الموضوع: أسئلة عن البيتل

المشاركة الأصلية كتبت بواسطة reddragonmezo

المشكلة ان العضو اللى مركب الماتور الـ 1800 سى سى فى عربيته مركبة من 2012 وانا نفسى يقولنا ايه المشاكل اللى واجهته بعد مدة من التركيب اكيد فيه عيوب بتظهر لما تعمل تعديل بالشكل ده ممكن ماتظهرش فى وقتها ممكن تظهر بعدين

مساء الخير يا جميل
اولا بالنسبه للموضوع تركيب ماتور جولف فالبيتل القصه اسهل مما تتخيل ونسبه التعديل فالعربيه لا تعد تعديل نهائيا لان كل التعديل بيبقى فحاجه وحده بس وهيا عمل فتحات للردياتير وفتحه تانيه فباب االماتور لان الماتور هيبقى بارز شويه صغيره عن الباب
تعالى بقى نمشى من الاول خالص خطوه بخطوه
رقم واحد وزن الماتور الجديد الجولف اتقل من وزن الماتور الاستوك ب7 كيلو جرام وده وزن لا يزكر
اتنين كل عشان الماتور الجديد يركب بيحتاج ادابتور او بلاطه بتخلى ماتور الجولف يركب بنفس الطريقه الى بيركب بيها ماتور البيتل يعنى موش هتلمس شاسيه العربيه
بعد كده لو عاوز تزود اداء الفرامل شويه بيتغيرلها الطنابير الاماميه بالطنابير السكاكين بتبقى احسن بكتير
فالنهايه وبعد سنتين شغل مع العلم انى انا غير استخدامى اليومى للعربيه وبسافر بيها كتير وبنزل بيها سباقات سرعه (تايم اتاك ) احب اقولك ان مفيش مشاكل تذكر نهائيا بخصوص تركيب الماتور الجديد العربيه بتعملها الصيانات العاديه زيها زى الى بالماتور العادى اما عن المزايا الجديده فهيا قوه فالاداء لو عاوز تجرى وتحرق موش هتبقى خايف استهلاك البنزين قل للنص بالظبط او اكتر شويه واهم ميزه فرق ملحوظ فقطع الغيار ده للماتور من نحيه الفلوس والاتاحه جديد واستراد وفكزا مكان اخر حاجه هتعجبك بقى السرعه القصوى 185 وده على ال جى بى اس وقايسو مع عربيه ماشيه جمبى عشان متقوليش عرفت منين وانت اخر العداد عندك 160
وشكرا

عشان تشغل التكيف بقى الماتور بيجى بالكباس وده يعتبر نص المشوار الى هتحاجتو بالظبط تلت حاجات سربنتينه بالمروحه وخراطيم والكيت الى جوه العربيه وده فالحرفين بتاع عربيه اسكودا ليها كت عباره عن صندوق جواه المروحه والكويل ومخارج الهوا الى بيركب فالجريلات وشكرا التعديلات موش هتصرف كتير ولا حاجه

انا كمان عاوز اضيف معلومه مهمه جدا ان 80 % من العربيات المكروباص الفولكس خصوصا الباص 80 مركبه ماتور الجولف ده ودى عربيات بتشتغل يعنى لو كان فى مشاكل معتقدش كانو لجؤ للحل ده الناس دى موش بتاعت رفاهيه قد الشغل وكمان انا اعرف عربيات بيتل كتير عامله الموضوع ده ومحدش اشتكى :)

دواسات العربيه ناعمه عاديه يعنى وموضوع رجلك متعلقه او على الارض دى برضو تععود يعنى مفيش حد راكب بيتل بيعانى من المشكله دى خالص
بيركبلها جنوط اسبور ليها فالسوق شكلين بنفس ابعادها وفى استراد ولو عاوز بقى جنوط اسبور عاديه هتخرم فالطنابير وتركب جوايط وكده احسن من الفلنشات وارخص بكتير وعلمليه جدا
التكيف هيبقى ادائو كويس العربيه صغيره انا اعرف واحد صحبى مركب تكيف
الماتور بالتكيف هيبقى فحدود 4000
ينفع تجيب فتيس اتوماتك بتاع بيتل موجود تمنو 2000 جنيه بس ادائو موش حلو لو انت عاوز تجرى المانوال احسن