طبعاً المنافسين الشرسين تويوتا كورولا و فلوانس فيس ليفت اتهروا مقارنات و الناس كلها وضحت لها الصورة إلى حد كبير و لكن ظلت فئة الهاى لاين فى الكورولا اللى سعرها ٢١٥ الف فى الظل خارج المقارنة و كانت دايما المقارنة مع الكورولا فول اوبشن اللى بقت بحوالى ١٩٠ الف حالياً
هدف الموضوع هو القاء بعض الضوء على الكورولا الهاى لاين اللى ب ٢١٥ الف مقارنة ب الفلوانس هاى لاين اللى ب ١٨٨ الف و لاحظوا احنا بنتكلم فى ٢٧ الف جنيه فرق و ده رقم مش قليل
فى الكورولا الهاى لاين هتكسب الاتى عن الفلوانس هاى لاين
١ ايرباج زيادة مش عارف مكانها فين للأمانة لأنهم ٧ فى الكورولا و ٦ فى الفلوانس
هتكسب ESP و TRC فى الكورولا و مش موجودين فى الفلوانس
هتكسب كاسيت تاتش فى الكورولا بس بدون نافيجيشن لانه مش شغال على خرايط مصر
خط ضوء ازرق تحت التابلوه كحلية
فى الفلوانس هاى لاين هتكسب الاتى عن الكورولا هاى لاين
وحدات رفع للاربعة زجاج مع الكارت الذكى او بصمة اكرة الابواب فى الفلوانس و بتقفل الاربع زجاج مع بعض و كمان بتضم المرايات و بتقفل فتحة السقف و الكاسيت و الاضواء
مفيش غير زجاج السائق فى الكورولا هاى لاين اللى بيشتغل طلوع و نزول لمسة واحدة و ده موجود فى الاربعة زجاج فى الفلوانس مع خاصية أمان الأطفال anti pinch و هى نزول الزجاج لأسفل فى حالة اصطدامه بعائق موجوده فى الاربعة زجاج و فتحة السقف.
ضم و فتح المرايات مع الغلق و الفتح و الكارت الذكى او تشغيل السيارة موجودة فى الفلوانس و غير موجودة فى الكورولا هاى لاين
زينون مع ضبط مستمر اتوماتيكى للارتفاع باربع حساسات و بخاخات تنظيف موجود فى الفلوانس هاى لاين و غير موجود فى الكورولا هاى لاين
فتحة سقف فتح و امالة و غلق مع البصمة و الكارت
٣ ستائر مدمجة داخل الابواب و الزجاج الخلفى موجودة فى الفلوانس و غير موجودة فى الكورولا هاى لاين
المفضلات