الموضوع: عايزة اعرف لو بعت عربيتي تجيب كام ؟

المشاركة الأصلية كتبت بواسطة Noha-M

حاسة انى بتثبت

انا كدة اتثبت خلاااااااااص

بس فعلا عندكو حق بس مش لدرجه 85 بردو ما هو انا كدة هتظلم كماااااااان :(

يعني هو فيه 1500 مصاريف نقل ملكية و فيه 1500 كماان ازاز يعني 3000 جنيه كدة هو لو ادانى 87 يبقي حلو لياا و ليه و محدش ظلم حد .. ولا ايه؟

بجد مش هتفرق
احسبيها صح هتلقيها حاجات صغيره

المشاركة الأصلية كتبت بواسطة amrnader

على فكرة السيراتو فيه منها الخليجى اتوماتيك شبه بتاعتك و زيادة ايرباج و جنط ب 92، و شكل كده سوقها مش كويس و العرض اكبر بكتيير من الطلب.

انا والله مش مضايقة منها بالعكس بس هو اخويا احتمال ياخدها فكنت عاوزة بس اعرف range الاسعار بالنسبة للمستعمل بس هو لو مش هياخدها انا مش ناوية ابيع اصلا

صراااحه حرااام تبيعي العربيه لسه شبه زيروو هتخسري :(

المشاركة الأصلية كتبت بواسطة coolsh

صراااحه حرااام تبيعي العربيه لسه شبه زيروو هتخسري :(

بظبط الخسارة جامدة اوى كدة و هي لسه زيرو تعتبر و فعلا مشتكتش منها . هو بس اللى مخليها فى دماغى ان اخويا عاوزها فده اللى طرح الفكرة لكن لو هو صرف نظر مش هبيع ولا حاجة و نبقي نعمل upgrade للعربية قدام شوية بعد الجواز مثلا

المشاركة الأصلية كتبت بواسطة karim_monir

عم كلاتاتا
انت كتر الوقفة في صلاة التراويح هاتيجي عليا بخسارة
روستخ روستخ يا زكي يا روستخ
دي نهى لما بتصدق تشبط وتقول بس المنتدى يدفع
ولو قعدت احلفلها من هنا للسنة الجاية اننا مش عارفين هاندفع ايجار الهوست المرة الجاية منين مش هاتصدق(كلمتين عشان تضرب ايدها في جيبها وتتصدق علينا -ها ها)

--------
نهى اولا انا لا اؤيدك في فكرة الازاز الاصلي
والله بتاع جريش زي الفل ولن يزيد عن 400 جنية ان شاء الله وتركيب زي التوكيل بس يتركب في المصنع في العاشر

بالنسبة لتمن العربية عرف السوق تنزل من 5 الى 10 الالاف جنية
وفي حالتك انها مامشيتش لان معدل ال كم في السنة الواحدة بين 20 الى 30 الف كم
وانتي ماشية اقل من 5 الالاف تبقى عربيتك كسر زيرو بجد وكمان ماتكسرش عليها موديل
يعني ما تقبليش اقل من 90 الف اطلاقا
والرسوم على المشتري وانتي ممكن تجاملية عشان مدفعولها ضريبة 3 سنين تعملي توكيل وتشيلي انتي الضريبة الترفيهية 40 جنية عن السنة تقريب كلام فاضي

كل كلامي عرف السوق مش عشان اخوكى
لكن عشان اخوكي تبقى ب 100 الف كفاية استيكرنايل موتورز اللي عليها(هو انتي خدتي استيكر ولا لاء)
ولا هو عشان اخويا ياكلني
انا جاي اهدي النفوس
بقول اقوم الحق الفجر احسن
نيييييييييههههههههههههههه ههههههههههههههههه

بس لو اخويا يبقي 100 الف ؟ ههههههههههههههههههههه

خلييه يجيي يسمعك دة انا قايلاله بص انا هسال الناس و اللى يقولوه يمشي عليا و علييك يبقي كدة مش هوريه غير ردك بتاع ال 100 الف دة :smile: .. المشكلة انو مقضيها استهبال والله و كل يوم يلطش المفتاح و رخصة العربية و بجد انا اخر مرة كنت عاملة بس 3700 كم و منزلتش اى حتة من اول رمضان فبجد لما نزلت و لقيتها عاملة 4500 كم كنت هعمله بوفتييك بجد . لسه امبارح كان عاوز ياخدها و انا شايفاه بيحوم حولين المفتاح و انا عاملة مش شايفة و هو بيلطش المفتاح فى جيبه بعديت عملتله مجنوووووووونة بقا اصل بجد بجد والله مش بخل ولا حاجة بس هو فعلا استعماله مهلك للعربية و انا موسوسة و عندي عقد نفسية و الاقي فيها اكل و تراب و كانزات بيبسي فاضية !! طيب ما ترمووهااااااااااااااا دة غير انه بيخلصلي البنزين فعشان كدة عاوزة اتمنها و لو هياخدها ياخدها من دلوقتي ولا يوجع قلبي ولا اوجع قلبه