الموضوع: عايزة اعرف لو بعت عربيتي تجيب كام ؟

المشاركة الأصلية كتبت بواسطة hanystar

أولا : أنا مش مصدق إنك عاوزة تبيعى العربية بعد كل إعجابك بيها
هتهون عليكى ؟؟؟؟؟؟؟؟؟؟؟
ثانيا : أنا شايف إن 91000 سعر معقول للعربية بس من الأفضل إنك تنقلى الملكية
إلا إذا كنتى قررتى إنك هتديها لمحمد دة وضع تانى ولازم تعمليله تخفيض ولكن مش على حسابك - إنتى برضه هتشترى عربية تانية
ويا ريت معلهش تقوليلى عملتى ايه فى موضوع تركيب الإنذار دة عشان أنا لسه مركبتوش وجبتى نوع إيه وركبتيه فى أى فرع من فروع أدريان .

لا والله يا هانى العربية عجبانى الحمد لله بس بجد الماتيريا بتلعب فى دماغى اوى و لما لقيت محمد عجباه عربيتي و عاوزها فحسيتها فرضة كويسة لكن فكرة البيع نفسها مكانتش واردة اوى فى دماغى

بالنسبة للانذار انا الاول كلمت تانى عمرو دة بتاع ال sales في كيا عشان اتاكد تانى ان الانذار موش بيطلع من الضمان و رحت عند واحد عندنا فى المعادى اشتريت منه الانذار و معاه ضمان لمدة سنة تقريبا و مكتوب عليه sun-iv و هو قالى دة مستورد كله و احسن من الولف و قعد يشتغلنى كدة و كان تمنه 190 المهم رحت بعد كدة ادريان اللى عند عمارات الظباط اللى عالكورنيش قريب من طره و هناك بجد شاطرين جدااااااااا و ماخدش منه تلت ساعة فعلا و اخد حق التركيب 50 جنيه

المشاركة الأصلية كتبت بواسطة hazem_khidr

لاااااااااااا
عداكي العيب ايه
هو علشان اخوكي ياكلك يا زعيمه ولا ايه
لا بيعيها للراجل ب 91 و اشترطي عليه نقل مليكه
هيا فيها رخصه 3 سنين مش كده؟؟
قوليله لازم تسجل
انما لو فيها رخصه سنه مش مشكله قوليله سجل علي راحتك هيا كده كده 6 شهور و يخلصوا
و لازم يسجل علشان يجدد الرخصه.
انما اخوكي ياخدها ب 85 ليييييييييييييييييييييييي ييييه يعني
اقولك سيبيها يا نهي للسنه الجايه و اخدها منك ب 95 كمان
دا كفايه ان انت اللي راكباها:p:p

هههههههه شفت النصب يرضيك انت كدة يا زعييم ؟؟ خلاص انا هسيبها للسنة الجاية و انت اللى هتشيل خلاص؟؟

المشاركة الأصلية كتبت بواسطة karim_monir

يا نهى حرام عليكي
انت عمالة تجربي فينا كل اكواد الالوان اللي في الدنيا
انا بقيت اعمل اديت واغير اللون وارجعة تاني عشان اشوف انتي كاتبة ايه
46 مشاركة عشان بتفكري تبيعي العربية
شكللك هاتاخد 3 سنين سجن
نمنعك من المشاركة وتكتفي بالفرجة
حرام ده انتي بقيتي عضو فضي
يعني فوق ال 1000 مشاركة

طيب قول ما شاء الله او مبرووك حتى مش المشاركات دى انا تعبانة فيها برده ولا ايه ؟؟ و اهدرت من وقتى الثمييييييييييين بعدين اعملكو ايه الالوان اللى فى المنتدى مش عجبانى

المشاركة الأصلية كتبت بواسطة ahmed_su

ايه الخيانة دى يعنى قاعدتى تقولى سيراتو سيراتو لحد ما ادبسنا وجبنها ومسمعناش نصايح الناس اللى بتقول عليها يعععععععع وبعدين تخلعى ...ماكنش العشم

الحاجة الوحيدة اللى تغفرلك تقوللى تفاصيل الانذار.. بكام... ونوعه ايه... واتركب فى اد ايه عاوز تفاصيل مملة ومتكسليش ......ماشى

شفت ؟؟ دبستكو انا فى العربية اليعععععععع و هروح اجيب عربية تانية
والله يا احمد ما خيانة ولا حاجة هيهيهيهيهي , و بعدين العربية في بيتها برده مش طالعة بره ان شاء الله بس ربنا ما يحكم عليك ابدا باللى انا فيه :( بحب الماتيريا اوى والله

هنقول تفاصيل الانذار تانى عشان متزعلش بص يا سيدي جبته من شارع احمد ذكى اللى عندنا فى معادى نوعه sun و هو تايوانى و سعره 190 و قعد يقولي كل اللى موجود دلوقتى بيبقي متجمع فى مصر و وحش و خدي دة على ضمانتى و كلام هجص كدة و الله اعلم اضحك عليا ولا لأ بس خلاص انا مسامحه بس شكله نضيف اوى و الراجل فى ادريان قاللى عليه حلو .. هو جاى بريموتين واحد لونه بني كدة و التاني اسود spare و معاه ضمان الوكيل بتاعه و مكانه التوفيقية لمدة سنة و رحت ادريان و بجد بجد شاطريييين اوى و مخدوش وقت خالص و دفعت 50 جنيه و عند ادريان قاللى برده احنا عندنا ريموتات احسن من دة كمان و 2 way و حاجات اشد بس انا كنت اشتريت خلاص