمبات البنزين و NSK فى بلى العجل و NGK فى البوجيهات... و فاليو فى اطقم الدبرياج

معنى الكلام دة انك ممكن تلاقى فى السوق منتجات نازلة باسم GM و تلاقيها نازلة هى هى باسم الشركة اللى صنعتها اساسا بس مش معنى انك اشتريت المنتج اللى علية اسم الشركة المصنعة يبقى انت اشتريت الاصلى

غالبا بيبقى فيه فرق كواليتى بين المنتج اللى علية GM و المنتج اللى بيتباع باسم الشركة... حجم الفرق دة مش ثابت... يعنى فى الطلمبات و السيور و الشدادت الفرق لا يكاد يذكر... فى حين ان الفرق فى اطقم الدبرياج و تيل الفرامل اللى كانت بتعملها شركة سانج شاين كبير جدا

الفروق دى بتبان كمان فى الاسعار... يعنى فى الدبرياج و التيل الفرامل هتلاقى فرق السعر تقريبا الضعف فى حين فرق سعر طلمبة البنزين مثلا حوالى 15% فقط

معلومة: طقم الدبرياج الاصلى بتبقى البلية بتاعتة NSK صناعة اليابان

MMamdouh

-

الموضوع: غيرت طقم الدبرياج ......إليكم التفاصيل

LinkBack

أدوات الموضوع

عرض

غيرت طقم الدبرياج ......إليكم التفاصيل - انشر الموضوع فى :

-

-

-

-

-

-

المواضيع المتشابهه

غيرت عفشة امامى كاملة واليكم التفاصيل

غيرت عفشه اماميه واليكم التفاصيل..

حصرياً ... غيرت طنبورة شيري a11 وإليكم التفاصيل :)

اخيرا غيرت زجاج الكليو الامامى واليكم التفاصيل

زيلرة لمشاهدة 206 السيدان و إليكم التفاصيل

الكلمات الدلالية لهذا الموضوع

المفضلات

المفضلات

ضوابط المشاركة