السلام عليكم ورحمه اللخ وبركاته
مشواري بدا اني وصلت بورسعيد على الساعه 12 الظهر
ونزلت لحد بنك الاسكان عند واحد حبيبي اسمه محمد السوهاجي عند جامع الامام مالك بتاع هوندا ومحترم اوي وسعره كويس
قعدت عنده شويه وقلتله عايز ميكانيكي هوندا يكون جامد ومش يبقى شماط وداني عند واحد اسمه دكتور الهوندا (( واحد اسمه ايمن والثاني مصطفي)) قريب من المحكمه العسكريه المهم دخلت عليهم وفعلا كل اللي واقف هناك هوندات
قلتله انا جاي من طرف محمد قالي اهلا وسهلا خير
قلتله العرابيه مش متظبطه وصوتها عالي قالي افتح الكبوت المهم فتحت ودورت سمع الصوت وطلب وغيرتها
بوجيهات ngk الصفره ب55جنيه
فلتر بنزين 97 ب 75 جنيه
بخاخ تنظيف ب35
وجبت حجات استيراد
رشاشات ب250 جنيه
بليه دينمو ب100
وجبت بالمره تيل فرامل امامي ب110
وهو اخد مصنعيه 100 جنيه
المهم غير الحجات دي ودورت العرابيه لقيت فرق شاسع عن اللون العرابيه بقت ناعمه وعزمها زاد وكله بقى تمام الحمدلله والشغل كله كخدش في ايده ساعه زمن بس الصراحه شغل عجبني