أسئلة عن البيتل

**matrix_it** · 09-02-2014 02:41 PM

السلام عليكم
عندى كام سؤال عن البيتل
الدواسات قريبة جدا من بعض لدرجة تخنق و تقيلة ؟؟
الموتور بتاعها صوته عالى ؟؟ و بيعيش قد ايه (عمرة كل سنة مثلا) ؟
فراملها قوية يعنى اقدر اسافر بيها و انا مطمن ؟
ايه احسن كراسى تركب عليها و سعرهم كام ؟؟
ينفع يركبلها جنوط سبور 16 ؟؟
لو عايز ارشها ميتاليك تكلفنى كام ؟
ينفع يركبلها تكيف حتى لو غالى شوية ؟

ايه افضل حالة كويسة و اصرف شوية عاليها ولا اجيبها هيكل و ابدأ معاها من الصفر ؟؟
و شكراااا

**Astra Lovers** · 09-02-2014 04:02 PM

دواساتها قريبه وتخنق بس مش تقيله
موتورهت فعلا هتسمعوا وانت جوه بس مش بنفس درجه الصوت بره بس هتسمع هتسمع يعني
عمره انت ودوستك
اي كراسي ممكن تركب عليها ممكن بتوع الجولف
ممكن تركب جنط ١٧ عادي بس هتنشف اكتر ماهي ناشفه
بيركبلها تكييف بس مش هيكيفك
الرش مش هيقل عن ٣٠٠٠
ورايي تصرف عنها نظر لانها خلاص مبقتش موضه زي اول التسعينات كده راح عليها وبدل متصرف وفالاخر تلاقي نفسك دافع مبلغ علي لا شيى اشتري حاجه انضف

**fouaa** · 16-02-2014 02:38 PM

معالى الباشا
بالنسبه لموضوغ الدواسات ده هما يمكن شكلهم قريب من بعض بس فالغالب مفيش منهم ادنى مشكله نهائيا يعنى عمر مهتيجى تدوس على احدى الدواسات وتلاقى نفسك دوست على دواستين فنفس الوقت
بالنسبه بقى لصوت الماتور الى بيبقى مسموع جوه العربيه ده هتسمعو بس فحالت ان العربيه مفهاش عوازل العربيه بتتعزل كويس بالفوم واللباد ومبيبقاش فى صوت جوه على الاطلاق
نقطه الماتور والعمر الافتراضى او قوه استحماله بالنسبه للزمن دى هتتوقف على حاجتين اهتمامك بيه مبين تغير زيت وظبط تاكيهات .
كمان فعلا الدوسه والحرق على الماتور بيفرق معاه كتير جدا
تركيب تكيف على ماتور البيتل غير مستحب خالص لانو هيبوظ الماتور هيخليه يرزع
لو عاوز بقى ترتاح من ماتور البيتل وعاوز تجرى وتركب تيكف وتبقى كمان وفرت فلوس وزودت الاداء اكتر من الضعف ممكن تركب ماتور جولف 3 1800 abs
فارمل العربيه كويسه وبتسافر ومن غير اى قلق لاى مكان
احسن كراسى بتركب على البيتل كراسى اى عربيه كوبيه بس بيبقو غاليه البديل ليهم انا مركب كراسى المتركس حلوه اوى على العربيه وفى كمان كراسى التريوس التسعينات حجمها ممتاز جدا وممكن الانوس واسعارهم كلهم دول بتراوحو مبين 700 ل 900 حسب الحاله
العربيه بيركبلها جنوط 16 بس هتخلى الكسرات بتاعتها موش مرتاحه زاويه الكسره هتقل عن الجنوط ال 15
رش العربيه ميتالك بقى زيو زى اى عربيه عاديه
فالنهايه عاوز اقولك ان البيتل بالرغم من انها عربيات قديمه جدا بس لا تقارن نهائيا بال 27 ولا 28 مينفعش اصلا يتحطو معاها فمقارنه من اى نوع واسئل مجرب .
وتحت امرك فاى استفسار تانى

**matrix_it** · 17-02-2014 12:20 AM

ممكن اعرف المبلغ المطلوب لشراء بيتلز حالة زى الحالة اللى حضرتك بتتكلم عنها !
معلش موديل 1302 و 1303 قطع غيار عفشتهم متوفرة و رخيصة ولا لا غالية ؟
سعات بلاقى الفوانيس الخلفية بارزة لبرة و سعات بلاقيهم مسطحين ممكن اعرف ايه الفرق ولا عادى بيتغيروا ؟
و شكرا لحضرتك جداااااااا

**matrix_it** · 17-02-2014 01:03 AM

موتور الجولف 3 حجمه كبير و هضطر ارحل شوية ؟ ولا الباب هيقفل عادى من ورة ؟

**fouaa** · 17-02-2014 08:57 PM

ازيك يا باشا
والله بالنسبه لسعر عربيه جاهزه فيها ماتور جولف انصحك تجيب وحده انت وتشدها على ايدك على الاقل هتبقى عارف كل خبايها ومفيش حاجه هتتفاجى بيها كونك معندكش الهيستورى بتاع العربيه
ولو انت فعلا ناوى تجيب بيتل خليك فال 1300 اكثر ثباتنا وارخص فقطع الغيار بكتير وحاجاتها متوفره جدا ومن قدام فيها مكان للردياتير موش هتحتاج تقطعع كتير فجسم العربيه وده فحاله تسقيط ماتور جولف
الماتور طويل شويه عن الماتور الاصلى لانو بيتحط بالطول القصه كلها فباب الماتور هتقطع فيه حته موش كبيره ممكن تعملها فيبر وممكن تطرد الباب ورا شويه على سبيل التهويه وشكلو بيبقى كويس انا شخصيا عامل كده وزى الفل

**fouaa** · 17-02-2014 08:59 PM

الفوانيس الكبيره دى الاصليه بتاعت الموديلات من اول سنه 70 وانت طالع الغاطسه دى افتكاسه بيقلدو فيها البيتل الجديده وبحس ان شكلها وحش وكمان مش محميه من الطينه والميه كويس زى الفوانيس الكبيره بس فالنهايه كلو بيركب وهيا ازواق

**matrix_it** · 17-02-2014 09:45 PM

انا بشكر حضرتك جدااا بس عندى سؤال الموتور الجولف 3 بالتكيف و التركيب هيكلف كام ؟
التكيف ادائه هيبقى قوى ولا ضعيف ؟
و لو عايز اعدل الفرامل هتكلف كام ؟
اشكرك شكرا جزيلا

**reddragonmezo** · 18-02-2014 12:12 PM

المشاركة الأصلية كتبت بواسطة matrix_it

انا بشكر حضرتك جدااا بس عندى سؤال الموتور الجولف 3 بالتكيف و التركيب هيكلف كام ؟
التكيف ادائه هيبقى قوى ولا ضعيف ؟
و لو عايز اعدل الفرامل هتكلف كام ؟
اشكرك شكرا جزيلا

لو انت ناوى تخلى العربية البيتلز للمشاوير البهدلة فى شوارعنا الجميلة دى يبقى يستحسن تسيبها على حالتها بدون لعب فى الماتور او تغييره
لو انت ناوى تجيبها علشان انت حابب العربية ونفسك تبقى راكبها وتعمل فيها كل اللى بيتعمل فى العربيات الاحدث منها يبقى تعمل حسابك انك توفر فوق مبلغ الشراء مبلغ التعديل ويكون قده مرتين على الاقل لان التعديلات كلها بتتعمل بس بتبقى مكلفة جدا يعنى عندك ممكن تجيب الماتور الاصلى بتاعها (نفس الشكل يعنى ويركب بدون اى تعديل) ممكن تجيبه من بره يتكلف حوالى 25 الف جنيه مصرى وتجيب الكيت بتاع التكييف اللى يركب على الماتور الاصلى (الكيت كامل الكباس + المواسير + الجريلات اللى تركب تحت التابلوه + السربنتينه ) تجيبها من على النت بـ 1500 دولار امريكى يعنى حوالى 10 الاف جنيه مصرى
يعنى علشان تعمل اى تعديل هتتكلف كتير جدا
بس زى ما الناس كلها اقرت ان 1300 افضل وارخص فى قطع الغيار من 1302 و الـ 1303

**matrix_it** · 18-02-2014 08:44 PM

تمام انا فهمت وجهة نظر حضرتك !
انا عايز عربية اتعلم عليها السواقة كويس جدا اعتقد انى هتعلمها بسرعة لانى سوقت شوية لما طلعت الرخصة + انى بحب السواقة
انا عايز عربية تعمل 100 كيلو فى اليوم بالكتير ! بس تستحمل السفر لانى وارد اسافر اصطاد بيها لاكن مش سفر شغل
و تكون صوتها واطى و بتجرى شوية لانى شاب (فى جميع الحالات هغير الصالون و طارة الدريكسيون والجنوط )
و بالمرة بفكر ارشها و لو محتاجة سمكرة اعملها
فا انا عايز عربية رايقة مش عايز عربية مبهدلة
فا فكرت اجيب بيتلز هيكل و اعملها من الأول اعتقد مش هتكلفنى اكتر من 15000 بالموتور 1800
ولا حضرتك شايف اجيب حالة متوسطة وخلاص ؟
انا عايز حاجة رخيصة و كويسة و بصراحة مرعوب من موتورها 1300 و صوته عااااااااااااالى و مش بتاع جرى

الموضوع: أسئلة عن البيتل

LinkBack

أدوات الموضوع

عرض

العرض المتطور

-

-

-

المواضيع المتشابهه

فتيس البيتل

اكصدام البيتل

فرامل البيتل

قطع غيار البيتل

تشحيم البيتل

الكلمات الدلالية لهذا الموضوع

المفضلات

المفضلات

ضوابط المشاركة