الموضوع: أدخل قولنا خسائر متعلقاتك بسبب أطفالك

يا ريس ده الطبيعى
ربنا يبارك فيها و تشوفها عروسه
الأطفال فى السن ده بيكون عندهم حب المعرفة أكتر من اللازم, يعنى عاوز يتعرف على العالم كله فى فيمتو ثانيه
و أجمل ما فى الموضوع, أنك لو إديتهم أى لعبه أو جهاز مهما كان معقد التركيب
فى غضون من 5-10 دقائق بالضبط يتحول الى قطع غيار (كل جزء مستقل بذاته)

فيهم ميزة كمان ممكن تستغلها
عندك درج أو دولاب مليان كراكيب و نفسك تفضيه
سيب حنين عليه بس
و برضه فى دقائق هتلاقى الدولاب بقى نضيف تماماً بس متسألش الحاجه إللى كانت فيه راحت فين !!!
و طبيعى تلاقى سيدهات فى وسط دولاب المواعين فى المطبخ
عادى لو لاقيت كنكه القهوه فى الصالون
و مش غريب انك تلاحظ نقوش فرعونية على جدران المنزل (جينات القدماء المصريين)
و علشان تبقى بابا حلو , لازم تعتبر ده الطبيعى
أعانك الله

تحياتى

:) :) :) :) :)

3 ماوس واير ليس ( الغريب انى مش بلاقى الموس اصلا )
جلاكسى تاب كسر فى الشاشة
سماعة بلاتوز
2 سى دى بلاى ستاشن 3 سعر الاسطوانة 500 جينة
نظارة اوريجنال
تقريبا كل اسبوع حاجة
لو فى اسبوع حنين بينتى مكسرتش حاجة بقلق عليها اووووى

تليفون سونى اريكسون اترمى فى التواليت من كام سنة

انتريه الجواز بتاعى اتغير بعد الجواز بحوالى 3 سنين بسبب انه مستحملش معاملة بنتى الغير آدمية

حكاية بقا من واحد صاحبى:
غير موتور عربيته وولاده ضيعوا ورق الافراج الجمركى بتاع الموتور وقلب الدنيا عليه اسبوع مش لاقيه واضطر يركب الموتور القديم ويبيع العربية ... المهم انه لقى ورق الموتور بعد 3 سنين ههههههههههههههههه