معلومات تهمك قبل ما تفكر فى الفلوانس و الكورولا فئة الهاى لاين

**Hany Saad** · 13-02-2014 10:02 AM

المشاركة الأصلية كتبت بواسطة Mohamed.Hany

اسمحلي زميلي العزيز بشمهندس هاني ان اجمع كل الاضافات و التعديلات بتاعة الزملاء و حضرتك :

فى الكورولا الهاى لاين هتكسب الاتى عن الفلوانس هاى لاين

1. عدد 7 ايرباج مقابل 6 في الفلوانس
2.نظام الثبات الالكتروني ESP
3. TRC للثبات
4.كاسيت تاتش فى الكورولا وبه نافيجيشن في الكاسيت الجديد
5.خط ضوء ازرق تحت التابلوه كحلية
6.كاميرا خلفية
7.حساسات ركن امامية و جانبية
8.اوتوبارك ,خاصية الركن التلقائي
9.قوة الموتور علي الاقل في الطلعة تحت 60 كم اقولى, بموتور 122 حصان مقابل 115
10.خاصية الاوامر الصوتية و التعرف علي الصوت voice recognition
11.سبورت موود بالفتيس
12.تابلوه لونين اسود في بيج
13.نظام ايكو لتوفير البنزين مع امكانية التحكم به
14.سخانات مرايات بزرار منفصل
15.كاوتش بريدجستون v سرعة 240 كم/س مقابل 210 كم/س للفلوانس قوة احتمال اعلي
16.استبن نفس المقاس و جنط سبور مش حديد بعكس الفلوانس
17.حساسات لضغط الاطارات مع امكانية تعديل رقم التحذير
18. وزن العربية 1300 كج مقابل 1258 للفلوانس
19. الوسع الداخلي اوسع سنة بسيطة عن الفلوانس خصوصا في الخلف لاتساع شنطتها.

فى الفلوانس هاى لاين هتكسب الاتى عن الكورولا هاى لاين

1.وحدات رفع للاربعة زجاج مع الكارت الذكى او بصمة اكرة الابواب فى الفلوانس و بتقفل الاربع زجاج مع بعض و كمان بتضم المرايات و بتقفل فتحة السقف و الكاسيت و الاضواء.
2.مفيش غير زجاج السائق فى الكورولا هاى لاين اللى بيشتغل طلوع و نزول لمسة واحدة و ده موجود فى الاربعة زجاج فى الفلوانس مع خاصية أمان الأطفال anti pinch و هى نزول الزجاج لأسفل فى حالة اصطدامه بعائق موجوده فى الاربعة زجاج و فتحة السقف.
3.ضم و فتح المرايات مع الغلق و الفتح و الكارت الذكى او تشغيل السيارة .
4.زينون في الفلوانس فقط ويجتمعو الاتنين(كورولا و فلوانس) بضبط مستمر اتوماتيكى للارتفاع باربع حساسات و بخاخات تنظيف.
5.فتحة سقف فتح و امالة و غلق مع البصمة و الكارت
6.٣ ستائر مدمجة داخل الابواب و الزجاج الخلفى
7.مخرج تكييف خلفى
8.مخرج ١٢ فولت خلفى للركاب الخلفيين
9. شنطة٥٣٠ لتر فى الفلوانس مقابل ٤٦٠ لتر
10.حلية شكمان من النيكل كروم
11.تانك بنزين سعة ٦٠ لتر فى الفلوانس مقابل ٥٥ لتر فى الكورولا
12. 8way audio

باشمهندس محمد، اسمحلى أضيف نقطة رقم 13 على تلخيصك الأكثر من رائع:
13. هتكسب 27 ألف جنيه فى الفلوانس هاى لاين عن الكورولا هاى لاين :) :)

أظن كده بعد هذا الموضوع الثرى و تجميع باشمهندس محمد الرائع لكل النقاط أصبح الموضوع واضح جداً لأى حد بيفكر فى الأحصنة السوداء فى السوق المصرى لسنة 2014 و فئة السيارات C segment هاى لاين و رينج سعر ١٨٨ و حتى ٢١٥ ألف جنيه
بالتوفيق للجميع و العربيتين أجمل من بعض و أفضل توكيلات فى مصر......

**Mohamed.Hany** · 13-02-2014 10:12 AM

المشاركة الأصلية كتبت بواسطة meggieboy

باشمهندس محمد، اسمحلى أضيف نقطة رقم 13 على تلخيصك الأكثر من رائع:
13. هتكسب 27 ألف جنيه فى الفلوانس هاى لاين عن الكورولا هاى لاين :) :)

أظن كده بعد هذا الموضوع الثرى و تجميع باشمهندس محمد الرائع لكل النقاط أصبح الموضوع واضح جداً لأى حد بيفكر فى الأحصنة السوداء فى السوق المصرى لسنة 2014 و فئة السيارات c segment هاى لاين و رينج سعر ١٨٨ و حتى ٢١٥ ألف جنيه
بالتوفيق للجميع و العربيتين أجمل من بعض و أفضل توكيلات فى مصر......

تسلملي حبيبي
فعلا اتفق معاك في النقطة 13. هتكسب 27 ألف جنيه فى الفلوانس هاى لاين عن الكورولا هاى لاين :) :)
وانا حبييت ازوود شوية المقارنة لتشمل نفس الفئة السعرية 189 الف كورولا و 188 الف فلوانس عشان معظم الناس بتقارن بالسعر .
والاختيار صعب جدا و العربيتين تحفة و ربنا يكون في عون المحتارين مبينهم بس بيتهيالي خلاص كدة كله وضح بعد موضوعك الجميل ده للناس.

**iUsef** · 13-02-2014 10:30 AM

المشاركة الأصلية كتبت بواسطة Meggieboy

باشمهندس محمد، اسمحلى أضيف نقطة رقم 13 على تلخيصك الأكثر من رائع:
13. هتكسب 27 ألف جنيه فى الفلوانس هاى لاين عن الكورولا هاى لاين :) :)

أظن كده بعد هذا الموضوع الثرى و تجميع باشمهندس محمد الرائع لكل النقاط أصبح الموضوع واضح جداً لأى حد بيفكر فى الأحصنة السوداء فى السوق المصرى لسنة 2014 و فئة السيارات C segment هاى لاين و رينج سعر ١٨٨ و حتى ٢١٥ ألف جنيه
بالتوفيق للجميع و العربيتين أجمل من بعض و أفضل توكيلات فى مصر......

مقارنه هايله يا بشمهندس هاني:) طبعاً هتكسب ٢٧٠٠٠ بس احنا اللي هنكسب في اعادة البيع

في الاخر عني وعن قسم تويوتا ياريت نشوفك في المقابلة بتاعت القسم ونتعرف بيك وننول الشرف

**Hany Saad** · 13-02-2014 10:57 AM

المشاركة الأصلية كتبت بواسطة iUsef

مقارنه هايله يا بشمهندس هاني:) طبعاً هتكسب ٢٧٠٠٠ بس احنا اللي هنكسب في اعادة البيع

في الاخر عني وعن قسم تويوتا ياريت نشوفك في المقابلة بتاعت القسم ونتعرف بيك وننول الشرف

اهى بقى نقطة اعادة البيع دى بالذات ياباشا اللى انا بعترض عليها....يا باشا العربية معروفة فى كل العالم انها سلعة أستهلاكية غرضها توصل حضرتك لمشوارك لو بنتكلم على عربية أقتصادية و غرضها تستمع بيها و بكمالياتها و انت سايقها كل ما بتطلع لفئات أعلى زى موضوعنا هنا
حضرتك عمرك اشتريت تليفزيون جديد و لا بدلة شيك غالية جداً و لا تلاجة مستوردة غالية جداً و لا iPad و لا smartphone و فكرت لما هتبيعه هيجيب كام او بنيت قرار شراؤك على حسب سعر بيعه مش على حسب سعر شراه و هو جديد
اللى بيتاجر فى العربيات و بيقلبها كل ٦ شهور أو سنة و ده نادر دلوقتى ممكن يفكر فى النقطة دى أما المشترى العادى اللى مبدئياً عنده ٣ سنوات ضمان و فوقيهم ٣ -٤ سنوات استهلاك، بعد ٧ سنين استهلاك و استمتاع بالعربية ساعتها يبقى اللى تجيبه تجيبه لأن هيكون نزلت عربيات بتطير و auto driver و مين عارف هنكون عايشين و بنبيع و لا لأ....طبعاً ده غير ان فرق السعر اللى هتكسبه هيعوضه ال٢٧ الف زيادة حالياً و كمان فرق السعر ده بعد 5-7 سنين هنبعت بيه الولاد يجيبوا فطار :):)

العمر الأقتصادى للسيارات حسب تصنيف الشركات العالمية هو ٥ سنوات و بعدها مصروفاتها مع سعر أعادة بيعها بيفوقوا سعر شراء سيارة الجديدة لذا لزم التبديل...بعد ٥ سنين ربنا يدينا العمر كلنا نبقى نشوف فاضل ايه فى العربية نبيعه و هتجيب كام :)

انا اتشرف بالناس الحلوة المحترمة رجالة التويوتا و يشرفنى أحضر و اتعرف عليكم....طبعاً انا اسكندرانى اصيل و شغلى بنزله مره فى الاسبوع القاهرة بس مش الجمعة و لكن هحاول أوفق الميعاد و يزيدنى شرفا معرفة رجال محترمين زى حضراتكم....و كمان تبقى فرصة حلوة نفصفص العربيات مع بعض.

**Mohamed.Hany** · 13-02-2014 01:06 PM

المشاركة الأصلية كتبت بواسطة sofiman

اعتقد نقطة 13 دي لوحدها مقابل المميزات المذكورة كافية :)
لكل بالطبع لكل شخص وجهة نظر

وجهة نظر برضو.
اعتقد حضرتك مقرتش التعليق اللي في الصفحة السابقة اللي عملت فيه مقارنة مبين كورولا 189 الف و فلوانس 188 الف لو قرتها ممكن تاخد بالك انا قصدي ايه :)

**Mohamed.Hany** · 13-02-2014 01:38 PM

للايضاح فقط في نقطة اعادة البيع ، الكوروﻻ تتفوق تماما.
انا من كام شهر بعت كوروﻻ 2011 كنت جايبها ب 150 الف بعتها علي 165 بعد مستخدمتها 3 سنين و مشيت 50 الف !!! و لو هنقارن اي عربية بما فيهم الفلوانس في الفترة اازمنية اللي بعت فيها و بنفس الظروف بتاعة الدولار عمر ماعادة بيعها يعلي اكتر من ثمنها الاصلي، بل هتخسر .
و ملحوظة تانية بعد مبعتها ب 165 سعرها بقي 175 بعديها بشهرين.
يعني بدل مخسر كسبت 25 الف ! ده مش موجود غير في الكوروﻻ وده اللي مشهورة بيه مع الاعتمادية و الزيادة في 2014 الامان و الثبات، يعني عربية فعلا متكاملة و الكمال لله وحده طبعا.

**Mohamed.Hany** · 13-02-2014 01:41 PM

المشاركة الأصلية كتبت بواسطة SoFiMaN

شفتها يا بشمهندس بس دي كمان بتأكد ان -بالنسبة لي- ان فئة 188 فلوينس افضل
فمثلا نقطة 8 معتقدش تفرق لأن استهلاك العربيتين واحد تقريبا و طبعا دي حاجة معروفة و اهم ميزة cvt

نقطة 10 للكاوتش اعتقد برضه 210 او 240 دي مش حاجة هحطها في حسابي اثناء الشراء تماما حتى لما بشتري كاوتش جديد بيبقى h

نقطة 13 انا ركبت بصراحة الكورولا في المعرض كتجربة قبل ما اشتري بس محستش بكده تماماً

و طبعا زي ما بنقول دايما ان حتى الحاجات اللي بشوفها ليس لها اهمية من الاساس قد يكون للغير اهمية لها.

ممكن ميفرقوش مع حضرتك ، لكن يفرقو مع ناس كتييير.
زى مثلا ال esp يفرق معايا ممكن ميفرقش معاك، احنا بنقول بتزيد ايه مش انا عاوز ايه.
بنعرض و اللي عاوز حاجة بيخترها محناش كلنا زي بعض بس فيه حاجات مش بنختلف عليها

**Mohamed.Hany** · 13-02-2014 02:08 PM

المشاركة الأصلية كتبت بواسطة SoFiMaN

شفتها يا بشمهندس بس دي كمان بتأكد ان -بالنسبة لي- ان فئة 188 فلوينس افضل
فمثلا نقطة 8 معتقدش تفرق لأن استهلاك العربيتين واحد تقريبا و طبعا دي حاجة معروفة و اهم ميزة cvt

نقطة 10 للكاوتش اعتقد برضه 210 او 240 دي مش حاجة هحطها في حسابي اثناء الشراء تماما حتى لما بشتري كاوتش جديد بيبقى h

نقطة 13 انا ركبت بصراحة الكورولا في المعرض كتجربة قبل ما اشتري بس محستش بكده تماماً

و طبعا زي ما بنقول دايما ان حتى الحاجات اللي بشوفها ليس لها اهمية من الاساس قد يكون للغير اهمية لها.

برضو وجهة نظر حضرتك تحترم جدا.
بس انا مثلا وجهة نظري ان كورولا 189 افضل من فلوانس 188 عشان ال esp و ال trc .
بالنسبة للاستهلاك فيه موضوع في قسم رينو وواحد زيو في قسم تويوتا ماشيين علي سرعة 90 و مصورين الاربي ام و استهلاك البنزيين و الصور بتوضح ان الاستهلاك في نفس الظروف افضل في الكورولا.و الفتيس حسب ما اعرف مش زي بعد بالضبط في النقلات طريقتها مختلفة شوية , حسب ما اعرف الفلوانس xtronic cvt و الكورولا cvt .
مش عارف اشرحلك الفرق بس لما شفت فيديو حسيت انهم مختلفين في طريقة النقل شوية بس في المجمل نفس تقنية ال cvt.

كاوتش V عن H يفرق جامد طبعا في قوة التحمل و العمر و علي الطريق, وانا عن نفسي لما اجي اغير هغير بال V مش ال H ليه اخد حاجة اقل مدام الاختيار قدامي ؟
بالنسبة للوسع انا فليت العربيتين في المعرض, الفرق بسيط جدا مش هتحسة الا لما تركب 3 ورا في نفس العربيتين و ده بصراحة عشان الشنطة جميلة في الفلوانس وواسعة عن الكورولا.

الموضوع: معلومات تهمك قبل ما تفكر فى الفلوانس و الكورولا فئة الهاى لاين

LinkBack

أدوات الموضوع

عرض

-

-

-

-

-

-

-

-

المواضيع المتشابهه

معلومات تهمك عن كاوتش الفلوانس فيس ليفت 2014

الهاى لاين

كاسيت الهاى لاين وصل

الفلونس الهاى لاين ولا مازدا 3 الهاى لاين ولا الشارك هاى لاين

الكلمات الدلالية لهذا الموضوع

المفضلات

المفضلات

ضوابط المشاركة