الموضوع اللى كتير هنا سألوا علية , معلش اتأخرت شوية بس كنت مشغول فى الشغل شوية وكنت بنسى اصور
اولا الفيشة دى خاصة بالفكترا B من موديل 96 - 2002 ال 1.6 الموتور الكامة واحد - الموتور الاسود - اللى كودة 16lz2 .. باقى موديلات الفكترا مفهاش الموضوع دة

باختصار الفيشة دى بتظبط توقيت الاشتعال حسب نوع البنزين المستخدم منعا لحدوث detonation او ظاهرة التسقيف

مكان الفيشة :






العربية حسب الكتالوج بتشتغل على اوكتان من 87 الى 98 .. الفيشة اللى بتنزل مع العربية ليها وشين واحد 87 والتانى 91






الناحية اللى فيها المشبك الاسود بتاع الفيشة هى اللى بتظبط عليها
العربية مظبوطة من المصنع على 87 على اساس تستعمل 90 لو محدش لعب فيها قبل كدة هتلاقيها مظبوطة على 87 .. كل اللى هتعملة فك الفيشة بحرص علشان متكسرش حاجة واقلبها على 91 بحيث يبقى رقم 91 اللى على الفيشة ناحية المشبك الاسود
دة طبعا فى حالة انك بتستخدم 92 لو بتستخدم 90 سيبها زى ماهيا

ملحوظة:
- لو يتستخدم بنزين 90 وعايز تحول سيب التانك لحد ميبقى شبة فاضى - اللمبة تنور - وفول 92 واقلب الفيشة
-لو بتسخدم 92 من الاول خلاص حول على طول مفيش مشكلة