الموضوع: الباشا طناني ايه اللي انت عملته في عربيتي

كنت قبل كده اتكلمت عن تجربتي الاولي في التعامل مع الاستاذ محمد الطناني لما عربيتي عطلت بسبب الريدياتير و الله يكرمه جالي مشوار ما يعلم بيه الا ربنا من المركز بتاعه الي وسط البلد عابدين الساعه 3 العصر و وقت خروج الموظفين و الزحمه و ازاي جه و جاب معاه صنايعي و العده و الريدياتير و جه بتاكسي علي حسابه و باكد علي موضوع علي حسابه عشان محاسيبنيش عليه
المهم عملت شويه شغل كتيييير جدا عنده و كان بيعرض عليا قطع الغيار منها الجديد بسعر كذا و الاستيراد بسعر كذا و و قاللي لو عايز تجيب انت الحاجه براحتك و لو عايزني اجيبهالك عن طريقي و انا اللي هاضمنهالك و معظم الشغل اللي كان عندي مكنش جامد قوي يعني مش حاجه محتاجه متخصص يعني زي عمره كامله للفتيس الاوتوماتيك و تغيير مجموعتين و تغيير البودي بلف و اللي ميعرفش اه هوه و عباره عن صندوق سحري متوسط الحجم لما بيتفك عامل زي المتاهه بالزبط ( السلونيودس ) عقل الفتيس يعني و نضفه و ظبطه و تغيير قطع داخليه بالفتيس و ده طبعا بالنسبه لفتيس اوتوماتيك حاجه عاديه جدا طبعا مش محتاجه خبير يعني
و بالنسبه للموتور كنت عايز شويه حاجات بسيطه جدا تغيير طقم شنبر و بالمره جوانات و كاوتش صبابات و حاجات كتيره قوي كده مش فاهم ايه اهميتها مع العلم ان الاستاذ محمد كان بيعرض عليا ان القطع اللي حالتها اقل من 70 % مش لازم تتغير و لو اقل هايغيرها و انا عملت فيها الناصح و رحت جبتله قطعه غيار قال عشان حسيت انها غاليه طلعت مش نافعه و مع ذالك اتصرف الاستاذ محمد و جابهالي و علي فكره معظم قطع الغيار او الجوانات اللي ركبتها عندي كان الاستاذ طناني جايبها لعربيته هو عشان كان بيعمل فيها شغل برضه
المهم بقي جت لحظه الجد و هي لحظه الحساااااااب و انا قلبي يبلعب جوه صدري من ساعه الحساب عشان انا كنت خايف من خبرتي و لفي ليل و نهار مع صنايعيه و فتايين المهم لقيته بيقولي بعد الفاتوره و في خصم علي المصنعيات مع العلم و ان مصنعياته كانت عاديه جدا او اقل شويه كمان عشان الراجل شغال في الماني اوبل بقي يعني حاسيبني علي اني صاحب عربيه فيات كمان مش ياباني
و اداني علاياتين جي ام اصلي استيراد هديه و و المهم اني بعد ما مشيت من عنده قعد يتصل بيا عشان يطمن اخبرا الشغل ايه و اخبار الفتيس و الموتور في التليين و خد بالك و امشي بالراحه و متجريش يا عم انت هو انا عبيل صغير معاك اكيد دي الغاليه قوي و عشان حاله العربيه كمان انها اول مره يتعمل فيها شغل في الموتور و العفشه من 98
و بعد ما لينت العربيه قولت اروح للراجل اغير زيت و فلتر و بالمره احط العربيه علي الجهاز غلاسه مهو طالما ان الراجل طلع عسل كده يبقي تاكله كله بقي و بعد كده بقوله يا باشا الحساب قاللي يحنن يعني ايه طيب الجهاز ولا الكشف علي العربيه من تحت عشان كان في صوت ونه و رفع العربيه و و شويه طربيت و تزييت و بنزين و مياه و مياه خضره للريدياتير طب اي حاجه قاللي تعالي نشرب قهوه عجب واحد صاحبه جايبهاله من البرازيل و عجبتني بصراحه و اخدت شويه منها في قرطاس كمان و عزمني علي الغدا و كل ده و مش عايز تاخد حساب قاللي يا عم خلص عايزين نروح ننام عندنا شغل بكره
و للحديث بقيه ان شاء الله

المشاركة الأصلية كتبت بواسطة hossam99

ده العادي من طناني
أزيك يا أستا شادي
لسه سايبه حالاُ و كنت بعمل صيانة في عربيتي البيجو و عادي

لغاية دلوقتي جربت المركز في 4 عربيات من مختلف الماركات
أولهم الإلنترا و دي أسهل العربيات اللي بيشتغل فيها
و بعدها البيجو 307 و شغال فيها عادي (صيانة كامله)
و بعدها الغالية المازدا الفاميلي و غير فيها عفشة كامله من الألف للياء (حضرتك حضرتها يا أستاذ شادي) المهندس أحمد أبو بكر و محمد أبو كف عملو مجهود عالي
و النهارده البيجو 407
أكبر مميزاته إن الشغل علي قد الموقف بدون تهويل و لا فتح شغل و مصنعية مناسبه للشغل و أقل من أي جزار من جزارين بره
و كمان بيسعف الناس لو العربيه عطلت في الطريق وحصلت قدامي كذا مره

كل ده كوم و كرم ضيافته و سماحتة كوم تاني

الصنايعي اللي ماسك عنده أسمه محمد أيو كف راجل مطيع جدا و بيعمل الصح التلكيك و التلزيق لأ

شكرا يا طناني باشا

حسام باشا ازيك و عامل ايه يا رب تكون في احسن حال يا رب ان شاء الله و اشوفك علي احسن حال
و الله يا استاذ حسام الراجل ده الواحد مش عارف يعمل معاه ايه ولا ايه ولا يشكره علي ايه ولا ايه ولا حتي يشكره ازاي ربنا يباركله و يكرمه يا رب ان شاء الله