الموضوع: مقارنة تفصيلية مبين كورولا 2014 و سيراتو 2014

المشاركة الأصلية كتبت بواسطة monamize4

مقارنة ممتازة يا باشا ,, تسلم ايديك
فعلا الكورولا تتفوق ف الامان
لكن imo ان حل المعادلة هو السيراتو الخليجى لان فيها esp


فتيس السيراتو مش CVT
و atmi ان هيونداى-كيا مانزلتش CVT قبل كدة الا ف ال hybrid

شكرا يافندم لتوضيح معلومة الفتيس لأني مكنتش متأكد منها و قعدت دورت كتير بس يمكن اللي وصلتله معلومة غلط.

بالنسبة للامان و الثبات ففي رأي الكورولا تتفوق, و حضرتك بتقول ان الخليجي فيها esp , هذه معلومة غير مؤكدة لأن انا قتلت الموضوع بحثا في الموزعين و الوكلاء :

اولا الخليجي قليل جدا جدا و يكاد يكون بيتطلب بالواحدة, فلو حتي لقيت هتلاقية بدون esp عشان التاجر اللي جابها يكسب فيها و متبقاش غالية.

ثانيا مش كل فئات الخليجي فيه esp اللي بيبقي فيها هو موديل ال 2000 سي سي فقط و ديه معلومة اكييدة, وانا جبتها من موقع كيا الامارات :
http://www.kia-uae.com/specification.php?model=cerato-forte
اما مواقع كيا السعودية و الكويت غير موضحين موضوع ال esp و عاملين لينك للمواصفات علي موقع كيا العالمي و ليس المواصفات الخليجية و مسبتش الموضوع كدة , كلمت صديق لي في السعودية و اكد لي انها بتنزل في ال 2000 سي سي برضو واللي اكدلي اكتر ان كورولا 2014 الخليجي مفيهاش esp الا في ال 2000 سي سي.

ثالثا لو هنقارن مع الخليجي فكدة مش منطقي لا ن بكدة اقدر اقول الكورولا فيها حاجات تانية زيادة زي فتحة السقف مثلا

رابعا فيه زميل قال ان شاف واحدة سيراتو خليجي و بيقول فيها esp انا مصدقه طبعا بس لو ال 1600 سي سي خليجي فيها فئات فهيبقي اللي فيها esp في اعلي فئة و هو بنفسه قال معدية ال 200 الف , فهل يعقل ان ادفع كل ده و خصوصا ان فيه بدائل كتيرة؟ ده الهاي لاين العادية مش بتتباع خالص عشان ب 198 الف و بتتباع الفئة اللي قبليها فما بالك باللي معدية ال 200 الف.

وده فيديو بيوضح الخاصية دي فالكورولا , اكيد لو مش متوفرة كنا هنلاقي العربية معومة و لفت 360 درجة

[youtube]http://www.youtube.com/watch?v=5CUkVwZ2dA4[/youtube]