من 1000 ل 3000 مع جميلة الجميلات

**MaGiC** · 30-09-2008 02:11 PM

المشاركة الأصلية كتبت بواسطة IslamGen2

ماجيك انت عندك نيسان تييدا هاتشباك؟ ، قولنا كدة مقارنة سريعة بينها وبين الجين تو.

والله يا باشا دي حاجه ودي حاجه ميتقرنوش ببعض الجين سبورت والتيدا عاديه ومعايه في الكويت مواصفات خليجي الفرق انها اوسع من جوه والمتور بتعها حامي جدا الجين شكل رياضي ثبات علي جدا بس هما بصراحه ميتقرنوش لان دي دنيا والجين 2 دنيا تانيه خالص والاتنين احلى من بعض هي لو عربيه عائليه تبقه ممتازه وافضلها عن الجين بس لو شبابي الجين طبها تكسب

**r2tarek** · 04-10-2008 05:16 AM

ربنا يحميك ويكفيك شرها ويعطيك خيرها . بالمناسبه انا معايا جين2 تحت 1000 كم بس واحد استفزنى جدا بعربيه ماذا 3 وبصراحه عمرى ماكنت متخيل انى اطلع منه انا قرات ملحوظه (اذا اردت تجاوز مركبات اخرى بسرعه قم بالضغط على دواسه البنزين ضغطا كاملا ) وفعلا عملت ولم اصف لكم ان المسافه بينى وبين العربيه ماذا اصبحت كبيره وفعلا من ساعتها اقتنعت ان جين 2 تستهل على الرغم من انا عربتى اتوماتيك والعربيه ماذا جديده

وكده انا متاكد انى اقدر اطلع من ماذا 3 و الاوبترا

**ahmad alshaaer** · 04-10-2008 08:24 AM

يابرنس خلي التليين يعدي
انا كمان معايا جين 2 2008 ومشيت بيها 4500 كلم
وبشد وبكبس وكيك داون وكل مشيي 170 و 180
ولكن التليين يعدي وغير زيتك وفلترك وتوكل على الله
وربنا يكفيك شرها
اخوك احمد الشاعر

**شريف** · 04-10-2008 11:11 AM

استااذ
r2tarek
tweety26980

اية رايكم فى سحب الاتماتيك و التكييف شغال و انت بتتحرك فى اشارة و كل شوية فرامل؟
السؤال دة مهم جدا لية
وربنا يحرس لكم العربية

**ahmad alshaaer** · 04-10-2008 11:25 AM

والله بالنسبه لسحب الاوتوماتيك والتكييف شغال بتبقى العربيه مخنوقه شويه لحد الار بي ام 2500 ولكن الكلام ده في الغيار الاول والتاني فقط ده طبعا انا بعرفهم في الاوتوماتيك بحكم خبرتي في قيادة السيارات بس انا ماعتقدش ان ده عيب لان التكييف في اي عربيه بيخنق الموتور في الغيارين الاول والتاني سواء اوتوماتيك او مانيوال
وعموما اللي عاوز شد وسحب وتسارع اكتر مش بيحب الاوتوماتيك والمانيوال بيبقى افضل
وربنا يبارك لكل الاناس في سياراتهم

**شريف** · 04-10-2008 11:55 AM

المشاركة الأصلية كتبت بواسطة tweety26980

والله بالنسبه لسحب الاوتوماتيك والتكييف شغال بتبقى العربيه مخنوقه شويه لحد الار بي ام 2500 ولكن الكلام ده في الغيار الاول والتاني فقط ده طبعا انا بعرفهم في الاوتوماتيك بحكم خبرتي في قيادة السيارات بس انا ماعتقدش ان ده عيب لان التكييف في اي عربيه بيخنق الموتور في الغيارين الاول والتاني سواء اوتوماتيك او مانيوال
وعموما اللي عاوز شد وسحب وتسارع اكتر مش بيحب الاوتوماتيك والمانيوال بيبقى افضل
وربنا يبارك لكل الاناس في سياراتهم

شكرا على سرعة الرد
يعنى الواحد لو واقف فى اشارة و كل شوية يتحرك نصف متر و يرجع يقف تانى و هكذا و التكييف شغال دة ملوش اثر واضح و احساس بصوت (تسقيف بسيط) على العربية ؟

**r2tarek** · 04-10-2008 05:31 PM

المشاركة الأصلية كتبت بواسطة شريف

استااذ
r2tarek
tweety26980

اية رايكم فى سحب الاتماتيك و التكييف شغال و انت بتتحرك فى اشارة و كل شوية فرامل؟
السؤال دة مهم جدا لية
وربنا يحرس لكم العربية

بص ياشريف باشا

انا عندى نيسان صنى ومش لاقى اى فرق بينهم خصوصا التكيف شغال على طول وانت عارف زحمه البلد وكان عندى النترا 2007 كانت نفس الموضوع فى الطلعه بذات بس بامانه بعد 2500 -3000 بتفرق عن اى عربيه وعن تجربه بنفسى
بس فى ملحوظه
استهلاك البنزين فى جين2 اعتقط انه اكتر من نيسان صنى وإلنترا رغم كلهم 1600