الموضوع: تغيير زيت الموتور بالمدة وليس بالمسافة

المشاركة الأصلية كتبت بواسطة borio1704

أنا دخلت على اللينك اللي حضرتك كاتبه.. ومنها دخلت على قائمة الزيوت اللي عندهم

في اللينك دي..
Atomic Oils | XADO Australia. Patented nano technology for in-place repair automotive & industrial equipment

في الحقيقة... 90% من الزيوت بتاعتهم تصنيفها sl
الغريب بقى.. ان عندهم زيوت sj.. و sg .. اللي المفروض يكونوا obsolete من فترة طويلة

من وجهة نظري... الزيوت ما تبقاش obsolete طول ما ليها استخدام وزباين

الزيوت اللي تصنيفها sj و sg ممكن تتحط في مواتير قديمة وتبقى بالنسبالها أعلى من مواصفات الكتالوج.. وتبقى بالطريقة دي بتحافظ على الموتور يمكن بنفس معدل الزيوت الحديثة.

المسألة نسبية

أنا شايف إن تصنيف sl يعتبر حاليا مستواه متوسط بالنسبة للزيوت اللي في السوق... واستخدامه مناسب لكل السيارات الحديثة اللي بتسمح باستخدام المستوى ده.

كفاية انك تلاقي زيت "تويوتا" تصنيفه الحالي sl



...

حضرتك عارف انه الزيت المصنف obsolete معناه :
1- ان api لن تمنح إعتماد لمنتج بهذ المواصفات ، يعنى لو شركه انتجت حديثا زيت موتور بمواصفات sj ، فلن يكون بإمكانها الحصول على شهادة الاعتماد من الـ api

2- معناه ايضا ان المواصفه الاحدث يٌمكن استخدامها فى المواتير التى تتطلب المواصفه الاقل ، يعنى لو موتور يتطلب زيت sj (الاقدم) فمن الممكن استخدام sl (الاحدث ) ، وهكذا

انا طبعا عارف ان حضرتك استاذ فى الزيوت ، لكن هذا الكلام للاخوه الاعضاء لعله يكون فيه استفاده لهم

انا لما قلت ان زيت xado 10w40 - زيت قديم ، فده لانه مخصص للمواتير من عام 2004 وما قبلها .
والتوصيف اللى بعد sl هو sm ، وده فيه زيوت كتيره جدا فى الاسواق حاصله على هذا اعتماد هذا التوصيف ، وطبعا الزيت المعتمد بمواصفة sm يصلح للمواتير اللى تتطلب sl

* فيه نقطه تانيه مهمه وهى ان شركات انتاج الزيوت عندها منظور إقتصادى فى الانتاج ، يعنى ليه تعمل خط انتاج مخصوص لزيت بمواصفة sl وخط انتاج تانى بمواصفة sm ، بدعوى ان فيه عربيات قديمه تحتاج زيت بواصفة sl ، فى حين ان مواصفة sm تنفع للمواتير القديمه والجديده .




* على فكره فيه زيت تويوتا sn



عفوا على الإطاله

تحياتى

المشاركة الأصلية كتبت بواسطة Dr_Moustafa

هذا الزيت قديم نسبيا
عربيتك نوعها إيه ، وموديل سنة كام ؟

عموما هو يٌفضل تغيره بعد 10 الاف كيلو أو سنه (أيهما أقرب)

نوعها هوندا سيفيك 2010 انا عارف ان مفروض احط زيت تخليقي بالكامل بس انا بمعدل المشي القليل دة حرام احط زيت ب300 جنية واصلا انا من بورسعيد ومافيش عندنا غير زيت موبيل 5000 وموبل 1 عشان كدة قلت احط زيت انضف شوية ومن كلام الاساتذة هنا في المنتدي ان زيت زادو زيت محترم وعلي فكرة انا اتصلت بيهم ورد عليا استاذ هيثم مسئول المبيعات وسألتة هل زيت 10w-40 مع معدل المشي القليل مناسب لعربيتي قال لي انة مناسب بس ماكنتش اعرف موضوع انة قديم دة

المشاركة الأصلية كتبت بواسطة borio1704

الحكم على الزيت ما بيبقاش بدرجة اللزوجة فقط... لسه محتاجين درجة مستوى الخدمة.. ودي بيعبروا عنها في معظم الأوقات بكود الapi

ماركة الزيت مش هتفرق في الأداء على فكرة

لو عايز معلومات أكتر عن طريقة اختيار الزيت ومميزات وعيوب أنواع الزيوت.. ادخل على الرابط ده
http://www.nilemotors.net/nile/341680-a.html

بس بشكل عام... الزيوت التخليقية عمرها أطول من الزيوت المعدنية... وفي حالة حضرتك... اتوقع إن 6 - 9 شهور مناسب جدا

بس خليني أدور شوية وأرد عليك بدقة


...

تمام شكرا لحضرتك وياريت تقول لي اجابة شافية في موضوع مدة بقاء الزيت في الموتور عشان كل اما اسأل حد يقول لي غيرة كل 10000طب انا 10000 دول هاعملهم في خمس سنين !!

المشاركة الأصلية كتبت بواسطة webwalid

نوعها هوندا سيفيك 2010 انا عارف ان مفروض احط زيت تخليقي بالكامل بس انا بمعدل المشي القليل دة حرام احط زيت ب300 جنية واصلا انا من بورسعيد ومافيش عندنا غير زيت موبيل 5000 وموبل 1 عشان كدة قلت احط زيت انضف شوية ومن كلام الاساتذة هنا في المنتدي ان زيت زادو زيت محترم وعلي فكرة انا اتصلت بيهم ورد عليا استاذ هيثم مسئول المبيعات وسألتة هل زيت 10w-40 مع معدل المشي القليل مناسب لعربيتي قال لي انة مناسب بس ماكنتش اعرف موضوع انة قديم دة

لازم تقرا كتالوج العربيه وتشوف مواصفة الزيت المناسب
أعتقد ان هوندا بتوصى بلزوجه 5w30 ، بس أتاكد الاول

الزيت التخليقى تمنه حوالى 300 جنيه ، وزى ما قلت لك تمشى بيه 100 ألف كيلو أو سنه (أيهما أقرب) ، فى حالتك هتغيره كل سنه
يعنى 300 جنيه كل سنه مبلغ مناسب

بالتوفيق