يا رجاله انا شديت امبارح مع عربيه اسبيرنزا 1600 على المحور مش عاوز اقول انها بهدلتنى بس كفايه انى اقول انها سبقتنى كان تسارعها احسن منى وده جننى


المهم انا عاوز اعرف جابه كام سؤال
اولا يعنى ايه الموتور واخد هوا لان انا روحت لعصام قالى ان كاوتش السيرفو عندى بايظه وانها خلت الموتور واخد هوا علشان كدا الاربى ام عندى على 5 بس مش 10 هو الكلام ده بياثر على التسارع ولا رايكم ايه يعنى لما يغيرهالى هل تسارع العربيه هيزيد وهحس بالفرق ولا لا

تانى حاجه قالى ان السخان عندى ضارب انا مش عارف اجيب واحد تانى ولا اعمل ايه هو بيقولى هلائيه عامل حدود 100 جنيه هل ده بياثر على السحب ولا ايه ؟؟؟

تالت حاجه الزيت انا غيرته بفالوفين لزوجهه تقريبا 15-50 مش فاكر بس هو 5000 بس محستش بفرق وصوت الموتور عالى ولما جيت اشوف مقياس الزيت لاقيته زياده شويه هل الكلام ده ايه اثره وياترى لو غيرته ب كاسترول او شيل الاصفر سحب العربيه هيزيد ولا هيفضل زى اما هو

رابع حاجه هو سير الكاتينه لسه مغيرتوش انا عارف انه لو قطه هيبقى نهار ابيض بس هحاول اغيره قريب

خامس حاجه العفشه انا غيرت مساعدين ورا بزيت استراد وحطيت علايه علشان لما حملت العربيه الشكمان كان بيحك على الاسفلت بتاع الدائرى بالرغم من ان الجنوط مقاس 15 و كاوتش 195/55 المهم انا عاوز اغيرها بهوا ياترى لو غيرتها بهوا وسقط العربيه شويه هتفرق معايا فى سحبها ولا ايه

سادس حاجه ممكن حد يقولى يعنى ايه انضف المينافول وازاى انضفه لان فى واحد قالى نضف المينافول هتلاقى العربيه بتطير طيب انضفه ازاى وفين

المهم انا العربيه اخرها 170 كم / س ده على العداد بس فى الحقيقه بسبب الكاوش الكبير سرعه العربيه بتبقى 176 تقريبا ممكن تنصحونى اعمل ايه علشان العربيه سحبها يزيد وتوصل معايا لسرعه 200 على العداد ومحدش يقولى ان الموتور ال aee اخره 170 لان ال 170 دول rpm 4500 وفى ناس تانيه قفلت ال 200 وبتجيب ال 120 على الغيار التانى وانا بجيب ال 100 على الغيار ال 3 بالعافيه وبحس ان الموتور هينفجر منى
على فكره انا مغير فلتر و زيت و بوجيهات ومنضف البوابه وحاطيت ماكس 44 منضف دوره وقود والكلام ده من اسبوع ومفيش اى فرق
صحيح محدش يعرف حد يكشف على زيت الفتيس او يزوده قريب من ال20 فيصل ويقولى ايه لزوجه زيت الفتيس بتاعنا علشان كل ماروح بنزينا يقولى مافيش تغير زيت ياما يقولى زيت اتوماتيك بس وليه ياترى دور زيت الفتيس يعنى لو زودته ايه الفرق اللى هحس بيه فى السرعات