الموضوع: فلاتر المياه .. من جديد !

المشاركة الأصلية كتبت بواسطة amrelsha3er

الله ينور عليك ياباشا هو ده اللى انا ناوى اجيبه ايه رايك فيه؟ ايه اللى حرقه؟! ياريت معلومات عنه اكتر من حضرتك وسعره كم دلوقتى فى ناس قالتلى ب1700 مغطى بالكامل تشوف ببس شاشه ديجيتال ومعاه التانك بتاعه
والمتعرى تشوف ال7مراحل قالى ب1500 هل كد غالى؟!!
ياريت اللى يعرف يفيدنى

معرفش بصراحة ايه اللي حرق الموتور هو فجأة كده طب ساكت بس أنا من ساعتها مغيرتوش والفلتر كان شغال عادي بس كان الخزان بيتملي ببطء طبعا غير الموتور لما كان شغال
أنا أول مرة أعرف حوار المتغطي والديجيتال ده دلوقتي منك ، ياريت حد يفيدنا بخصوص الموضوع ده
وأنا مفروض اللي كلموني على الفلتر ب1750 ده مجابوش سيرة ديجيتال ولا يحزنون يعني غالبا حرامية كانوا عايزين يبيعوهولي بالمبلغ ده وهو ب1500 أو ب1200 على حسب الإخوة ما قالوا ، أنا هكنسل الناس دي بس ياريت حد يدلنا على ناس محترمة أسعارهم معقولة وفي نفس الوقت الفلتر يكون نضيف مش ضحك على الدقون

المشاركة الأصلية كتبت بواسطة midnightman_74

يا جماعة الفلتر السبع مراحل أحسن فلتر فى السوق اللى فية ممبيرين زى ما الأخوة قالوا علية ro
انا عملت قياس للأملاح الذائبة ( tds) ولقيتها قبل الفلتر ٣٥٠ وبعد الفلتر ٢٠
مع العلم ان الأملاح الذائبة فى احسن مية معدنية هى ١٣٠ ذى نستلة ودة هتلاقية مكتوب على زجاجة المية المعدنية

نصيحة أخيرة بالنسبة لتفاوت لأسعار الفلاتر
أنا اعرف واحد جالوة فشل كلوى وعمل عملية زرع كلى وعاش سنتين بعد العملية ومات بسبب الكلى المزروعة
عملية زرع الكلية والأدوية اللى خدها بعد العملية كلفتة ربع مليون جنية !!!!

ياريت تجيبوا احسن فلتر من غير ما تلفوا كتير على فروق الأسعار .....

هي مش مسألة لف كتير على الأسعار بقدر ما هي محاولة للحصول على حاجة مضمونة وكويسة بدون اشتغالات في الأسعار وأكيد اللي هيفكر يجيب فلتر ب1750 أو 1500 أو حتى 1000 جنيه بيفكر برده في الحفاظ على صحته بالرغم من إن المبلغ ممكن يكون أكتر من راتب شهر لناس كتير ده غير تكلفة تغيير الشمع الشبه شهرية
وربنا يحفظنا ويسلمنا من كل شر هنلاقيها من المياه ولا من المبيدات المسرطنة اللي في كل المزروعات تقريبا ولا من الأطعمة الفاسدة والمنتهية الصلاحية ولا من تلوث الهواء ولا ولا ولا ..... ربنا هو الحافظ