السلام عليكم ورحمه الله
مما لا شك فيه ان أطفالنا الجمال اللطاف بيجيدو التعامل مع مقتنايتنا الشخصية زي الساعات الابتوبات الموبيلات -..........الخ
والشقاوة دي مبتقلش بالعكس دي بتزيد يوم بعد يوم
ومهما عملنا وخبينا منهم حاجتنا الشخصية برضه فالاخر لازم ينولنا من الحب جانب
وانا هحكي عن البنوته بنتي
مودومازيل حنين التي تبلغ من العمر سنة وسبعة شهور
في إتمام عمرها سنة و3 شهور كسرت شاشة الموبيل النوت 2 حقي
وفي تمام العام ونصف كسرت السي دي بتاع لاب توب والدتها وخلت الاب عريان من غير سي دي
وده من فرحتها العارمه باللعب في زر السي دي ومشاهدتها الباب وهو يخرج من مكانه
كسر جميع ألاقلام وتقطيع جميع ألاوراق التي بالمنزل والشخبطة عليهااااااا
وفي غضون ألايام السابقة قامت بكسر الاب توب بتاعي ورميه عاليا
وبما ان الاب بتاعي ميتال انما في شرخ وكسر في الجانب الشمال
بالرغم اني بختار الاماكن صعبة الوصول لتخبئة الاشياء مثل الدولاب -العسكري - الثلاجة
ده غير أطقم الكوبايات والعابها الشخصية وخلافه
وربنا يديمها علينا نعمة ويحفظها من الزوال
حد شاف كده قبل كده
احكو تجاربكم لو عندكو زي انسة حنين