هو ليه الي بياخود هرمونات ( التيستراون ) بيتحول لعصبي بغباء ؟

**trise2** · 31-01-2014 02:04 PM

المشاركة الأصلية كتبت بواسطة Y a r i s

لا وحده وحده علينا كده ياباشا
وفهمنا من الاول ... به
معليش لو فيها تطفل. هو حضرتك دكتور. ام لاعب كمال اجسام ومجرب ام قرئة عن الموضوع باستفاضة ... لان كمان كلمة استاذ سكيرت. انا سمعتها كتيرررر من مدربين. في منهم بيقول الي بيكتر من الحجات دي بيبتدي يبان عليه الاعراض الجانبية. وفي منهم الي قال لا. الاضرار بتبان. من اول ابرة ... لذلك المدربين بيطلبو تحليل وظائف كلى ووظائف كبد وغدة درقية. ودلائل اورام زي ما قولت حضرتك. فعلاً في واحد أكد ليا. أن المنشطات دي بتنشط الخلايا السرطانية في جسم الانسان الي نايمه ... بس كل ما اشوف الونورد مازينجر .... وفندام والاقيهم مشاء ألله ستين ولا سبعين سنه وزي الفل .... ولمن بقلب في صور الشباب واشوف العضلات كده يا مشاء الله وكل عضلة وعضلة ايه مرسومة رسم ومنحوته نحت .

ثانياً : هل أستينازول. هل هو نوع من انواع التيستارون

واغلب المواقع بتقولك ان دي حجات طبيعية موجودة في الجسم لكن. لانك عاوز نتائج افضل. فمحتاج لجرعات اعلى الجسم غير قادر على توفيرها .... وتحياتي

اولا المدربين دول دارسين كام سنه طب قبل مايفتو
ثانيا الخلايا السرطانيه دي خلايا طبيعيه ولاسباب الكثير منها مجهول والقليل منها معروف
زي التعرض الاشعاعي او التغير الهرموني بيتغير تركيب ال dna وتتحول لكائن شرس يتكاثر و يفتك بالخلايا المحيطه به

ملحوظه دلائل الاورام مش مقياس لوجود الورم من عدمه هو مجرد طرف خيط او اشاره قد تكوم صحيحه او لا
اختبارات الاورام معقده جدا بدون تفاصيل
وايضا غير قاطعه

للاسف موضوع الاوارم مرعب لان موته بيبقي مصحوب بالام فوق الوصف وعذابات بتبقي غالبا فوق طاقه البشر… واللي ربنا بيكتبله الشفا بيكون شاف الام من الكيماوي اصعب من الام الاورام نفسها

حضرتك انا شوفت بعيني مرضي اورام كان اخر طلباته ربنا يكتبلهم الراحه وكفايه عذاب كده

وبمناسبه نقطه ان الهرمونات دي حاجات طبيعية موجوده في الجسم زي كلام المواقع
ممكن نقول ان خلايا الاورام دي خلايا كانت طبيعه في الجسم وبتقوم بوظايف هامه كمان

**Y a r i s** · 31-01-2014 03:10 PM

Trise2
صادق والله ... ولسه دافن اعز انسان على قلبي من قريب. بسبب الاورام السرطانية ... وفي اخر اياموا كنا بندعي ونقول يارب خود امانتك وريحوا من شدة الالم ... بس هنا ان انا ببصلها من حيث ان في حجات كتيررر مسببة للاورام من اول السلطة. الي بناكولها للمية الملوثة الي بنشربها لاكل المطاعم لغيروا وغيروا فاذا كان حبل العمر قصير فالواحد هيعيش كام سنة ميعشهم بفورمة حلوة فاهمني ... وتحياتي

**Y a r i s** · 31-01-2014 03:32 PM

المشاركة الأصلية كتبت بواسطة abdulkhaleq

مش بخبي حاجه والله العظيم بس خوف من ان حد تطق في دماغه يجرب مش اكتر :c_laugh[1]:

طيب خد عندك المفاجئه دي
كل البطولات اللي بيقولوا عليها طبيعي هي في الواقع مش طبيعي ولا حاجه
ايه رأيك بقى ؟؟؟
برضه السر فيها في الهرمون وطريقة عمله واخذه, وفي الغالب مالهمش علاقه بالجي اتش عشان مايبقاش عامل زي بتوع كمال الاجسام

في حاجه جديده بقالها سنتين تقريبا اللي هي تصنيف ال physique الى حد ما مش محتاجه كثافه عضليه فممكن تلاقيهم مش عايشين عالهرمون زي الباقي

لا وحده وحده علينا وفهمنا براحة تاني معليش
انتا دلوقتي بتقول ان الاغلب والكل بياخود ... وبنفس الوقت بتقول متاخدوش ... طيب هل في كورسات معينه بتنصح بيها. سواء اكان في الضخامه او التنشيف. او حتى التنضيف .

وهل كورس واحد بس ممكن يعمل مشاكل كتيرررر يعني حاجة كده من نفسك تزبط فيها المسائل ... ولا ايه ... وتحياتي

**trise2** · 31-01-2014 03:45 PM

بص يا استاذ ya-نسبيا-ا كنت هكتفي بكده بس برده مش هسيبك متردد

المساله بالنسبه للمسببات نسبيه…. يعني احتماليه الاصابه نتيجه التعرض للاشعاع متتقارنش بالملوثات الغذائيه مثلا
ففي مسببات ملحوظه بشده واخري تحت بند المخاطر
طبعا هرمون الذكوره بالاخص للشباب فيه احتماليه كبيره لسرطان البروستاتا تحديدا
وبالمناسبه استخدام هرمونات بناء الجسم للسيدات بتكون اامن منها للرجال… طبعا بيستخدم مشتقات منزوع منها الجزء الجنسي
وقد يكون اامن -نسبيا- في استخدامه مع كبار السن لتعويض النقص الطبيعي او فترات النقاهه تحت اشراف طبي دقيق ولفترات قصيره جدا

اما استخدامه للشباب الذكور… فلا يلومن الانفسه

**3mr Farrag** · 31-01-2014 07:31 PM

الاضرار الجانبيه بتاعت الهرمونات و السترويد عامله ذي بتاعت روشته اي دواء
لو قريت مثلا بتاع دوا صداع هتلاقي اثار جانبيه عجيبه و ممكن تلاقي يقولك ممكن توصل للموت
و موضوع الاثار الجانبيه و العصبيه بيفرق من شخص لشخص و بيفرق بالاخص في الجرعات العاليه و الفترات الطويله هي اللي احتمال اكثر تعمل مشاكل

و الجسم عادي بيفرز الهرمون عادي لبعد 30 غير لو واحد عنده مشكله دي حاجه تانيه

المحفزات اضرارها اقل لانه بيشغل الغدد بتاعت الجسم عادي بس بيحفزها انها تنتنج اكثر من المعتاد فا المشاكل اللي ممكن تتعرض للهرمونات اقل كثير

وانيمال تست اللي بتتكلم عليه اللي اعرفه انه مش محفز ..ده سترويد
المحفز اسمه انيمال ستاك

**Secret-Man** · 31-01-2014 08:02 PM

المشاركة الأصلية كتبت بواسطة 3mr farrag

الاضرار الجانبيه بتاعت الهرمونات و السترويد عامله ذي بتاعت روشته اي دواء
لو قريت مثلا بتاع دوا صداع هتلاقي اثار جانبيه عجيبه و ممكن تلاقي يقولك ممكن توصل للموت
و موضوع الاثار الجانبيه و العصبيه بيفرق من شخص لشخص و بيفرق بالاخص في الجرعات العاليه و الفترات الطويله هي اللي احتمال اكثر تعمل مشاكل

و الجسم عادي بيفرز الهرمون عادي لبعد 30 غير لو واحد عنده مشكله دي حاجه تانيه

المحفزات اضرارها اقل لانه بيشغل الغدد بتاعت الجسم عادي بس بيحفزها انها تنتنج اكثر من المعتاد فا المشاكل اللي ممكن تتعرض للهرمونات اقل كثير

وانيمال تست اللي بتتكلم عليه اللي اعرفه انه مش محفز ..ده سترويد
المحفز اسمه انيمال ستاك

احسن رد من واحد فاهم ده الى اقصده بكلامى فعلا

ادويه الطب الى ناس بتاخدها بتوصل لفشل كلوى وكل حاجه عادى جدا لو اخدتها غلط الموضوع مش قاعده انى اسمع كلمه منشطات اجرى واقول هموت ويجيلى فشل والكلام ده انا واحد قريبى مات بسبب مضاد حيوى اخده للبرد وسببله فشل كلوى ومكملش كام شهر ومات عادى ديه امور نسبيه

كلامك سليم يازعيم

**minicooper20** · 31-01-2014 08:55 PM

المشاركة الأصلية كتبت بواسطة 3mr farrag

الاضرار الجانبيه بتاعت الهرمونات و السترويد عامله ذي بتاعت روشته اي دواء
لو قريت مثلا بتاع دوا صداع هتلاقي اثار جانبيه عجيبه و ممكن تلاقي يقولك ممكن توصل للموت
و موضوع الاثار الجانبيه و العصبيه بيفرق من شخص لشخص و بيفرق بالاخص في الجرعات العاليه و الفترات الطويله هي اللي احتمال اكثر تعمل مشاكل

و الجسم عادي بيفرز الهرمون عادي لبعد 30 غير لو واحد عنده مشكله دي حاجه تانيه

المحفزات اضرارها اقل لانه بيشغل الغدد بتاعت الجسم عادي بس بيحفزها انها تنتنج اكثر من المعتاد فا المشاكل اللي ممكن تتعرض للهرمونات اقل كثير

وانيمال تست اللي بتتكلم عليه اللي اعرفه انه مش محفز ..ده سترويد
المحفز اسمه انيمال ستاك

تحياتى يا باشا
يعنى هناخد الديكا كا ميثال بسيط اوى
انك تانجك ديكا فى المطلق كده ده ملوش اثار جانبيه الا زى بتاعت الدواء
لاكن لو خدتها بالعقل و اشراف طبى ميبقلهاش اثر
ده الحضرتك تقصدو ?
و انيمال تيست محفز يا باشا مش هرمون
و الستاك محفز برضو
باشا المنشيطات اصلن امصال للحيونات زى الحصان و الكلاب
انتو ليه بتعملوها اكنها اسبرين ولا دوااستحلاب

**sting_2010** · 31-01-2014 09:14 PM

حلو الكلام ..

بس الدوا اللى حضراتكم بتقولوا عليه ليه مضادات حيوية ...دكتور اللى كاتبه ..وعارف المضاعفات بتاعته واثاره الجانبية وازاى يتعامل معاهها وامتى يقلل الجرعة وماتى يوقف الدواء (سواء مضاد حيوى او مسكن والخ الخ )

انما بقا المنشطات والهرمونات المستخدمة فى لعبة كمال الاجسام (فى الغالبية فى مراكز الجيم فى المحروسة مصر )كل كووتش فى الجيم (الا من رحم ربى )بيبقى عامل نفسه اخصائى هرومنات وغدد وبيدى كورسات ولاهو يعرف اثارها الجانبية ايه ولا بيحلل قبلها تحليل واحد او حتى اثناء الكورس .!!

على فكرة الهرمونات دى اساسا فى الطب بتكتب فى نطاق محدد ولا يكتبها الا طبيب متخصص وليس طبيب عام . فما بالنا بمدرب غير مؤهل (لا قانونيا ولا علميا ) انه يكتب حاجة زى كده ..ََ!! مع احترامى لكل المدربين

ربنا يحفظنا كلنا .

-

-

الموضوع: هو ليه الي بياخود هرمونات ( التيستراون ) بيتحول لعصبي بغباء ؟

LinkBack

أدوات الموضوع

عرض

-

-

-

المواضيع المتشابهه

خبراء التعذية: الفاكهة المتداولة بالأسواق بها هرمونات ومبيدات قاتلة

الفرامل بتقفش بغباء فى الار بى :(

الشرطة شاده بغباء السنين !

موتور لادا مرشح زيت بغباء

.:: هو النت بيتحول ولا ايه للسرعة الأعلى فى TeData .؟!؟

الكلمات الدلالية لهذا الموضوع

المفضلات

المفضلات

ضوابط المشاركة