معلومات تهمك قبل ما تفكر فى الفلوانس و الكورولا فئة الهاى لاين

**Mohamed.Hany** · 13-02-2014 08:40 PM

المشاركة الأصلية كتبت بواسطة Meggieboy

باشمهندس محمد هانى...بس نقطة للتوضيح انا ابتديت الموضوع بمقارنة أهم الكماليات فى العربيتين زى الزينون و فتحة السقف و الاوتو بارك
فلقيت حضرتك ابتديت تفصص و تكتب تابلوه لونين و اوامر صوتيه و كاوتش سرعة v
فطبعاً قلت قدام الموضوع دخل فى تابلوه لونين يبقى كمان فيه حلية شكمان نيكل....مش كده و لا ايه؟ :) ؛)

انا مش مختلف معاك يا هندسة
بالعكس ده اللي انا عاوزه منك، كل واحد عارف خبايا عربيته فمن الواجب علينا نوضحها بالتفصيل الممل للناس اللي متعرفهاش ، و ده فعلا اللي عملناه. و دي فايدة المنتدي.
لكن اختلافي مع الاستاذ الفاضل alshahba انه علق علي النقاط الكتيرة مع اني مفصصهم ليا و ليك في تعليق سابق لافادة الناس و قرر انه يختار حاجة و يقلل منها ! او يقول ان فيه حاجات كتيرة صغيرة و نقط كتيير مش محتاجة، هو مش عنوان الموضوع معلومات تهمك ؟ اعتقد دي معلومات مهمة و في ناس كتيرة جدا مكانتش تعرفها.
بمنتهي الامانة انا نيتي في التفصيص ده اني اوضح كل كبيرة و صغيرة فبصراحة بستغرب ان بعد المجهود الجبار اللي بنعمله لتجميع المعلومات الرفيعة دي انها تؤخد علي محمل انها حاجة ثانوية و يجب الاختصار في 3 ا 4 نقط و خلاص ، طب يبقي ايه فايدة الموضوع انها معلومات تهمك قبل الشراء.
انا حابب بس اوضح ان مش كل الناس زي بعض و كلنا لينا تفكيرنا، ده في ناس ممكن تختار موديل عربية عن التانية عشان خاطر لونها احلي !
طبعا كامل احترامي ليك و لاستاذنا alshahba بس اختلافنا مش معناه زعلنا :)

**Hany Saad** · 13-02-2014 08:48 PM

على فكرة تعليق على موضوع مخرج الشاحن الخلفى مخصوص لباشمهندس محمد هانى علشان بس نوضح ان الكماليات بتفرق من شخص لشخص.....انا لسه ضارب من اسبوع مشوار وداع للغردقة بعشق قلبى الميجان و كانت من امتع الرحلات بهذه السياره الرائعة
انا كنت مشغل تليفونى gps علشان مروحتش غردقة قبل كده و انا اهوى السواقة و استكشاف الطرق و طبعاً انت عارف ان مع ال gps الموبايل مش هياخد اكتر من ساعتين و يفصل و علشان كده كنت دايماً حطه فى الشحن من مخرج الولاعة الأمامى
مراتى كانت قاعدة مع الأولاد ورا و معاها سمارت فون و ابنى كان معاه تابلت بيلعب طول الطريق علشان مايزهقش
كنا احنا التلاتة عمالين نخمس فى الشاحن و مكنش مكفينا خالص و كان بيشتتنى عن السواقة انى اشيل تليفونى و اركب اجهزتهم و انا سايق على ١٢٠ كم/ساعة و طبعاً السكة من الأسكندرية 750 كم و شاحن العربية أضعف من الشاحن الكهربا و بياخد وقت أطول

من ساعة ما جبت الفلوانس و انا اشتريت شاحن اضافى ب ٢٥ جنيه حطه فى المخرج الخلفى و هو استاندرد مع ادابتور يشحن اى نوع موبايل لاى حد يركب معايا فى الخلف و فى هذه الرحلة تمنيت لو كان عندى مخرج اخر خلفى بشاحن اضافى
واحد مخصوص ليا علشان ال gps و التليفون ميقطعش منى على سفر و ما اتشغلش عن السواقة
و واحد للركاب الخلفيين زى المدام و ابنى و بنتى علشان يشحنوا اجهزتهم

اهمية الكماليات تفرق من شخص لشخص
تقبل خالص تقديرى و احترامى يا هندسة و مشكور لمجهودك الكبير لخدمتنا كلنا

**Mohamed.Hany** · 13-02-2014 08:56 PM

المشاركة الأصلية كتبت بواسطة Meggieboy

على فكرة تعليق على موضوع مخرج الشاحن الخلفى مخصوص لباشمهندس محمد هانى علشان بس نوضح ان الكماليات بتفرق من شخص لشخص.....انا لسه ضارب من اسبوع مشوار وداع للغردقة بعشق قلبى الميجان و كانت من امتع الرحلات بهذه السياره الرائعة
انا كنت مشغل تليفونى gps علشان مروحتش غردقة قبل كده و انا اهوى السواقة و استكشاف الطرق و طبعاً انت عارف ان مع ال gps الموبايل مش هياخد اكتر من ساعتين و يفصل و علشان كده كنت دايماً حطه فى الشحن من مخرج الولاعة الأمامى
مراتى كانت قاعدة مع الأولاد ورا و معاها سمارت فون و ابنى كان معاه تابلت بيلعب طول الطريق علشان مايزهقش
كنا احنا التلاتة عمالين نخمس فى الشاحن و مكنش مكفينا خالص و كان بيشتتنى عن السواقة انى اشيل تليفونى و اركب اجهزتهم و انا سايق على ١٢٠ كم/ساعة و طبعاً السكة من الأسكندرية 750 كم و شاحن العربية أضعف من الشاحن الكهربا و بياخد وقت أطول

من ساعة ما جبت الفلوانس و انا اشتريت شاحن اضافى ب ٢٥ جنيه حطه فى المخرج الخلفى و هو استاندرد مع ادابتور يشحن اى نوع موبايل لاى حد يركب معايا فى الخلف و فى هذه الرحلة تمنيت لو كان عندى مخرج اخر خلفى بشاحن اضافى
واحد مخصوص ليا علشان ال gps و التليفون ميقطعش منى على سفر و ما اتشغلش عن السواقة
و واحد للركاب الخلفيين زى المدام و ابنى و بنتى علشان يشحنوا اجهزتهم

اهمية الكماليات تفرق من شخص لشخص
تقبل خالص تقديرى و احترامى يا هندسة و مشكور لمجهودك الكبير لخدمتنا كلنا

ميزة كويسة جدا في السفر و مريحة، بس هي فعلا زي متفقنا بتفرق من واحد للتاني، يعني انا مثلا عندي شاحن جايبة من امريكا فيه 3 مداخل usb عشان انا فعلا بحط واحد للموبايل و واحد للتابلت من غير مغير الشواحن.
شكرا للمعلومات الجميلة و بعد اذنك عاوزك تفصص كل حتة لان في ناس بتقعد تحفى ورا المعلومة و مش بيلاقوها حتي من التوكيل و ده اللي بيثري المنتدي الجميل بتاعنا و بيزود زواره.

**Mohamed.Hany** · 13-02-2014 10:19 PM

المشاركة الأصلية كتبت بواسطة sofiman

طالما دخلنا في التفصيص فاسمحلي حل ان يكون اكثر من مخرج بشاحن هي الفكرة الاسوأ على الاطلاق لانك بتحمل فوق طاقة المخرج و اقرأ ده في الريفيوز على الانترنت من المواقع الامريكية..عشان كده مستحيل تلاقي شركة زي سامسونج او ابل مثلا عاملينها.

انا مثبت عندي ورا شاحن الايباد و قدام النوت3 و بعتبرها ميزة و قوية جدا

يا فندم انا مهندس الكترونيات و اجهزة طبية.
تأكد مش هعمل حاجة كهربائية بدون متكون محسوبة.
الشاحن له طاقة معينة قصوي في حالة استخدام جميع المخارج و هذه الطاقة القصوى اقل من نصف حجم الفيوز الخاص بالولاعة اللي في الكوروﻻ.
و للوقاية الاكبر الثلات مخارج بها 3 فيوز الريتنج بتاع كل واحد اقل من 1/4 حجم فيوز الولاعة .
للتوضيح هو شاحن له ثلاث مداخل usb يونيفرسال ممكن تركب عليه اي كابل من اي نوع يكون usb

**تامر.محمد** · 13-02-2014 10:53 PM

المشاركة الأصلية كتبت بواسطة Mohamed.Hany

احنا بنتكلم علي ميزة للعربية، و خد بالك موضوع الاستبن ده مهم جدا جدا و معظم الناس مش بتحب الاستبن العادي الحديد يعني او الصغير، فليه نقلل من حاجة مهمة زي دي و منعلقش مثلا علي حلية نيكل في الشكمان او تانك 60 بدل 55 او مخرج 12 فولت !!! لو هتكلم بنفس المنطق انا هعمل ايه بالمخرج ده معندي قدام مخرج و كام واحد هيركب معايا ولو ركبو معايا ناس ورا كام واحد هيبقي تلفونه عاوز يتشحن و كام واحد منهم هيبقي معاه الشاحن بتاعه عشان يحطة في المخرج الخلفي !! طب مهو فيه مخرج قدام.
زي مقلتلك احنا بنفصص مميزات كل عربية عن التانية مش اهمية كل ميزة لكل واحد ، فكان ادعي انك تعلق علي نقطة حلية الشكمان ! بدل الجنط الاستبن اللي بدون ميختلف عليه اتنين ميزة انك عدك استبن جنط سبور.
طولت عليك اسف

انا برده بصراحة ضد اضافة حاجات زي فرق الكاوتش ده و التابلوه اللونين او التابلوه ابو حلية نيكل
في نفس الوقت انا مستمتع ان المقارنة بين العربيتين وصلوا للمستوى الدقيق جدا ده

بس الصراحة برده امتعتونا و زودتوا حب الواحد للعربيتين و الله :-)))))

و انا مازلت على خلافنا يا باشمهندس بخصوص الze و نقطة وزنها
و اللي انا عن نفسي وصلت له ان الفلوينس تعتبر كده واخدة5 نجوم بمقاييس ما قبل2009 اللي هو الاختبار بتاع الميجان3 ، و طبعا مش هافتي و اقول تبقى واخدة كام بمقاييس ما بعدها
لكن عموما بص على السينيك و الكابتشر و حتى الكليو :-)

بس بامانة لو انا اللي باشتري هاحتار :-)
انا مش شايفكم ذكرتم عزل الصوت كنقطة مقارنة، مع انها نقطة مهمة، مش عارف حد جربها ولا لا
ولا شايفكم ذكرتم اسعار قطع الغيار و اظنها تصب في صالح الفلوينس

Sent from my GT-N7000 using Forum Runner

**تامر.محمد** · 13-02-2014 10:56 PM

هي الكورولا فيها فتحة تكييف خلفية صحيح؟

Sent from my GT-N7000 using Forum Runner

**Mohamed.Hany** · 13-02-2014 11:53 PM

المشاركة الأصلية كتبت بواسطة sofiman

يافندم حضرتك عارف شاحن النوت3 كام امبير؟ 2امبير و كذلك الايباد و مستحيل يكون شاحن يتحملهم معا :)

سيدي الفاضل
التليفونات العادية عند الشحن بدون استخداهما بتسحب من 0.5 الي 0.7 امبير و في حالة استخدامها بكل قوتها يعني اغاني و نافيجيشن و نت اقصي حاجة واحد امبير.
بالنسبة للايباد و التابلت فاخره 2 امبير.
حضرتك في تلات فتحات للشاحن ، و كل فتحة بها مخرج 2.1 امبير كحد اقصي و بها فيوز في كل مخرج، يعني لو حسبت اني حاطت تلاتة تابلت بمجموع 6 امبير فولاعة العربيات الحديثة حسب نوعها بها فيوز يتراوح مبين 10 الي 20 امبير و معظم السيارات الان في حدود 15 امبير . 6 امبير من 15 يعني اقل من النصف.
انا لما بستخدم بحط تابلت 2 امبير و موبايل 1 امبير يعني بمجموع 3 امبير يعني 1/5 القدرة بتاعة فيوز الولاعة. مفيش قلق

**Mohamed.Hany** · 13-02-2014 11:57 PM

المشاركة الأصلية كتبت بواسطة تامر.محمد

انا برده بصراحة ضد اضافة حاجات زي فرق الكاوتش ده و التابلوه اللونين او التابلوه ابو حلية نيكل
في نفس الوقت انا مستمتع ان المقارنة بين العربيتين وصلوا للمستوى الدقيق جدا ده

بس الصراحة برده امتعتونا و زودتوا حب الواحد للعربيتين و الله :-)))))

و انا مازلت على خلافنا يا باشمهندس بخصوص الze و نقطة وزنها
و اللي انا عن نفسي وصلت له ان الفلوينس تعتبر كده واخدة5 نجوم بمقاييس ما قبل2009 اللي هو الاختبار بتاع الميجان3 ، و طبعا مش هافتي و اقول تبقى واخدة كام بمقاييس ما بعدها
لكن عموما بص على السينيك و الكابتشر و حتى الكليو :-)

بس بامانة لو انا اللي باشتري هاحتار :-)
انا مش شايفكم ذكرتم عزل الصوت كنقطة مقارنة، مع انها نقطة مهمة، مش عارف حد جربها ولا لا
ولا شايفكم ذكرتم اسعار قطع الغيار و اظنها تصب في صالح الفلوينس

Sent from my GT-N7000 using Forum Runner

اختبارات ما قبل 2009 في ال euroncap مختلفة تماما عن دلوقتي.
و عشان كدة مش مرجع اي عربية قبل 2009 لو اختبرتها بمواصفات اختبار 2013 ممكن تفشل تماما لاختلاف المعايير.
و بالنسبة لدلوقتي بموجب الاختبارات الحالية التي تستوجب وجود esp و بتحط عليه 3 نقاط كاملة مستحيل باي حال من الاحوال تاخد ال 5 نجوم .

الموضوع: معلومات تهمك قبل ما تفكر فى الفلوانس و الكورولا فئة الهاى لاين

LinkBack

أدوات الموضوع

عرض

-

-

-

-

-

-

-

-

المواضيع المتشابهه

معلومات تهمك عن كاوتش الفلوانس فيس ليفت 2014

الهاى لاين

كاسيت الهاى لاين وصل

الفلونس الهاى لاين ولا مازدا 3 الهاى لاين ولا الشارك هاى لاين

الكلمات الدلالية لهذا الموضوع

المفضلات

المفضلات

ضوابط المشاركة