الموضوع: فلاتر المياه .. من جديد !

المشاركة الأصلية كتبت بواسطة amrelsha3er

ايه الاخبار ياباشا؟! طمنى عشان انا برضو بجيب واحد

أنا لسة قافل مع الراجل حالا
من كلامه يبدو إنه محترم وأمين وقالي على كل اللي حاجة بأمانة من غير كلام الضحك على الدقون بتاع الفلتر أمريكي والكلام ده
هو قالي في أنواع مختلفة لل7 مراحل في حاجات كلها صيني وفي حاجات كلها تايواني وفي حاجات أصلها شركة أمريكية لكن متصنع في تايوان برده لكن الممبرين بتاعه أمريكي
أسعار التايواني 1200 - 1350 - 1450 وده أنضف حاجة وعليه عرض لأن أصله ب1550
هو موجود في بنها شارع المرور لكن بيوصل للقاهرة عادي وممكن بالقسط برده بس الراجل شكله تعبان من موضوع التقسيط ربنا يعينه
لو هتقسط على 3 شهور المبلغ كله هيحسبلك أبو 1450 زي ما هو يبقى كده 1450 / 3= 483 جنيه تقريبا كل شهر
لو هتقسط على 5 شهور يبقى المبلغ 1550 هتدفع 550 مقدم و200 جنيه كل شهر
بالنسبة لقطع الغيار قالي الموتور النضيف بيعمل 250 جنيه لكنه استبعد ان الموتور اللي عندي يكون اتحرق لذلك قالي ممكن يكون أدابتور وده بيعمل حوالي 120 جنيه النضيف برده أو قطعة تانية صغيرة ممكن تكون هي السبب ودي ب40 جنيه
الممبرين النضيف الأمريكي ب350 وفي أسعار أقل من كده
ال3 شمعات اللي بعد الممبرين (الخامسة والسادسة والسابعة) في تايواني نضيف ب120 جنيه ال3 شمعات ! (الشركة التانية كانت قايلالي كل شمعة ب100 جنيه)
أنا اتفقت معاه إني هكلمه لما أجهز يبصلي على الفلتر لو محتاج صيانة بس ومش هتكلف كتير يبقى يعمله صيانة لكن لو هيدخل في مبلغ جامد يبقى هجيب واحد جديد أفضل
خلاصة الكلام الراجل شكله كويس وإن شاء الله هتعامل معاه وأنا كنسلت أساسا مع الشركة التانية اللي كانت كلمتني في الأول لأني حسيت إنهم بيشتغلوني في الأسعار وعايزين يلبسوني الفلتر ب1750 جنيه والله أعلم ممكن يكون مش حاجة كويسة كمان

المشاركة الأصلية كتبت بواسطة amrelsha3er

طيب انا لو عاوز واحد فى الغردقه يبعتهولى ازاى ؟؟ لو انت لسه هتنفذ معاه ممكن تعمل حسابى معاك فى واحد ولو امكن يظبطلنا السعر سوا؟وهو يبعتلك حد يركبه ولا انت هتجيب سباك؟! ولا الموضوع ازاى؟!

أعتقد هو بيوصل للقاهرة والقليوبية بس لكن مفيش مانع حضرتك تتصل بيه وتسأله بنفسك
بخصوص التركيب مش محتاج سباك ولا حاجة هو بيبعت فني تبعه بيركبه الموضوع مش صعب خالص بس لازم تكون المكان اللي هيركب فيه مجهز بمحبس مياه إضافي للفلتر وماسورة صرف حتى لو ماسورة الحوض نفسه مش مشكلة أهم حاجة محبس المية اللي هيسحب منه