بص يا باشا النيسان الجديده عالجو فيها مشكلتين...اول حاجه الصالون الضيق ف النيسان القديمه وبقت واسعه جدا بصراحه والحاجه التانيه استهلاك البنزين العالي جدا ف القديمه برضه النيسان الجديده احسن كتيير...غير كدا بأه مش هتاخد م العربيه اي حاجه..عربيه مكنه هندي وفتيس ياباني وتقفيل مصري وصاجها ضعيف جدا مقارنه بالقديمه وثباتها بعد 120 متنتظرش منها ثبات بعكس القديمه كانت معايا لحد 150 و 160 والعربيه تقيله..يعني م الاخر انا شايفها عربيه حلوه ف المدينه لكن مش بتاعه طريق لو ليك ف الجري لكن لو سواقتك هاديه مفيش مشاكل ....دا غير الكاوتش الصيني مش بريدجستون ياباني زي القديمه
انا مش بهاجم العربيه ف حاجه لكن انا شايف ان سعرها بالنسبه ليها كتير ومتستاهلش 120 الف اللي هيدفعوا فيها وكفايه انها تقفيل مصري وهتحس بيه زي منتا قلت ف قفله باب...ف مكنه ازاز...ف سنتر بيعلق...وكهربه العربيه بتبقي مصري وحط تحتهاالف خط...انا مغير ضفيره كهربا ب 3000 جنيه ف عربيتي علي حساب الضمان طبعا ودي نقطه حلوه ف حق الضمان..لكن برضه نرجع ونقول لو عربيه تقفيل ياباني مش هيظهر فيها كلام من دا...لا عمرنا سمعنا عن متسوبيشي ان فيها مشكله ف فرامل ولا قفله باب ولا ضفيره كهربا ودا رأيي المتواضع
المفضلات