التكييف ولع

**عمارمطر** · 12-02-2014 06:36 PM

زملائى الاعزاء انهرده حصل معايا موقف غريب وانا ماشى لقيت دخنه جامده طالعه من الكبود وريحه شياط وقفت فى الحال وشيلت كابل البطاريه وتتبعت الدخنه لقيتها طالعه من ملف اللقط بتاع كمبروسر التكييف او الكلطش المهم بعد ما العربيه بردت والدخنه راحت فصلت سلكين الكهربا ال داخلين الكمبروسر وكملت مشوارى ورجعت الحمد لله فهل الملف ده بيتغير لوحده ولا ممكن يتلف تانى ولا الكمبروسر كله يتغير

**mohamedadelemam** · 12-02-2014 06:53 PM

السلام عليكم ... حصلت معايا مره فى ال605 وفى الاخر طلع فى صرصار حظه نحس اتحشر فى الكلاتش لحظة تشغيل التكيف واتفعص وخلا الكلاتش مبيشتغلش وطلع نفس الدخان وحلها بسيط جدا حضرتك شوف لو فعلا فى صرصار عندك او اى حاجه اعاقت العمل شيلها وهتلاقيه اشتغل بدون اى مشكله وبالتوفيق ان شاء الله

**عمارمطر** · 13-02-2014 03:48 PM

ممكن يشتغل تانى بعد الدخنه الجامده دى وبعدين انا اديته كهربا من البطاريه مباشر معملش اى استجابه
عموما هجرب تانى
بس لو امكن الاخوه الاعذاء تمن الكمبروسر كام واجيبه منين استيراد بتاع استرا 2003 و1600سي